Matie 6:1 - U TIENU MAAMA TILI 2013

¹ Fangi mani yi yula ki da tiendi yi tuonŋama asala nni ke bi niba n le. Yi yaa tiendi yeni, yi kan baa panpaaniba kuli yi Baa yua n ye tanpoli kani.

Gourmanchéma Bible

¹ Fangi mani yi yula ki da tiendi yi tuonŋama a sala nni ke bi niba n le. Yi yaa tiendi yeni yi kan baa panpaaniba kuli yi Baa yua n ye tanpoli kani.

Matie 6:1 ပူးပေါင်းရင်းမြစ်များ

2 Bi Badiba 10:16

Jehu den yedi: «Cua ki yegi leni nni, lane a baa bandi min pia o Diedo po yaa yankuali.» Lanwani, o den gedini o leni o toateligu.

2 Bi Badiba 10:31

Ba leni lani kuli, Jehu ki den kubi o Diedo Isidayeli Tienu bali maama leni o pali kuli. Waa den cedi Jeroboami n den kuani Isidayeli yaaba yaa tuonbiadi nni.

Pisomi 112:9

O puuni a luoda leni ti bulicindi. O teginma ye yaa yogunu kuli, Ke o paalu mo pugidi leni ti kpiagidi.

Esekieli 33:31

N niba yeni kpendi boncianla a kani ki bua ki gbadi a maama. Bi cengi ma wani, ama bi nan kan kubi ma, kelima bi pia ñoamamandi bebe. Bi gbanandi bonbuakaala n die ba.

Danieli 4:27

O den yedi: «Mini ka maa Babilonni dogu ne, ke u tua badidogu te? U doagidi n paalu n yabi maama leni n bali n pia yaa kpiagidi.»

Sakari 13:4

Landaali, i fe baa cuo yaaba n pua saawali ke bi kan go pua. Bi kan go togidi bi bonlekaala mo. Bi kan go la bi saawalipuaba liada ya n tie gbandi, ki pia ti kobidi yeni, ki yaa boandi bi niba.

Sakari 7:5

ke min waani mi diema niba kuli leni bi kopadicianba yaa maama n tie ne: «Yi den luo bu ñoabu ki go buudi cimuu leni cilele ŋmaali nni, hali bina piilele. Ama naani, moamoani, yi den luo laa ñoalolima mini yaa po yo?

Matie 16:27

O Joa Bijua baa ti cua leni o Baa kpiagidi ki yegi leni o malekinba. Lanyogunu o baa guani yuakuli nani o tuona n tie maama.

Matie 16:6

Jesu den yedi ba: «Fangi mani yi yula bonŋanla leni Farisieninba leni Sadusieninba dabinli.»

Matie 23:13

Fala baa yaa ye leni yi, yinba li bali maama banda leni Farisieninba palalie danba, kelima yi luoni tanpoli diema kuama bi niba po. Yii kua yiba, yaaba n bua ki kua mo, yi kan cedi ban kua. [

Matie 23:5

Bi tiendi bi bontienkaala kuli ke bi niba n le. Yeni yaa po yo ke bi yabindi bi bonyilikaala, ki go foagidi bi liadicuadi.

Matie 25:40

Lani, o bado baa guani ki yedi ba: ‹N waani yi i moamoani, yin den tieni la yaa yogunu, n kpiiba na siiga ba yua yaa kpiagidi n wa ki cie po, yi den tieni la n yaa po yo.›

Matie 5:16

Lani, yin cedi yi yenma n yendi bi niba kani, ke ban le yi tuonŋama ki kpiagi yi Baa yua n ye tanpoli po.

Matie 5:46

Li yaa tie ke yi bua yaaba n bua yi bebe, yi baa baa be yaa panpaani yo? Bi lubigaaba wani ki tiendi yeni ka yo?

Matie 5:48

Yin gagidi ki yaa ŋani nani yi Baa yua n ye tanpoli n gagidi ki ŋani maama.

Matie 6:16

Yi yaa luo bu ñoabu yaa yogunu, da biidi mani yi nunmu nani palalie danba, yaaba n biidi bi nunmu ki baa waani bi niba ke bi luo bu ñoabu yeni. N waani yi i moamoani, bi baa bi panpaani n yeni.

Matie 6:9

Diidi mani yin baa yaa jaandi maama: Ti Baa yua n ye tanpoli, Teni bi niba kuli n bandi ke a gagidi ki ŋani.

Marki 8:15

Jesu den tundi ba ki yedi: «Fangi mani yi yula bonŋanla leni Farisieninba leni Herodi dabinli.»

Luki 11:35

Lani yaa po, ŋan fangi a yuli ki da teni ke yaa yenma n ye a niinni n tua biigili.

Luki 12:1

Lanyogunu ku niligu den taani tuda tuda hali ki ŋmaadi biyaba. Jesu den cili ki maadi leni o ŋoadikaaba ki yedi: «Fangi mani yi yula bonŋanla ki da kubi Farisieninba dabinli, ki da tie palalie danba.

Luki 12:15

O go den yedi bi niba kuli: «Fangi mani yi yula bonŋanla leni mi ŋalimanbuama, kelima o nilo miali ki ŋua o ŋalimano n yabi maama ka.»

Luki 16:15

O den yedi ba: «Yinba, yi wangi bi niba nuni po ke yi tiegi, ama U Tienu wani bani yi pala. Bi niba n nua ke yaala n pia ti kpiagidi yeni tie caginde U Tienu po.

Jan n diani U Tienu Laabaaliŋamo maama 12:43

Bi den tieni yeni, kelima bi den bua bi niba pagidi ki cie U Tienu yaadi.

Jan n diani U Tienu Laabaaliŋamo maama 5:44

Yi tuo ki baadi ti kpiagidi yiyaba kani, ama yii lingi yaa kpiagidi n ñani U Tienu yua n ki pia lielo kani. Yin tiendi maama yeni, yi baa gaa lede ki dugi n po?

Jesu Tondiba Tuona 3:12

Pieli n den laa ba, o den yedi bikuli: «Yinba Isidayeli yaaba, be yaa po ke yaala n tieni na paki yi? Be yaa po ke yi nua ti nani li tie tinba n teni ke o joa na cuoni kelima ti banma po, yaa ka kelima tin fangi U Tienu maama yaa po?

Galati 6:12

Yaaba n bua bi niba n yaa kpiagidi ba kuli tigini yi, ke yin kua ku koanciagu, ke bi niba n da wangi ba fala kelima Kilisiti dapoanpoanli po.

Mi Tiadima 24:13

A baa guani ŋan gaa o kani yaala a panli po yeni u yienu n kua yaa yogunu. Lani n tie wan baa o kpalipinkaabu, ki pini ki duani ki nan gaali a. Li baa yaa tie a po teginma tuonle, o Diedo a Tienu nintuali.

Hebilunba 11:26

O den kpaagi ki nua ke U Tienu n Gandi Yua fe tie o po bonmoanla ki cie Ejipiti ŋalimano kuli, kelima o den nua liiga po, wan baa baa yaa panpaani.

Hebilunba 2:1

Lani yaa po, li pundi tin fangi ti yula ki cie mi kpiama, ki kubi tin den gbadi yaa maama bonŋanla, ki da ti yaadi ki ŋaa ma.

Hebilunba 6:10

U Tienu tiegi. O kan sundi yin den tieni yaala ki doagidi yi buama o po leni yin den todi bi nigagidiŋanba ki go baa ki todi ba maama.

2 Jan 1:8

Fangi mani yi yula ke ti tuonli bonluonkaala n da bodi, ama ke lan todi yi, yin baa yi panpaani kuli.