Matie 5:8 - U TIENU MAAMA TILI 2013

⁸ Li pamanli ye leni bi papiendanba, kelima bi baa le U Tienu.

Gourmanchéma Bible

⁸ Li pamanli ye leni yaaba n pia li papienli, kelima bi baa le U Tienu.

Matie 5:8 ပူးပေါင်းရင်းမြစ်များ

Mi cilima 32:30

Jakob go den buali o ki yedi: «N mia ŋa, ŋan teni min bandi a yeli.» O den guani ki yedi o: «Be yaa po ke a buali n yeli?» O den gaali o lankani.

2 Samueli 22:27

A ŋani cain yua n ŋani po. Bi nibiadiba po, a baa waani ba ke a fani ki cie ba.

Pisomi 15:2

Se yua n cuoni leni li papienli, Ki tiendi yaala n tiegi, Ki maadi i moamoani o pali nni,

Pisomi 18:26

A tiegi yua n tiegi po. A tie papiendaano yua yaa pali n pieni po.

Pisomi 24:4

Se yua yaa nii n ki joagini, Ke o pali mo pieni. Yua n ki puuni o yuli fanma bonla po. Yua kan pua faama ki poli.

Pisomi 51:10

Teni min le li pamancianli. Teni ŋan mudi n kpaba ya yeni mo N le li pamankandikaali, ki jeli ki ciaga.

Pisomi 51:6

N tieni a po ti tuonbiadi, N tudi fini bebe yaa po yo, N tieni yaala n bia a nuni po. Yeni, a yaa maadi, Li baa sua ke a pia i moamoani. A yaa jia n buudi mo, li kaa pia poadoba.

Pisomi 73:1

Asafi yanbu. Moamoani U Tienu ŋani Isidayeli Leni yaaba yaa pala n tiegi kuli po.

Mi Kpanjama 22:11

Yua n lingi li papienli, Maama yen mani, O bado tie o yaa danle.

Jesu Tondiba Tuona 15:9

Waa den tieni gagidimiba tinba leni bani siiga. Ban den daani yeni po, o den ŋuudi ki ŋanbi bimoko yaa pala.

1 Korenti 13:12

Moala ti laa likuli nani tin nua Ti nannanli ki madiidiga nni maama, Ke laa doagidi cain. Lanyogunu, ti baa le likuli Ki nunga leni kiyaga. Moala n bani bonjenga, Li bonmunli yaa ti cua yaa yogunu, N baa bandi cain nani U Tienu N bani nni cain maama.

2 Korenti 7:1

N buakaaba, kelima tin pia laa ñoaniani yeni, tin yaa ŋanbidi mani ti yula. Tin yaa ñandi ti gbanandi leni ti yantiali kuli joagindi. Tin yaa tiendi ania ki suagi liiga leni mi gagidiŋanma, hali ki pundi li bianu U Tienu fangili nni.

Titi 1:15

Li bonla kuli ŋani cain, yaaba n ŋani cain po. Ama liba kuli ki ŋani cain yaaba n joagini po, bani yaaba n kaa daani yeni po, kelima bi yantiali leni bi pala siedi kuli joagini.

Hebilunba 10:22

Lani kuli yaa po, tin yaa nagidi U Tienu kani leni li payenli leni li dandanmoanli, ki yaa pia yaa pala n ŋuudi ki ñani yaa pali siedi n bia leni yaa gbanandi n ŋuudi leni mi ñinŋanma.

Hebilunba 12:14

Yin lingi mani mi yanduanma leni bi niba kuli, ki go lingi mi gagidiŋanma, kelima yua n naa pia mani, kan le o Diedo.

Hebilunba 9:14

Lanwani li yaa tie yeni, laa pia kuli tama, ke Kilisiti yaa soama n baa ŋanbi ba ki cie. U Tienu Fuoma yaama n ye yaa yogunu kuli paalu po, wani Kilisiti den puni o yuli U Tienu, nani yaa padili n ki pia joagindi yeni. O soama yeni baa ŋuudi ki ŋanbi ti pala siedi leni yaa tuona n baa cuani mi kuuma, ke tin yaa tuuni U Tienu yua n ye ki fo po.

Jaki 3:17

Ama yaa yanfuoma n ñani tanpoli n tie maama nne: Mi kpa ŋani cain, yaala n ŋua mo tie ke mi kpendinni mi yanduanma, ki dingi, ki pia li yumiinli, ki gbie leni mi ninñingbadima. Mi tiendi a tuonŋama, maa tiendi gagidima bi niba siiga, maa pia palalie mo.

Jaki 4:8

Yin nagini U Tienu kani, omo baa nagini yi kani. Yinba ti tuonbiadi danba, nidi mani yi nii. Ŋanbi mani yi pala, yinba yamilie danba.

1 Pieri 1:22

Moala yi ŋanbi yi yula leni yin ŋua i moamoani, ke yin fidi ki yaa pia yaa buama n ki pia tuonanma yi kpiiba po. Lanwani, yin yaa bua yiyaba hali boncianla leni yi pala kuli.

Mi Doagidima 22:4

ki yaa nua o nunga, o yeli mo baa yaa taabi bi yutuna.