Matie 7:25 - U TIENU MAAMA TILI 2013

²⁵ Ki taaga den mini, a ñingola den puubi, ku tafaagu mo den figi ki pua laa dieli, ama lii den baa, kelima li den puu ku tangu po.

Gourmanchéma Bible

²⁵ Ki taaga den mini, a ñingola den puubi, ku tafaagu mo den figi ki pua laa dieli, ama lii den baa, kelima li den pu ku tangu po.

Matie 7:25 ပူးပေါင်းရင်းမြစ်များ

Mi Kpanjama 10:25

O pinpinjoa yen wodi o nibiado ki pendi, Ama o niteginka wani baa yaa se, Ki pa hali yaa yogunu kuli.

Malaki 3:3

O baa kali u maafanu nni nani yua duadi ŋanjilifa yeni. O baa ŋanbi Levi puoliŋuani, ki ñani bi po bi joagindi, nani ban ñandi wula leni ŋanjilifa Joagindi maama yeni. Yeni, bi go baa fidi ki padi yaa pada n tiegi o Diedo po.

Matie 16:18

Nmo yedi a ke a tie Pieli. N baa maa Kilisiti Nitaanli laa tangu po, ba bi tinkpiba diema paalu kuli kan fidi ki paadi gu.

Matie 7:24

Lani yaa po, yua n gbadi min maadi yaa maama na, ki tiendi man yedi yaala, o baa yaa tie nani yaa yanfuodaano n den maa o dieli ku tangu po.

Matie 7:26

Ama yua n gbadi min maadi yaa maama na, ki naa tiendi man yedi yaala, o baa yaa tie nani yaa yanluodaano n maa o dieli mi tanbiima nni.

Matie 7:27

Ki taaga den mini, a ñingola den puubi, ku tafaagu den figi ki pua laa dieli, ke li den baa ki mudi mudi.»

Jesu Tondiba Tuona 14:22

I kaani kuli, bi den paagidi yaaba n daani pala, ki tundi ba ke ban yaa se bonŋanla li dandanli nni, ki tua ba: «Li tie tiladi tin kpa le fala boncianla, ki baa ki kua U Tienu diema nni.»

Efesa 3:17

ke Kilisiti n yaa ye yi pala nni kelima li dandanli po. N go mia o ke wan pa yi yin yaa pia i jiini leni li tanpuuli mi buama nni, ki se ke li pa.

Kolosi 2:7

ki yaa pia yi jiini o niinni, ki suagi liiga o sanŋoadima nni. Yin go yaa se ke li pa yi dandanli nni, nani ban den bangi yi maama. Yi pala n yaa gbie leni i tuondi o po, hali ke li kandi.

Jaki 1:12

Li pamanli ye leni yua n fidi ki juuni mi biigima nni. Bi yaa biigi o ki pagi o yaa yogunu, o baa baa li miali badifogiliga, o Diedo n niani ke o baa pa yaaba n bua o kuli yaaga.

1 Pieri 1:5

O bili la yinba yaa po, wani U Tienu paalu n kubi yaaba kelima li dandanli po, yaa tindima n baa yuandi ki doagidi mi juodima yogunu.

1 Pieri 1:7

Laa bonla cua ki baa doagidi yi dandanli n moani maama. Wula, ba ke o tie bonmoanla, baa fidi ki biidi. Ama bi yen biigi o leni u mu. Li tie yenma leni yi dandanli, yaala n tie bonmoanla ki cie wula, ban baa biigi yaali ki bandi lin moani maama. Lani n tie yin baa ti pagidi, ti kpiagidi leni ti jigidi Jesu Kilisiti n baa doagidi yaa yogunu.

1 Jan 2:19

Kilisiti yiekaaba yeni ñani ti siiga, ama baa tie ti siiga yaaba, kelima bi yaa bi tie ti siiga yaaba, bi bi baa yaa ye leni ti. Ama ban ñani ti siiga yeni, doagidi ke bikuli naa tie ti yaaba.