Matie 8:29 - U TIENU MAAMA TILI 2013

²⁹ Bi den tiani o po: «Be n ye tinba leni fini siiga, U Tienu Bijua? Naani a cua ne ki baa duoli ti ke u yogunu daa pundi yo?»

Gourmanchéma Bible

²⁹ Bi den tiani opo: «Be n ye tinba leni fini siiga, U Tienu Bijua? Naani a cua ne ki baa duoli ti ke u yogunu daa pundi yoo?»

Matie 8:29 ပူးပေါင်းရင်းမြစ်များ

2 Samueli 16:10

Ama o bado den guani ki yedi: «Yinba Tiseruya bijaba, yi maama ki ye lienni. O yaa soli nni, li tie ke o Diedo n yedi o: ‹Ŋan soli Davidi.› Lanwani, ŋme n baa fidi ki fu leni o.»

2 Samueli 19:22

Lanwani, Tiseruya bijua Abisayi den yedi: «Simeyi n den soli o Diedo n gandi yua yeni, naani laa pundi wan kpe?»

1 Bi Badiba 17:18

Lane o pua yeni den yedi Elia: «U Tienu nilo, be n ye mini leni fini siiga? A cua n deni ki baa tiadi nni n tuonbiadi, ki go teni n bijua n kpe yo?»

2 Bi Badiba 3:13

O den yedi Isidayeli diema bado: «Be n ye mini leni fini siiga? Gedi a baa yaa saawalipuaba leni a naa yaa saawalipuaba po!» Isidayeli diema bado den yedi: «Aa-a! Kelima o Diedo yini tinba bi baditaadiba ne, ki baa taa ti ki tieni Moabi yaaba nuu nni.»

2 Bi Badiba Jama 35:21

Ama Neko den soani, ke bi yedi o: «Juda bado, be yaa po ke a fii ki bua ki yie n po? Laa tie ke n koani leni fini ka dinla. Ama n koani leni dieyengu, min ye leni yaagu bu toabu. U Tienu yedi nni ke min jaligi. U Tienu n ye leni nni, da fii ki yie o po, lani yaa ka o baa bolini a.»

Joeli 3:4

U yienu baa lebidi ki biigi. O ŋmaalo moko baa lebidi ki moandi nani mi soama yeni, Hali ke o Diedo daali daa cua, Lini yaa dacianli n pia i jeje yeni.

Matie 4:3

Mi tulinma daano yeni den cua o kani ki yedi o: «A yaa tie U Tienu Bijua ŋan teni a tana na n tua jiema.»

Matie 8:30

Li den sua ke u duokuliciamu nagi likani ki gbi i moajiini.

Marki 1:24

«Ŋain, fini Jesu, Nasareti yua, be n ye tinba leni fini siiga? A cua ki baa bolini ti yo? N bani ŋan tie yua. A tie U Tienu Nigagidiŋamo.»

Marki 3:11

Mu cicibiadimu danba yaa laa o yaa yogunu kuli, bi yen gbaani o nintuali ki yaa tangi ki tua: «A tie U Tienu Bijua!»

Marki 5:7

ki kpaani ki yedi: «Be n ye mini leni fini siiga, Jesu, U Tienu yua n ye hali tanpolijoma Bijua. Hali U Tienu po, ŋan da faligi nni.»

Luki 4:34

«Ŋain, fini Jesu, Nasareti yua, be n ye tinba leni fini siiga? A cua ki baa bolini ti. N bani ŋan tie yua. A tie U Tienu Nigagidiŋamo.»

Luki 4:41

Mu cicibiadimu moko den ñani bi niba boncianla niinni ki tangi ki tua: «A tie U Tienu Bijua.» Ama Jesu den fu leni mu, kaa tuodi ke mu maadi, kelima mu den bani ke o tie U Tienu n Gandi Yua.

Luki 8:28

Wan den laa Jesu, o den tiani, ki gbaani o nintuali ki kpaani boncianla: «Be n ye mini leni fini siiga, Jesu, U Tienu yua n ye hali tanpolijoma Bijua? N mia ŋa, ŋan da faligi nni.»

Jan n diani U Tienu Laabaaliŋamo maama 2:4

Jesu den guani ki yedi o: «Pua, be n ye mini leni fini siiga? N yogunu daa pundi.»

Jesu Tondiba Tuona 16:17

O den cili ki ŋua Poli leni tikuli ki tangi: «Yaa jaba n tie ne tie U Tienu yua n ye hali tanpolijoma naacenba. Bi wangi yi U Tienu tindima sanu maama.»

Jaki 2:19

A daani ke U Tienu ye ki tie yendo bebe, a tieni ke li ŋani. Ama mu cicibiadimu moko daani yeni, ki jie ki digibi.

2 Pieri 2:4

U Tienu naa den cedi yaa malekinba n den tieni ti tuonbiadi, ama o den luni ba li biigili yaa kuli nni, ban kubi ba naankani hali ti buudi daali.

Jude 1:6

Yaa malekinba n naa den kubi ban pia yaa bali, ki ŋaa bi yekaanu, U Tienu kpaa ba yaa kpaadi n baa yaa ye hali yaa yogunu kuli, ki kubi ba li biigili nni, hali ti buudi dacianli n cua.

Bi Bujiaba 11:12

Jefite den soani a tonda ban ban yedi Anmoni bado: «Be n ye mini leni fini siiga, ke a cua ki baa n diema?»