Mise 1:11 - U TIENU MAAMA TILI 2013

¹¹ Yinba Safiri dogu yaaba, Gedi mani ti yonbidi mi mubima leni i fe nni. Tisaanani dogu yaaba kan go tuo ki ña kelima ti jawaandi po. Beti-Haetiseli dogu yaaba paboanli Teni ke yi kan baa bi todima.

Gourmanchéma Bible

¹¹ Safili dogu yaaba, Gedi mubili leni i fe. Ti jawaandi po, Tisaanani dogu yaaba Kan go tuo ki ña. Beti-Haetiseli dogu paboanli Teni ke yi kan baa bi todima.

Mise 1:11 ပူးပေါင်းရင်းမြစ်များ

Esayi 16:2

Moabi puoba se Arinoni kpenu kane, Nani ban deli yaa nuanga yeni, Bi nani ban pua ki fidi yaa noantediga Ke mu nuanmu puagi yeni.

Esayi 20:4

Yeni Asiiri bado baa gedini Ejipiti kpaada leni ban cuo yaaba Etiopi diema nni ti yonbidi, li nipanba leni li jakpela ke baa yie puu, kaa pili puu kuli mo. Laa bonla baa yaa tie fe Ejipiti po.

Jeremi 13:22

A yaa yedi a pali nni: «Be n teni ke line tieni nni?» A tagilibiadi po n teni ke bi kaadi a tiadi ki duoni, Ki tieni a u paalu boncianla.

Jeremi 48:6

Bi buudi ki tua: ‹Yua tadi yua n pa! Sani mani, sani mani ki ña ne Ki yaa ban ye mi fanpienma nni Nani i fuaŋunbi yeni.›

Jeremi 48:9

Pa mani Moabi i fiabi wan yugi ki foagidi, O dogi baa yaa ye leni li paboanli, Yi kan go yaa pia niba.

Esekieli 16:37

lanwani n baa taani a jaconcona ŋan den mangidi a pali leni yaaba, ŋan den bua yaaba leni ŋan den nani yaaba kuli. N baa ñani ba i kaani kuli ki taani ba, ki yiedi ki sieni a mubima, ki teni ban le a mubima kuli cain.

Esekieli 23:29

Bi baa mabini a leni ki nanga, ki gaa a piama kuli, ki yiedi a ki ŋaa ŋa mubima. A cagindi kuli baa doagidi, ban bandi tin bia ki da maama.

Mise 1:8

Mise go den yedi: «Lani n teni ke n baa mua ki figindi, N baa cuoni taapiena leni mubima, Ki doagidi n paboanli. N baa yaa mua ki tangi nani i tanboe yeni. N baa duni ki kpaani nani ti tataadi yeni.

Nahumi 3:5

Li Miali Diedo U Paaciamu Kuli Daano yedi: «Li tie lani yaa po yo ke n baa fii ki sedi a po. N baa kaadi a tiayiekaadi, Ki teni i nibuoli kuli n le a mubima. I nibuoli kuli baa le a fe.

Sakari 14:5

Yi baa tagini ku joaloangu yaagu N ye a juana siiga yeni, Ki sani ki cia, Kelima ku joaloangu yeni baa tandi Ki pundi hali Atisali. Yi baa sani nani yi yaajanba N den sani maama, Juda bado, Osiasi yogunu, Mi tindigibima n den tieni yaa yogunu yeni. Lanwani, o Diedo, n Tienu Baa yegi leni o malekinba ki cua.

Josue 15:37

Li go den pia Senan, Hadasa, Migidali-Gadi,