Matie 8:16 - U TIENU MAAMA TILI 2013

¹⁶ Ku yenjuaboandigu, bi den cuani Jesu kani, cicibiadimu danba boncianla. O den maadi bebe ki deli ki ñani mu cicibiadimu yeni, ki go paagi a yiama kuli.

Gourmanchéma Bible

¹⁶ Ku yenjoboandigu bi den cuani Jesu kani bi niba boncianla, mu cicibiadimu danba. O den maadi bebe ki deli ki ñani mu cicibiadimu mun den ye yaaba yaa niinni, ki go paagi a yiama kuli.

Matie 8:16 ပူးပေါင်းရင်းမြစ်များ

Mi Ñama 15:26

O den yedi: «Yi yaa cengi o Diedo yi Tienu maama bonŋanla, yi yaa tieni yaala n tiegi o nintuali, yi yaa diadi yi tuba ki cengi o bali maama, ki go tieni o mabilikaama kuli, n kan pua yi leni min den pua Ejipiti yaaba leni yaa yiani kuli, kelima n tie Li Miali Diedo yua n paagidi a.»

Matie 12:22

Lani n pendi, bi niba den cuani Jesu kani yaa cicibiadiga daano n tie juamo ki go tie muulo. Jesu den paagi o, ke o muulo yeni maadi ki go nua.

Matie 14:14

Wan den ñani ku ñinbiagu nni, o den laa ke bi niba ladi ki ban caa. Mi ninñima den cuo o ke o paagi bi yiama.

Matie 8:15

Jesu den sii o nuu ke o gbananbiendi kagidi o po, ke o fii ki gaa o cangu.

Matie 8:33

Yaaba n den kpaa ba den sani ki gedi ki ban waani u dogu po yaala n tieni kuli leni yaala n tieni mu cicibiadimu danba.

Matie 9:2

Lanyogunu bi den cuani o kani, yua yaa gbanandi n kpe ke o dua ku kaagu po. Jesu n den laa bi dandanli, o den yedi yua yaa gbanandi n kpe: «Paagi a pali, n bijua, a baa a tuonbiadi sugili.»

Marki 2:3

Bi niba den cuani o kani yua yaa gbanandi n kpe, ke nibinaa tugi o.

Marki 5:8

O den yedi yeni kelima Jesu den yedi o: «Ki cicibiadiga na, ña o joa na niinni!»

Marki 9:25

Jesu n den laa ke ku niligu tiini ki taagi bi kani, o den funi leni ki cicibiadiga, ki yedi ga: «Fini ki cicibiadiga, yaaga n muu ki go womi na, n yedi a: ‹Ña ki biga na niinni, ki da go kua abada.› »

Luki 13:12

Jesu n den laa o, o den maadi leni o ki yedi: «O pua na, a paagi ki faabi leni a yianu.»

Luki 4:40

Ku juofangu, yaaba n den pia a yiama kuli den cuani ba Jesu kani. Bi yianbuoli den kandi. Jesu den maani o nii yendo yendo kuli po, ki paagi ba.

Luki 4:41

Mu cicibiadimu moko den ñani bi niba boncianla niinni ki tangi ki tua: «A tie U Tienu Bijua.» Ama Jesu den fu leni mu, kaa tuodi ke mu maadi, kelima mu den bani ke o tie U Tienu n Gandi Yua.

Jesu Tondiba Tuona 5:15

Bi niba den kpendinni a yiama i sani nni ki duandi ba i duani leni ti duankaadi po, ke Pieli yaa tagini ki baa pendi, ba o jinjingu n yini bi tianba po.