Matie 7:22 - U TIENU MAAMA TILI 2013

²² Li bujiali daali, bi niba boncianla baa yedi nni: ‹O Diedo, o Diedo, tii den wangi U Tienu maama a yeli po ka? Tii den deli mu cicibiadimu a yeli po ka? Tii go den tiendi mi bancianma boncianla a yeli nni ka?›

Gourmanchéma Bible

²² Li bujiali daali, bi niba boncianla baa yedi nni: ‹O Diedo, o Diedo, naani tii den wangi U Tienu maama a yeli nni kaa? Tii den deli mu cicibiadimu a yeli nni kaa? Tii go den tiendi mi bancianma boncianla a yeli nni kaa?›

Matie 7:22 ပူးပေါင်းရင်းမြစ်များ

Esayi 2:11

O kafaadaano baa tibini o yuli, Bi niba japaadi n baa u bianu. O Diedo bebe n baa baa ti jigidi landaali.

Esayi 2:17

O fii o nisaalo kafaama Leni bi niba japaadi kuli po, Ki baa jiini bi bala! O Diedo bebe n baa baa ti jigidi landaali.

Mi Coadima 24:4

Mini yua n laadi U Paaciamu Daano n doagidi yaa bonlekaala, Mini yua n yaa gbaani ki pugi, n nuni yen ŋubidi, Min yedi yaala tie line:

Mi Coadima 31:8

Bi go den kpa Madiani yaaba badimuudiba moko, lani n den tie: Evi, Rekem, Suri, Huri leni Reba. Bi go den kpa Beori bijua Balaam moko leni ki jugisiega.

Matie 10:15

N waani yi i moamoani, ti buudi daali Sodomi leni Gomori yaaba fala kan pundi laa dogu yaaba yaa fala.

Matie 24:36

Oba kuli ki bani laa bonla n baa ti cua yaa daali leni yaa yogunu, ba tanpoli malekinba ki bani, ba Bijua, se Baa bebe.

Matie 25:11

Lan den pugini waamu, yaa puowandiana n sieni den pundi ki yedi: ‹Canbaa, canbaa, luodi ti po.›

Matie 7:21

Yaaba n tua nni: ‹O Diedo, o Diedo,› bikuli ka baa kua tanpoli diema nni, se yaaba n tiendi n Baa yua n ye tanpoli yaa yanbuama.

Luki 10:12

Jesu den pugini ki yedi o ŋoadikaaba: «N yedi yi ke ti buudi daali, Sodomi yaa buudi kaa bia ki pundi laa dogu yaaba buudi.

Jan n diani U Tienu Laabaaliŋamo maama 11:51

Waa den maadi laa maama o yama po ka, ama wan tie bi kopadicianba bado laa binli yeni, n teni ke o den pua saawali, ke Jesu baa kpe bani Jufinba buolu kuli po.

1 Tesaloniki 5:4

Ama yinba ti kpiiba, yii ye li biigili nni, ke landaali baa ludi yi nani o suudo yeni.

2 Tesaloniki 1:10

wan cua yaa daali ki baa baa ti kpiagidi o nigagidiŋanba siiga, ke yaaba n daani o kuli mo n ñuadi o ŋamu. Yimoko baa ye bi siiga, kelima yi den daani ti siedo.

2 Timote 1:12

Li tie lani yaa po ke n laadi yaa fala n tie ne moala, ama mii jie i fe li po ba waamu, kelima n bani min daani yua, ki go bani ke o pia u paalu ki baa fidi ki kubi n pianli, hali li daali n pundi.

2 Timote 1:18

O Diedo n gbadi o po mi ninñima o guacuama daali. A bani ki cie nilo kuli wan den todi nni yaa todima kuli, min den ye Efesi dogu nni ya yogunu.

2 Timote 4:8

Ba moala bi bili n po mi teginma badifogiliga, o Diedo yua n tie o bujiateginka n baa pa nni yaaga o guacuama daali. O kan pa mini nbebe ka, ama yaaba n den bua o guacuama kuli.