Mise 1:5 - U TIENU MAAMA TILI 2013

⁵ Lani kuli baa tieni kelima Jakob Puoliŋuani biadima po. Lani kuli baa tieni kelima Isidayeli Yaaba tuonbiadi po. Jakob puoliŋuani yiema ŋoadi ŋmenba? Laa tie Samari ka yo? Juda yaaba buŋoadima ŋoadi ŋmenba? Laa tie Jerusalemi ka yo?

Gourmanchéma Bible

⁵ Lankuli baa tieni kelima Jakobo puoliŋuani biadima po. Lankuli baa tieni kelima Isalele yaaba tuonbiadi po. Jakobo puoliŋuani yiema ŋoadi ŋmenba? Laa tie Samali ka yo? Juda yaaba buŋoadima ŋoadi ŋmenba? Laa tie Jelusalema ka yo?

Mise 1:5 ပူးပေါင်းရင်းမြစ်များ

1 Bi Badiba 11:7

Lanwani, Salomon den maa yaa juali n se ki tiegi Jerusalemi yuli po, li padibinbinli Moabi yaaba cancaginbulo Kemosi po leni Anmoni yaaba yaa cancaginbulo Moleki po.

1 Bi Badiba 13:32

kelima o Diedo n den teni ke o tiani Beteli padibinbinli leni a padibinbina diena ya n ye Samari dogi nni po ki yedi yaala baa tieni.»

1 Bi Badiba 16:24

o den daa Semeri kani Samari juali kujapiena tudaluoba (6 000). O den maa li juali yeni yuli po u dogu ki yini u Samari, li juali daano n yi maama.

2 Bi Badiba Jama 34:3

O bali binniili nni, wan da den tie jawaalo yaa yogunu, o den cili ki lingi o yaaja Davidi Tienu yanbuama. O bali piiga n binlieli nni, o den cili ki mudi i buli padibinbina, Akera budaadi, ban den duadi yaa buli leni ti kudi, ki ñani likuli Juda diema nni leni Jerusalemi nni.

2 Bi Badiba Jama 34:4

O den tudi ki luni Baali padibinbina, wani Baali nintuali. O den mudi ban den juugi a dugibila yaa padibinbina tana po. O den kua kua o bulo Akera daadi, ki den mudi ban den duadi i buli nannana ya leni ti kudi. O den mudi likuli yomi yomi nani mi tama yeni, ki yadi yadi yaaba n den padi ba takula po.

Esayi 7:9

Efrayimi yaaba dociamu n tie Samari, Samari bado mo tie Remalia bijua.› Yinba Juda diema yaaba, Yi yàá sedi bonŋanla yi dandanli nni, Yi kan ti fidi ki mua jamiba kuli.»

Jeremi 2:17

Isidayeli, be n cuani a po la? Laa tie ke a ŋaa o Diedo a Tienu, Yua n den gobidi a o sanŋamu nni yeni ka?

Jeremi 2:19

A biadima n nandi a, A janbi mo n ñiadi a. Diidi ki le, ki ŋaa mini o Diedo a Tienu, Ki da go pia n po fangiliba, N bia ki go gundi maama. Li Miali Diedo U Tienu U Paaciamu Kuli Daano n yedi yeni.»

Jeremi 23:13

Samari saawalipuaba kane ke n laa ti cagindi. Bi pua saawali o bulo Baali yeli nni, Ki yaani n niba Isidayeli yaaba.

Jeremi 23:14

Ama Jerusalemi saawalipuaba kani, N laa yaa bonla n gundi hali boncianla. Bi pia mi conconma, Ki cuoni i boandi nni. Bi paagidi yaaba n tiendi mi biadima pala, Hali yaala ke oba kan ŋaa o biadima. N nuni po, bikuli tie nani Sodomi yeni, Ke Jerusalemi niba mo nani Gomori yeni.»

Jeremi 4:18

A tagu leni a bontienkaala N cuani a po yaali n yeni. Diidi, a biadima li to yo bagibagi. Laa bonla baa nandi hali a pali.

Jeremi 5:25

Yi tagili n biidi likuli, Yi tuonbiadi mo n muni yi laa baali kuli,

Jeremi 6:19

Ki tinga, cengi bonŋanla! Mini n teni ke mi yebiadima ŋmaa bi naa niba, Li tie bi yantiabiada panpaani yo, Kelima baa soangi bi yama ki gaa n maama. Bi fali n bali maama.

Jeremi Bubula 5:16

Ki badifogiliga cibidi ti yuli po ki baa. Fala baa ti kelima ti tudi.

Esekieli 16:46

A kpelo yua n ye a nuganu po tie Samari leni o bisiaba. A waalo yua n ye a nujienu po mo, tie Sodomi leni o bisiaba.

Ose Tili 7:1

Min den bua ki faabi Isidayeli yaaba yaa yogunu, Efrayimi leni Samari tuonbiadi kuli den doagidi. Laa diema nni bi tiendi i janbi, Ki mudi a diena ki koa ki su, Ki ja bi niba i sani nni.

Amosi 6:1

Fala baa baa yaaba n ye Siyon leni mi yanduanma, Ki go baa yaaba n ye Samari juali po kaa bangi liba po. Fala baa baa laa paatieba, Yaaba n tie i nibuoli kuli siiga yaa nibuolu n tugi li yuli, Isidayeli yaaba n caa bani yaaba yaa kani, ke bi todi ba.

Amosi 7:9

Isaaka puoliŋuani padibinbina ya n ye a juana yula po baa bodi. Isidayeli yaaba n gagidi yaa kaani kuli baa bodi. N baa fiini ki sedi o bado Jeroboami puoliŋuani po leni ki jugisiemu.»

Amosi 8:14

Isidayeli yaaba baa yaa taagi Samari buli yeli, Ki polini ki tua: ‹Hali Dan buolu bulo po, Bi hali Beri-Seba tienu po.› Bani yaaba n polini yeni kuli baa baa, Ki kan go fii abada.»

Mise 1:13

Lakisi dogu yaaba, doali mani yi toateliti, Kelima yinba n den kuani Siyon yaaba ti tuonbiadi nni. Isidayeli niyiekaaba moko den ye a yaa kane.