Matie 9:15 - U TIENU MAAMA TILI 2013

¹⁵ Jesu den guani ki yedi ba: «O puocaano calo danlinba baa gaa lede ki biidi bi pala wan da ye leni ba li puocaali nni yaa yogunu? Ama a dana kpendi ke bi baa cuo o puocaano calo ki ñani o bi siiga. Lanyogunu, bi baa loli bu ñoabu.»

Gourmanchéma Bible

¹⁵ Jesu den goa ki yedi ba: «O pocaancalo danlinba baa ga lede ki biidi bi pala wan da ye leni ba li pocaali nni yaa yogunu? Ama a dana kpendi ke bi baa cuo o pocaancalo ki ñani o bi siiga, bi baa loli bu ñoabu laa yogunu.»

Matie 9:15 ပူးပေါင်းရင်းမြစ်များ

Mi Doagidima 19:9

Lani, maleki yeni den yedi nni: «Diani yaa maama n tie ne: li pamanli ye leni ban yini yaaba ki Pebiga puocaajiema po.» O go den yedi nni: «Mi naa maama tie U Tienu n maadi yaa moamoani.»

Jan n diani U Tienu Laabaaliŋamo maama 3:29

Yua n die o puocaano tie o puocaano calo. Ama o puocaano calo danli, yua n ye o kani ki cengi o, pali mani boncianla o yaa gbadi o puocaano calo nialu. Nmoko pia laa pamancianli buolu yo, ke li dagidi cain.

Mi Doagidima 21:2

N den laa u dogagidiŋamu, Jerusalemi-paano, ke u ñani U Tienu kani tanpoli po, ki ji. U den bogidi uba, ki bobi nani o puocaano n baa tieni o calo po maama.

Jesu Tondiba Tuona 14:23

Kilisiti Nitaana yenli yenli kuli nni, Poli leni Barnabasi den gandi ki puogi yaaba n baa yaa tie taanli kuli nikpela. Ban den loli bu ñoabu, ki jaandi ki mia U Tienu, bi den taa bikuli ki piani o Diedo ban den daani yua, ke wan yaa kubi ba.

1 Korenti 7:5

Yin da yie mani yiyaba po, kali yikuli yaa juogi ki tuo ki bili u yogunu waamu i jaandi po. Lani yaa pendi, yin guani ki taani leni yiyaba ke Sutaani n da tulini yi, kelima yi gbali yi gbanandi kubima.

Jan n diani U Tienu Laabaaliŋamo maama 16:6

Li paboanli cuo yi boncianla, kelima n waani yi lani.

Esayi 22:12

Li Miali Diedo U Tienu U Paaciamu Kuli Daano Yini yi dinla ke yin mua ki wolini, Ki kuo yi yula ki yie li paboanli tiadi.

2 Korenti 11:27

N den tuuni li tuonli leni li tuonpaali kuli. N den ye leni mi duanoalima, mi koma leni u ñuñuunu. Yaa yogini n yabi, n den ye leni ti jepoadi, ki ye leni ti wadi, ki yen luo ba ti tiayiekaadi.

Matie 9:14

Jan ŋoadikaaba den cua Jesu kani ki yedi o: «Be yaa po ke tinba leni Farisieninba yen luo bu ñoabu, ke a yaa ŋoadikaaba wani naa luo?»

Matie 9:16

O go den yedi: «Niloba kan taa cabipanli ki biini li liadikpeli, kelima li cabipanli baa dadi li bonkpeli, lan padi ki pugini.

Marki 2:19

Jesu den guani ki yedi ba: «O puocaano calo danlinba baa gaa lede ki loli bu ñoabu, o puocaano calo n da ye leni ba yaa yogunu? Li kan tuo, kelima o puocaano calo da yaa ye leni ba li puocaali nni, bi kan fidi ki loli bu ñoabu.

Marki 2:20

Ama u yogunu kpendi, ke bi niba baa cuo o puocaano calo ki ñani o bi siiga. Lanyogunu, bi baa loli bu ñoabu.

Luki 5:34

Jesu den guani ki yedi ba: «Naani yi baa fidi ki teni o puocaano calo danlinba n loli bu ñoabu o puocaano calo n da ye leni ba yaa yogunu?

Luki 5:35

A dana kpendi ke bi niba baa cuo o puocaano calo ki ñani o bi siiga. Lanyogunu bi baa yaa luo bu ñoabu.»

Luki 17:22

Lani, Jesu den yedi o ŋoadikaaba: «A dana kpendi ke yi baa bua hali boncianla ki le o Joa Bijua dana siiga ba dayenli, ki nan kan le.