Matie 6:5 - U TIENU MAAMA TILI 2013

⁵ Yi yaa jaandi, yin da tie nani palalie danba yaaba n bua ki yaa se li bali maama bangima diena nni leni a sankada nni ki jaandi, ke bi niba n le. N waani yi i moamoani, bi baa bi panpaani n yeni.

Gourmanchéma Bible

⁵ Yi yaa jaandi, yin da tie nani pala lie danba yaaba n bua ki yaa se li bali maama bangima diena nni leni a sankada nni ki jaandi, ke bi niba n le. N waani yi i moamoani, bi baa bi panpaani n yeni.

Matie 6:5 ပူးပေါင်းရင်းမြစ်များ

Pisomi 5:2

Diadi a tubili ki cengi n maama, o Diedo! Gbadi n po mi ninñima, gbadi n ñiindi.

Pisomi 55:17

Nmo kpaani ki yini U Tienu. O Diedo baa faabi nni.

Mi Kpanjama 15:8

O Diedo nani bi nibiadiba pada, Ama o pali mani bi niteginkaaba jaandi po.

Mi Kpanjama 16:5

O Diedo pali fa bi japaadanba po, O kan cedi bi fanma.

Esayi 1:15

Yi yaa yugidi yi nii ki baa jaandi, Se min buli n nunga, Ba yi yaa figili yi jaandi n kan cengi yi, Kelima yi nii kuli tie soame.

Jeremi 29:12

Lanwani, yi yaa cua ki yini nni ki mia nni, n baa cengi yi miabu.

Danieli 6:10

Lanwani, o bado Dariyusi den ñani li ñoamabonli yeni, ki tieni o maalima.

Matie 21:22

Yin baa jaandi ki mia yaala kuli leni li dandanli, yi baa baa la.»

Matie 23:13

Fala baa yaa ye leni yi, yinba li bali maama banda leni Farisieninba palalie danba, kelima yi luoni tanpoli diema kuama bi niba po. Yii kua yiba, yaaba n bua ki kua mo, yi kan cedi ban kua. [

Matie 23:5

Bi tiendi bi bontienkaala kuli ke bi niba n le. Yeni yaa po yo ke bi yabindi bi bonyilikaala, ki go foagidi bi liadicuadi.

Matie 23:6

Bi yaa gedi mi jecianma kani, bi lingi ki kali yaa kaani n gagidi, ki go bua ki yaa kaa i nician-kalikaani, li bali maama bangima diena nni.

Matie 6:1

Fangi mani yi yula ki da tiendi yi tuonŋama asala nni ke bi niba n le. Yi yaa tiendi yeni, yi kan baa panpaaniba kuli yi Baa yua n ye tanpoli kani.

Matie 6:16

Yi yaa luo bu ñoabu yaa yogunu, da biidi mani yi nunmu nani palalie danba, yaaba n biidi bi nunmu ki baa waani bi niba ke bi luo bu ñoabu yeni. N waani yi i moamoani, bi baa bi panpaani n yeni.

Matie 6:2

Lanwani, a yaa tieni mi ŋanma, ŋan da piebi kakaci nani palalie danba n tiendi maama li bali maama bangima diena nni leni i sani nni, ke bi niba n kpiagi ba. N waani yi i moamoani, bi baa bi panpaani n yeni.

Matie 9:38

Lanwani, yin mia mani u jetaagu Diedo, wan soani bi tuonsoanba o jetaagu po.»

Marki 11:25

Yin se ki jaandi yaa yogunu kuli, ki tiadi ke yi pia maama leni niloba, yin pa o sugili. Lani n tie yi Baa yua n ye tanpoli n pa yimo sugili yi tuonbiadi po. [

Marki 12:38

Wan den bangi ba yaa yogunu, o den yedi: «Fangi mani yi yula leni li bali maama banda, yaaba n bua ki yaa goadi leni a liadiciama, ki go bua bi niba n yaa fuondi ki kpiagidi ba mu daamu nni.

Luki 11:43

Fala baa yaa ye leni yi, yinba Farisieninba, kelima yi bua ki yaa kaa i nician-kalikaani li bali maama bangima diena nni, ki go bua bi niba n yaa fuondi ki kpiagidi yi mu daamu nni.

Luki 18:1

Jesu den pua ba mi kpanjama ki baa waani, ke li pundi ban yaa jaandi yogunu kuli, ki da cedi bi gbani n wudi.

Luki 18:13

O lubigaalo yeni mo den poadi ki sedi foagima, kaa tuo ki baa yaadi ki noanli tanpoli. O den pua o benli ki yedi: ‹U Tienu, gbadi n po mi ninñima, mini yua n tie ti tuonbiadi daano.› »

Luki 20:47

Bi janbidi a kpepuona ki fenli bi diena, ki go jaandi mi jaandifoagi, ki kpali ke bi tie jajaandimoana. Ti buudi yogunu, bi yaa cuonu baa gagidi ki yaa bia ki cie.»

Luki 6:24

Ama fala baa yaa ye leni yinba a piada, kelima yi mali ki baa yi yemanma no.

Jan n diani U Tienu Laabaaliŋamo maama 16:24

Hali moala yi daa mia liba kuli n yeli nni. Mia mani, yi baa baa la, ke yi pamanli n pugini ki dagidi cain.

Efesa 6:18

Mi Fuoma n teni yin yaa jaandi yogunu kuli, ki yaa miadi U Tienu yogunu kuli bu miabu buoli kuli. Yaa miadi mani U Tienu o nigagidiŋanba kuli po ki da yoaligi, ki da cedi.

1 Tesaloniki 5:17

Yaa jaandi mani yogunu kuli ki da cedi.

Jaki 4:6

U Tienu n tieni ti po yaa ŋanbili yabi ki cie, kelima i Diani yedi: «U Tienu yie bi japaadanba, Ama o puuni bi yumiindanba o ŋanbili.»