Mise 1:16 - U TIENU MAAMA TILI 2013

¹⁶ Yinba Juda yaaba, kuo mani yi yula Kelima li paboanli cuo yi yi bibuadimu po. Teni mani yi yula n pidi nani o yobilo yeni, Kelima yi bila caa ti yonbidi ki baa foagidi leni yi.»

Gourmanchéma Bible

¹⁶ Yinba Juda yaaba, kuo mani yi yula, Kelima li paboanli cuo yi, yi bibuadimu po. Kuo mani yubima nani o yobilo yeni, Kelima yi bila yeni caa ti yonbidi ki baa foagidi leni yi.»

Mise 1:16 ပူးပေါင်းရင်းမြစ်များ

2 Bi Badiba 17:6

Ose bali binyiali binli, Asiiri bado den paadi Samari ki cuo ba, ki gedini ba Asiiri diema ti yonbidi. O den kaani ba Hala dogu nni, Gosan diema nni, Habori kpenu n puubi naankani. O go den kaani ba Medi dociami nni, ke bi ye lankani.

Jobi 1:20

Lani, Jobi den fii ki sedi ki padi o liadicianli, ki kuo o yuli. Li yaa puoli, o den labini ki pugi U Tienu,

Esayi 15:2

Bi gedi Divon li padili kaanu ki mua, Bi mua Nebo leni Medeba po. Bi kuo bi yudi kuli, Ti langbiadi kuli mo jia ki wadi.

Esayi 22:12

Li Miali Diedo U Tienu U Paaciamu Kuli Daano Yini yi dinla ke yin mua ki wolini, Ki kuo yi yula ki yie li paboanli tiadi.

Jeremi 16:6

Li nikpela leni li bila kuli baa kpe mi naa diema nni. Bi kan baa piinma, bi kan baa ban lu bi kudiegu, oba kan kuo o yuli bi po, ki buali ban badi i be bi po.

Jeremi 4:8

Lani yaa po, yie mani li paboanli tiadi. Buudi mani ki yaa kaliti, Kelima o Diedo pabiencianli kan cedi yi.»

Jeremi 47:5

Gasa yaaba kuo ti kuyudi. Sagimuba ki go sagidi Asikalon dogu nni. Yinba ti jaciandi yaadi n sieni yeni, Yi baa yaa baa ki badi yiba i be, Hali u laa yogunu yo?

Jeremi 6:26

N niba, yie mani li paboanli tiadi, Bili ki lebidi mani mi fantanpienma nni, Mua mani boncianla, Nani bonjayenyenga kuuma yeni, Kelima yua n cua ki baa bolini yeni, ludi ti.

Jeremi 7:29

Kuo ŋan den gagidi a yuli Ki bili yaa yudi yeni, ki ban lu. Gedi a juana yula po ki wanli, Kelima o Diedo fali, O yama mo sii yaa nifiima n biendi o pali Hali boncianla yeni po.›

Jeremi Bubula 2:19

Fii ki mua boncianla. Li yaa pundi yoagisiigu, Ŋan togidi o Diedo a yantugu kuli. Yugidi a nii o po ki jaandi Ki mia a bila laafialo, Mi koma n caa ki baa je yaaba I sankuni kuli nni yeni.

Amosi 7:11

Cengi wan ŋua ki maadi yaala: ‹Bi baa kpa Jeroboami leni ki jugisiega, ki gedini Isidayeli yaaba mo ti yonbidi yaa kaanu n foagi leni bi diema.› »

Amosi 7:17

Ŋan tieni laa bonla yeni, o Diedo n yedi yaala ne: ‹A pua baa tua puoconconli u dogu nni, Bi baa kpa a bijaba leni a bisiaba leni mu jugisiemu. Bi baa biigi a kuani leni u baabu ki boagidi, Fini a ba mo baa n kpe mi nilandiema nni. Bi baa gedini Isidayeli yaaba ti yonbidi yaa kaanu n foagi leni bi diema.› »

Amosi 8:10

N baa lebidi yi badi dana, ŋan tua paboanli dana, Ki lebidi yi yani kuli mo, yin tua kumoe. N baa teni bi niba kuli n la li paboanli tiadi, Ki doagidi bi paboanli. N baa kuo ba yubima, Ki teni li paboanli n cuo mi diema yaaba kuli, Nani bonjayenga kuuma yeni. Landaali cilima hali li juodima baa yaa tie paboanli daali.»

Mi Tiadima 28:41

Yi baa maa a bonjala leni a bonpola, ama bi nan kan tua yi yaaba, kelima bi baa gedini ba ti yonbidi.