Matie 6:32 - U TIENU MAAMA TILI 2013

³² Laa bonla kuli tie yaaba n ki bani U Tienu n lingi yaale. Yi Baa yua n ye tanpoli bani ke laa bonla kuli tie yi po tiladi.

Gourmanchéma Bible

³² Kelima laa bonla kuli tie bi nilanba n lingi yaala. Yi Baa yua n ye tanpoli bani ke laa bonla kuli tie yipo tiladi.

Matie 6:32 ပူးပေါင်းရင်းမြစ်များ

1 Bi Badiba 19:6

O den fii ki diidi ki sua ke ban ŋanbi yaa lalaadi a tantona po leni li ñinbagili se o yuli po. O den dini ki go ñuni ki guani ki duani.

Pisomi 103:13

Nani bibaa n gba o bila po Mi ninñima maama, O Diedo moko gba yaaba n fangi o po Mi ninñima yene.

Pisomi 17:14

O Diedo, deli ki ñani ba ŋanduna ne niinni, Lani n tie bi biinu yaa jamaano n tie ne niinni. Guoni ba leni ŋan sieni ba yaala, Ki teni bi bila mo n je la ki guo, Ki sieni la bi yaabila po.

Jeremi 45:5

Amo ki lingi yaali n yabi ka te? Ŋan da go lingi la, kelima n baa cuani mi yebiadima mialifo kuli po. Mini o Diedo n yedi yeni. Ama n baa ŋaa ŋa leni li miali, ŋan baa gedi naankani kuli.› »

Matie 6:8

Da tiendi mani nani bani, kelima yi Baa U Tienu bani yin luo yaala hali ke yi daa mia o.

Luki 12:30

Yaa nibuoli n ki ŋua U Tienu, n kuandi bi yama laa bonla nni. Yi Baa bani ke laa bonla tie yi po tiladi.

Efesa 4:17

Lanwani, min yedi yaala leni min kadi ki waani yi yaala, o Diedo yeli nni tie line: Yi tagi n da naani leni bi nilanba yaa tagi, bani yaaba n ŋua bi yantiana ya n tie fanma fanma.

Filipi 4:19

N Tienu baa pa yi yin luo yaala kuli, nani o ŋalimano kpiagidi n tie maama Jesu Kilisiti nni.

1 Tesaloniki 4:5

ki da tuo o gbanandi bonbuakaala n diedi o nani bi nilanba yaaba n kaa bani U Tienu n tiendi maama.