Matie 6:25 - U TIENU MAAMA TILI 2013

²⁵ Li tie lani yaa po ke n yedi yi, da yagi mani yi yama yi miana yema po, li bonjekaala leni li bonñokaala po leni yi gbanandi bonyiekaala po. Yii bani ke li miali cie mi jiema, ke ti gbanandi mo cie ti tiayiekaadi?

Gourmanchéma Bible

²⁵ Li tie lani yaa po ke n yedi yi, da yagi mani yi yama yi miali yema po, yin baa di yaala leni yin baa ñu yaala, leni yi gbanandi po yin baa yie yaala. Yii bani ke li miali cie mi jiema, ke ti gbanandi mo cie ti tiayiekaadi?

Matie 6:25 ပူးပေါင်းရင်းမြစ်များ

Pisomi 55:22

O ñoabu mani ki cie mi naaŋankpama, Ama bu toabu ye o yama nni. O maama dingi ki pundi mi kpama, Ki nan tie nani ban noadi yaa jugisiemu, Mu tuadi nni yeni.

Jeremi 45:5

Amo ki lingi yaali n yabi ka te? Ŋan da go lingi la, kelima n baa cuani mi yebiadima mialifo kuli po. Mini o Diedo n yedi yeni. Ama n baa ŋaa ŋa leni li miali, ŋan baa gedi naankani kuli.› »

Matie 10:19

Bi yaa ti cuo ki gedini yi li bujiali kani yaa yogunu, yin da yagi yi yama, yin baa maadi maama leni yin baa yedi yaala kuli po, kelima lanyogunu, bi baa pa yi yin baa yedi yaala.

Matie 13:22

Yii n den baa ti konkondi nni, tie yua n gbadi U Tienu maama, ama ŋanduna yema yanyagidi leni ŋalimani boandi kuli dini ma, ki teni ke maa luoni puu.

Matie 6:31

Lani yaa po, da yagini mani yi yama ki tua: ‹Ti baa je be? Ti baa ño be? Ti baa yie be?›

Matie 6:34

Lanwani, da yagini mani yi yama saala po, kelima saala baa yaa pia o yanyagidi o yuli po. Daali kuli pia li yaa fala, ke li dagidi.

Marki 13:11

Bi yaa ti cuo ki gedini yi li bujiali kani yaa yogunu, yin da tuodi ki yagi yi yama yin baa yedi yaala po. Yin maadi yaama n baa kua yi pala nni lanyogunu, kelima laa tie yinba ka baa maadi, ama U Tienu Fuoma Yua n baa maadi.

Marki 4:19

ama mi yema yanyagidi, ŋalimani boandi leni bonbuakatoala kuli yen taani ki je U Tienu maama yeni, ki teni ke mi kan luoni puu.

Luki 12:11

Bi yaa gedini yi li bali maama bangima diena nni, yaa ka bi bujiaba kani, yaa ka paatietoaba kani, ki baa jia yi buudi, yin da yagi mani yi yama leni yin baa maadi maama ki baa gaa yi yula leni yin baa yedi yaala kuli po,

Luki 8:14

Yaa bonbii n baa ti konkondi nni tie yaaba n gbadi U Tienu maama, ama bi yaa suagi liiga, bi cedi ke bi yema yanyagidi, ŋalimani leni mi yemanma yankuali dini laa maama, ke bi bonluonkaala liba kuli ki beni.

LOMA YAABA 8:32

Wani U Tienu, yua n kaa den yie ke o Bijua n le fala, den teni ke bi kpani o tikuli po. Lani, o Bijua yeni po, li baa gaa lede ke o kan pa ti li bonla kuli leni ti bulicindi?

1 Korenti 7:32

N bua yin yaa ye ki da pia yanyagidi. Yua n ki pia pua kuandi o yama o Diedo ŋantaadi nni, ki lingi wan baa yaa mangidi o Diedo pali maama.

Filipi 4:6

Yin da yagi mani yi yama bonliba kuli po. Ama li bonla kuli yaa po, yin waani U Tienu yin luo yaala, ki yaa jaandi ki miadi o, ki go tuondi o.

2 Timote 2:4

Yua n tie minteeli, ki bua ki mangi o toagoli yudaano pali, kan pa o yuli mi yema bonbuakaala po.

1 Pieri 5:7

Yin tuni wani U Tienu yi yanyagidi kuli, kelima wani o ba n kubi yi.