Matie 5:5 - U TIENU MAAMA TILI 2013

⁵ Li pamanli ye leni yaaba n pia li pabiidili, kelima bi baa diedi ki tinga.

Gourmanchéma Bible

⁵ Li pamanli ye leni yaaba n pia li padingili, kelima bi baa diedi ki tinga.

Matie 5:5 ပူးပေါင်းရင်းမြစ်များ

Pisomi 147:6

O Diedo kubi bi yumiindanba, Ama o jiindi bi nibiadiba hali tiipo.

Pisomi 149:4

Kelima o Diedo pali mani o niba po. O jigindi bi yumiindanba ki faabidi ba.

Pisomi 22:26

Li nitaancianli nni a baa tua n po pagidi. Yaaba n fangi a nintuali n baa kuani n ñoaniani.

Pisomi 25:13

O baa yaa ye mi yemanma nni, O puoliŋuani mo baa diedi mi diema.

Pisomi 25:9

O teni ke bi yumiindanba cuoni Mi teginma nni. O bangi bi yumiindanba o sanu.

Pisomi 37:11

Bi yumiindanba baa diedi mi diema, Bi baa yaa mangidi bi pala Leni mi yanduanmoanma.

Pisomi 37:22

Kelima o Diedo n seligi yaaba, Baa diedi mi diema. Ama wan soli yaaba baa bodi.

Pisomi 37:29

Bi niteginkaaba baa diedi mi diema. Bi baa yaa ye mi niinni yaa yogunu kuli.

Pisomi 37:34

Dugi o Diedo po, ŋoadi o sanu. O baa teni ŋan kpedi ki diedi mi diema, A baa le bi nibiadiba bodima.

Pisomi 37:9

Yaaba n tiendi mi biadima baa bodi. Ama yaaba n dugi o Diedo po wani, Baa diedi mi diema.

Pisomi 69:32

Laa bonla mani o Diedo po ki cie Min baa padi o po yaa naatonbienli, Li yina leni li taawoga kuli.

Esayi 11:4

Ama o baa jia ti buudi taliginba po Leni mi teginma. O baa yaa tiegi mi diema luoda po. O baa pua ki tinga leni o maama Nani li yaa bi tie gbiamu yeni, Ki piebi o nibiado mo wan kpe.

Esayi 29:19

Bi yumiindanba pamanli baa Yaa pugidi o Diedo nni, A luoda pala baa mangi ki kandi, Kelima Isidayeli Tienu Yua n Gagidi ki ŋani yeni po.

Esayi 60:21

A niba kuli baa yaa tie niteginkaaba, Ki baa diedi mi diema hali yaa yogunu kuli. Bi tie min ŋuu yaa benkpeli yeni, Ki tie n nuu tuonli, Ki doagidi n kpiagidi.

Esayi 61:1

O Diedo U Tienu Fuoma ye n niinni, Kelima o Diedo gandi nni, Ke min yaa wangi bi ninñinniba O laabaaliŋamo. O soani nni ke min baagi yaaba N ye li paboanli nni, Ki waani i yonbi ke bi diedi bi yula, Ki go waani a kpaada mo ke bi baa mi faabima.

Sofoni 2:3

Yinba, ki tinga yumiindanba kuli, Lingi mani o Diedo, Yinba yaaba n tuo ki baa yaa ŋua O ñoamabonbilikaana! Yaa cuoni mani leni mi teginma, Yaa cuoni mani leni li yumiinli, Wani U Tienu nintuali. Li fidi ke yi baa ciadi, O Diedo pabienli daali.

Mi Coadima 12:3

Musa den tie yaa nilo n pia li yumiinli hali boncianla, ki cie nisaalimiali kuli u tingbanu po.

Matie 11:29

La mani n naakpakpaadi-daagu, ki gaa n bangima, kelima n dingi ki pia li yumiinli, yeni yi baa baa mi fuodima yi naani po.

Matie 21:5

Waani mani Siyon dogu yaaba, Ke bi bado kpendi bi kani na. O dingi boncianla, ki jagi o ŋunbo. Li tie ŋunbisaagili, o ŋunñua yaa biga.

LOMA YAABA 4:13

Li naa tie kelima li bali maama kubima po ka ke U Tienu den niani Abalahama leni o buolu kuli, ke o baa teni ban diedi ŋanduna. Ama li tie wan den baa yaa moamoansaali, kelima li dandanli yaa po.

Galati 5:23

Li bali maama naa koani leni laa bonla.

Efesa 4:2

Yin yaa ye leni yiyaba leni li yumiinli, mi dingima leni li juunli. Juuni mani leni yiyaba leni mi buama.

Kolosi 3:12

Lanwani, yinba U Tienu nigandikaaba, wan gagidi ki ŋanbi yaaba, ke yi tie o buakaaba, yin yaa la mi ninñingbadima leni li ŋanbili, li yumiinli, mi dingima leni li juunli.

1 Timote 6:11

Ama fini U Tienu nilo, ŋan sani ki ŋaa laa bonla, ki yaa ŋua mi teginma, U Tienu tuoma, li dandanli, mi buama, li juunli leni mi dingima.

2 Timote 2:25

Wan go yaa tie yua n tundi yaaba n yiedi o po leni mi dingima, ki yaa sugini U Tienu n pa ba ban lebidi bi pala, ki fidi ki bandi i moamoani.

Titi 3:2

Ban da maadi niloba kuli po mabiadima. Ban yaa bua mi yanduanma, ki yaa mani leni bi niba, ki pia mi dingima bi niba kuli kani.

Jaki 1:21

Lanwani, yin lu yaala n tie ti joagindi leni mi biadima kuli, ki yaa gaani U Tienu n buli yaa maama yi pala nni leni li yumiinli, kelima mi baa fidi ki faabi yi naani.

Jaki 3:13

Yi siiga, ŋme n tie o yanfuodaano ki pia mi bancianma ki fani? Wan doagidi o tagiŋamu nni o tuonŋama, ya n yegi leni li yumiinli leni mi yanfuoma.

1 Pieri 3:15

Yin yaa jigindi mani Kilisiti yi pala nni, wani yua n tie o Diedo. Yin bogini mani ke yogunu kuli bi yaa buali yi yin pia yaa suginma, yin fidi ki doagidi ki waani ba.

1 Pieri 3:4

Ama lan yaa tie yaa ŋamu n wuo yi pala nni ki kan yindi, lani n tie mi dingima leni mi yansoangima, U Tienu n nua yaama ke mi pia mayuli boncianla.