Matie 7:13 - U TIENU MAAMA TILI 2013

¹³ Kua mani yaa buliñoabu n miabi kani, kelima yaa buliñoabu n pia leni yaa sanu n pia kuli caa mi bodima po, yaaba n tagi lankani mo n yabi.

Gourmanchéma Bible

¹³ Kua mani yaa buliñoabu n miabi kani, kelima yaa buliñoabu n pia leni yaa sanu n pia kuli caa mi bodima po, yaaba n tagi lankani mo n nan yaba.

Matie 7:13 ပူးပေါင်းရင်းမြစ်များ

Mi cilima 6:12

U Tienu den nuali ki tinga ki sua ke ki joagini ki biidi, kelima mialifo kuli den tiendi yaala n joagini ŋanduna nni.

Mi cilima 6:5

O Diedo den laa ke bi niba biadima den yabi ki tinga po, ke bi pala yantiana den koa mi biadima nni daali kuli.

Mi Kpanjama 16:25

Sanuba yen naani nni ke u tiegi o nilo po, Ama u yen ban ti juodi mi kuuma sanu nne.

Mi Kpanjama 7:27

O deni tie mi kuuma sanu, Yuu n jiidi ki kua bi tinkpiba diema nni.

Mi Kpanjama 9:6

Ña mani mi yanpiima nni, Ki ŋoadi mani mi yanfuoma sanu, Yeni yi baa yaa ye.»

Esayi 1:9

Li Miali Diedo U Paaciamu Kuli Daano, Yàá bi teni ke ti siiga bi tianba cia, Ti bi baa yaa tie nani Sodomi Leni Gomori dogi yene.

Esayi 35:8

U sanu baa yaa ye likani, Bi baa yaa yi li sanu: «Yaa sanu n gagidi.» Yaa nilo n joagini kuli kan poandi likani. U baa yaa tie bani bebe yaa po yo. Ba bi yanluodanba yaa tagini u, bi kan bodi.

Esayi 55:7

O nibiado n ŋaa o tagibiadu, Fanma miali mo n ŋaa o yantiabiadili, Ki lebidi ki guani o Diedo kani. Wani yua n baa gbadi o po mi ninñima Leni ti Tienu yua n puuni sugili Leni ti bulicindi kaa cedi yeni kani.

Matie 23:13

Fala baa yaa ye leni yi, yinba li bali maama banda leni Farisieninba palalie danba, kelima yi luoni tanpoli diema kuama bi niba po. Yii kua yiba, yaaba n bua ki kua mo, yi kan cedi ban kua. [

Matie 25:41

Li yaa puoli, o baa yedi yaaba n ye o ganu: ‹Fuadi mani n kani, yinba ti solindi yaaba! Gedi mani yaa fantanbuogu n ki pia gbindima po, ban den gbiidi yaagu ku tuotabigu yudaano leni o yaa malekinba po.

Matie 25:46

Lani, bi baa gedi yaa fala n ki pia juodima kani, ama bi niteginkaaba baa gedi yaa miali n kan gbeni yaa kane.»

Matie 3:2

ki tua: «Lebidi mani yi pala kelima tanpoli diema nagini.»

Matie 3:8

Yin yaa tuuni yaa tuona n doagidi ke yi lebidi yi pala.

Matie 7:14

Ama yaa buliñoabu n miabi leni yaa sanu n miabi kuli caa yaa miali n kan gbeni kani, yaaba n laadi laa sanu mo naa yabi.

Luki 14:33

Li tie yeni, yi siiga yua n ki ŋaa wan pia yaala kuli, kan tua n ŋoadika.

Luki 9:33

Bi jaba yeni n den ña Jesu kani yaa yogunu, Pieli den yedi o: «Canbaa, li ŋani tin yaa ye ne. Tin tii sugataa, fini yenli, Musa yenli, Eli mo yenli.» Waa den bani wan maadi yaala.

Jan n diani U Tienu Laabaaliŋamo maama 10:9

Mini n tie bu buliñoabu. Yua n tagini n yaa kani ki kua kuli, baa faabi. O baa kua ki ña, ki go yaa baadi mi jiema.

Jan n diani U Tienu Laabaaliŋamo maama 14:6

Jesu den yedi o: «Mini n tie u sanu, i moamoani leni li miali. Oba kuli kan pundi Baa kani, li yàá tie mini yaa po.

Jesu Tondiba Tuona 3:19

Lani yaa po, yin lebidi yi yama ki daani U Tienu ke wan n ŋuudi ki ñani yi tuonbiadi.

LOMA YAABA 9:22

U Tienu mo den bua ki doagidi o pabienli ki teni bi niba n bandi o paalu. Lani yaa po, o den juuni ke li waagi leni yaa niba n tie nani yaa tiadi n tie li tuonfanli po, bani yaaba n den pundi U Tienu n cuo ba ki bolini ba.

2 Korenti 4:4

bani yaaba n kaa daani po. Sutaani, yua n die ŋanduna na, juani bi yantiana, ke ban da le Kilisiti yua n tie U Tienu nannanli yaa Laabaaliŋamo kpiagidi yendima.

2 Korenti 6:17

Lani yaa po, o Diedo go yedi: ‹Yin ña mani bi siiga Ki paadi leni ba, Ki da sii yaala n joagini kuli, Lani, n baa gaa yi.›

Galati 5:24

Yaaba n tie Kilisiti yaaba joani ti gbanandi, ti yantiali leni ti bonbuakaala li dapoanpoanli po.

Filipi 3:19

Bi juodima baa yaa tie mi bodima. Bi tugidi n die ba. Ban tama ke yaala n tie bi po ti jigidi yeni, tie bi po i fe yo. Bi kuandi bi yama ŋanduna bonla nni bebe.

1 Jan 5:19

Ti bani ke ti tie U Tienu yaaba, ki go bani ke o Biado diedi ŋanduna kuli.

Mi Doagidima 12:9

Bi den luni o bonfuodi-biadiciamo yeni, wani o Waakpelo, ban go yi yua ku Tuotabigu yudaano leni Sutaani, wani yua n boandi ki tinga nni yaaba kuli. Bi den luni o ki tinga po, wani leni o malekinba.

Mi Doagidima 13:8

Ki tinga nni yaaba kuli baa gbaani ki kpiagi ki fuayanga, bani yaaba yaa yela n kaa diani ki pebiga miali tili nni, lani n tie ban den kodi yaaga hali ke ŋanduna daa tagi.

Mi Doagidima 20:15

Ban ki den laa yua yaa yeli ke li diani li miali tili nni kuli, bi den luni o u fantankpenu nni.

Mi Doagidima 20:3

O den luni o u kulu yeni niinni ki luoni bu buliñoabu, ki tabini mi maalima, ke wan da go boandi i nibuoli hali bina tudili yeni n baa pendi. Lani yaa pendi, tiladi, bi go baa lodi o u yogunu waamu po.