Matie 7:15 - U TIENU MAAMA TILI 2013

¹⁵ Fangi mani yi yula leni bi saawalipua-faadanba. Bi kpendi yi kani ki dingi nani i pe yeni, ama moamoani po, bi tie nani yaa fuasangbanbiadi n bua ki bolini yi yeni.

Gourmanchéma Bible

¹⁵ Yin fangi mani yi yula leni bi sawalipua-faadanba. Bi kpendi yikani ki dingi nani i pe yeni, ama moamoani, bi tie nani yaa fuasangbanbiadi n bua ki bolini yi yeni.

Matie 7:15 ပူးပေါင်းရင်းမြစ်များ

1 Bi Badiba 13:18

Ama o jakpelo yeni den yedi o: «Nmoko tie saawalipualo nani fini yene. O Diedo teni ke maleki yedi nni ke min guani a n denpo ŋan baa ŋan baa je yaala leni ŋan baa ño yaala.» Li den tie faama.

Jeremi 29:21

Li Miali Diedo U Paaciamu Kuli Daano, Isidayeli Tienu maadi Kolaya bijua Akabi leni Maaseya bijua Sedesiasi, yaaba n pua mi saawalifaama n yeli nni: «N baa lu ba Babilonni bado Nebukanesa nuu nni. Bi baa pua ki kpa ba yi nunbu nni.

Jeremi 29:32

o Diedo n yedi yaama nne: «N baa fii ki sedi Semaya Nehelam yua po leni o puoliŋuani kuli po. Bi siiga oba kuli kan yaa ye bi naa niba nni, oba kuli kan le min baa tieni n niba po yaa ŋanma, kelima o maama tie mi yiema o Diedo po. O Diedo n yedi yeni.»

Esekieli 13:16

Isidayeli yaaba siiga kaa go pia bi saawalipuaba, yaaba n pua saawali Jerusalemi po, ki laa ke mi yanduanma ye u po, yanduanma n ki ye yaa yogunu! Mini o Diedo, U Tienu n yedi yeni.›

Esekieli 13:22

Yi faama po, yi den wudi o niteginka gbanu, ba ke mini n ba ki bua ki biidi o pali. Yi paagidi bi nibiadiba pala, ki teni ke baa lebidi bi pala, ki baa ŋaa bi tuonbiadi ki yaa fo.

Esekieli 22:25

Jerusalemi dogu saawalipuaba fiini mi yiema u niinni, nani yaa yangbanlo n yen duni, ki toadi wan cuo yaa yanga yeni, bi baa fie bi niba piama, bi tiadi, ki kpa bi niba, ki teni a kpepuona n yabidi u dogu nni.

Esekieli 22:27

U badijaba ye u niinni nani yaa fuasangbanli n dadi ki toadi ban cuo yaa yandi yeni. Bi wuliti mi soama, ki bolindi bi niba ki bua ki yaa baadi ti ñuadi.

Danieli 11:34

Fala yeni siiga, bi baa baa mi todima waamu bebe, kelima yaaba n baa taani bi po siiga boncianla baa taani bi po leni i janbe.

Mise 3:11

Jerusalemi bujiaba gaani a suuna ki ja ti buudi, Likani kopadicianba bangi li bali maama ti ñuadi po, Bi saawalipuaba mo pua saawali i ligi po. Ama leni lani kuli, bi baa ki dugi o Diedo po ki tua: «Naani o Diedo ki ye leni ti? Fala kan nandi ti abada.»

Sakari 13:4

Landaali, i fe baa cuo yaaba n pua saawali ke bi kan go pua. Bi kan go togidi bi bonlekaala mo. Bi kan go la bi saawalipuaba liada ya n tie gbandi, ki pia ti kobidi yeni, ki yaa boandi bi niba.

Matie 10:17

Fangi mani yi yula leni bi niba, kelima bi baa yaa co ki caani yi li bujiali kani. Bi baa pua yi i baliji li bali maama bangima diena nni.

Matie 16:11

Li gaa lede ke yii bandi ke min yedi yin fangi yi yula leni Farisieninba leni Sadusieninba dabinli yeni, ke mii maadi dupen po ka?»

Matie 16:6

Jesu den yedi ba: «Fangi mani yi yula bonŋanla leni Farisieninba leni Sadusieninba dabinli.»

Matie 24:11

Bi saawalipua-faadanba baa fii boncianla, ki boandi bi niba boncianla.

Matie 7:14

Ama yaa buliñoabu n miabi leni yaa sanu n miabi kuli caa yaa miali n kan gbeni kani, yaaba n laadi laa sanu mo naa yabi.

Luki 12:15

O go den yedi bi niba kuli: «Fangi mani yi yula bonŋanla leni mi ŋalimanbuama, kelima o nilo miali ki ŋua o ŋalimano n yabi maama ka.»

Luki 6:26

Fala baa yaa ye leni yi bi niba kuli yaa ti pagi yi, bi yaajanba moko den pagi bi saawalipua-faadanba yene.

Jan n diani U Tienu Laabaaliŋamo maama 10:12

Ama yua n tie naacemo kaa tie i pe kpaalo, ki naa die ba yaa laa ke o fuasangbanlo kpendi, o baa sani ki ŋaa i pe. O fuasangbanlo baa cuo bi tianba, ki yadi yaaba n sieni.

Jesu Tondiba Tuona 13:40

Lani yaa po, fangi mani yi yula ke bi saawalipuaba n den yedi yaama n da baa yi po:

Jesu Tondiba Tuona 13:6

Bi den goadi li kpendegili yeni nni kuli hali ki ban pundi Pafosi dogu nni. Lankani bi den laa o lingido, yua n tie Jufi ke bi yi o Bari-Jesu, yua n tie saawalipua-faadaano.

Galati 2:4

Laa maama den fii mo kelima bi nitianba yaaba n kaa den tie ti kpiiba moamoani den kua ti siiga nni ŋasiili nni, ki bua ki goandi ti ki bandi tin pia yaa faabima Jesu Kilisiti nni, ke ban fidi ki go kuani ti li bali maama yonbidi nni.

Efesa 4:14

Lanwani, ti kan go yaa tie nani a biwaala yeni, ki lengidi kelima bi niba nunfanbiadibu leni bi boandi n kpendinni yaa bangima po.

Efesa 5:6

Oba kuli n da boandi yi leni mi mafanma. Li tie laa bonla po yo ke U Tienu pabienli se yaaba n yie o kuli po.

Filipi 3:2

Yin yaa fangi yi yula leni yaaba n tie nani i sangbanli leni bi tuonsoanbiadiba, yaaba n ñii ke ban kua ku koanciagu yeni.

Kolosi 2:8

Fangi mani yi yula, ki da tuo oba kuli n cuo yi yama leni o nisaalo yanfuoma, yaama n ŋua bi nisaaliba bangima yaama n tie fanma fanma, ki tie boandi, ki ŋua bi nisaaliba danbogida leni ŋanduna paaciami, ki naa ŋua Kilisiti.

2 Timote 3:13

Ama bi nibiadiba leni i boandi danba baa suagi liiga mi biadima nni, ki yaadi biba ki go yaa yaandi nitoaba.

2 Timote 4:3

U yogunu baa ti cua ke bi niba kan go tuo ki yaa ŋua mi bangiŋanma. Ama bi baa yaa bua yaala n mani bi po bebe, ki lingi bi bangikaaba ki pugidi, yaaba n baa bangi ba ban bua ki yaa gba yaala.

2 Pieri 3:17

Lanwani n buakaaba, kelima yi tuodi ki bani laa bonla kuli, yin yaa fangi yi yula, ke U Tienu yiekaaba n da dadi yi bi yaadima nni, ke yi kan go yaa se ke li pa.

1 Jan 4:1

N buakaaba, yin da dugi mani yaaba n yedi ke bi pia U Tienu Fuoma Yua kuli po. Ama yin biigi ba ki bandi bi yaa pia U Tienu n puuni yaa Fuoma, kelima bi saawalipua-faadanba boncianla yadi yadi ŋanduna nni.

Jude 1:4

Bi nitianba wuoni ki kua yi siiga. I Diani den maadi laa niba buudi cuonu hali yogu. Bi tie U Tienu yiekaaba, yaaba n lebidi ti Tienu ŋanbili, ke lin tua mi conconma bonla. Bi go yie Jesu Kilisiti, wani yua bebe n tie ti Canbaa leni ti Diedo.

Mi Doagidima 16:13

N den laa cicibiadimutaa, yaamu n tie nani a loanda yeni, ke mu ñani o bonfuodibiado, ki fuayanga leni o saawalipua-faadaano yaa ñoana nni.

Mi Doagidima 17:6

N den laa ke o pua yeni ñuni bi nigagidiŋanba leni Jesu siedinba yaa soama hali ki gaadi. Min den laa o yeni, li den paki nni boncianla.

Mi Doagidima 19:20

O den cuo ki fuayanga, wani leni o saawalipua-faadaano, yua n den tiendi mi bancianma o nintuali, ki boandi yaaba n gaa ki fuayanga maalima, ki go gbaani ki kpiagi o nannanli. O den luni bani bonbilie kuli ku fantanbuogu nni ke bi fo, li cidibili n co naani.

Mi Doagidima 20:10

Bi den luni ku tuotabigu yudaano yua n den boandi ba, u fantankpenu nni, li cidibili n co u mu naani, ki fuayanga leni o saawalipua-faadaano n ye naankani, ke bikuli baa yaa ye leni mi funfunma u yensiinu leni ku ñiagu kuli, hali yaa yogunu kuli.