Matie 5:22 - U TIENU MAAMA TILI 2013

²² Ama mini n yedi yi, yua n bieni o pali o lielo po kuli, li pundi ban bu leni o, yua n yedi o lielo: ‹O yanpiidaano na›, li pundi ke yi cancantieba taancianli n cuo o. Yua n yedi o lielo: ‹O yanluodaano na,› li pundi ban cuo ki kuani o ku fantanbuogu nni.

Gourmanchéma Bible

²² Ama mini n yedi yi, yua n bieni o pali o lielo po kuli, li pundi ban bu leni o, yua n yedi o lielo: ‹O yanpiidaano na›, li pundi ke yi *cancannikpeliba taancianli n cuo o. Yua n yedi o lielo: ‹O yanluodaano na,› li pundi ban cuo ki kuani o ku *fantanbuogu nni.

Matie 5:22 ပူးပေါင်းရင်းမြစ်များ

Mi cilima 37:4

O kpeliba den laa ke bi baa bua o ki cie bikuli, bi den cili ki nani o. Baa den fidi ki maadi o leni mi buama.

Mi cilima 37:8

O kpeliba den yedi o: «Naani a tama ke a baa diedi te? A tama ke a baa tua ti canbaa bi?» Bi go den nani o ki pugini, kelima o dangidi leni o maama po.

2 Samueli 16:7

Simeyi den solini Davidi ki tua: «A caa, a caa! O nikpalo leni o nibiado ne!

2 Samueli 6:20

Davidi moko den kuni ki baa n gaali o diegu nni yaaba. O pua Mikali, Sayuli bisalo, den ñani ki tuogi o ki yedi: «Dinla, fini Isidayeli diema bado bi baa ti kpiagidi de, ŋan bi landi a tiadi ki se benbili nani yaa joa n ki pia fuoma ke a naacenba puotuada nua ŋa yeni.»

1 Bi Badiba 21:4

Lani, Akabi den guani ki kua o diegu nni, ke o pali biidi ki go fii mo leni Naboti Yisireyeli yua n den yedi o: «N kan teni a n baanba n ŋaa nni leni yaa faali.» Akabi den duani o duanu po ki buli o nunga ki yie ke o kan je.

2 Bi Badiba Jama 16:10

Asa pali den beni yua n nua saala bonla po, ke o den cedi ke bi luoni o li kpaadidieli nni, kelima o maama den bieni o pali. Lanyogunu Asa den cili ki wangi o niba siiga bi tianba fala.

2 Bi Badiba Jama 19:5

O den dini bi bujiaba Juda diema dopaali kuli nni.

Nehemi 5:8

N den yedi ba: «Ti den guani ki daa ki faabi ti kpiiba Jufinba nani tin fidi maama, ban den kuadi yaaba bi nilanba po. Moala, yinba yi ba mo n nan ji kuadi ba ti buolu po!» Bi den ŋmini, kelima baa den pia ban baa guani yaala.

Pisomi 109:3

Bi gaani ki lindi nni Leni bi nannandimaama, Ki koani leni nni fanma fanma.

Pisomi 14:1

Bi yanyinba yudaano yani siiga yanbu, Davidi yanbu. O yanluodaano tua o pali nni: «U Tienu naa ye.» Bi biidi bi yula, Ki tuuni yaa tuona n gundi hali boncianla. Yua n tiendi yaala n ŋani naa ye.

Pisomi 25:3

Yaaba n dugi a po kuli kan le fe. I fe baa cuo yaaba n janbidi a fanma fanma.

Pisomi 35:19

Yaaba n ye leni nni ti yibalindi, N da mangi bi pala n po. Yaaba n nani nni fanma fanma po, N da nua ki sugidi nni,

Pisomi 37:8

Cedi li pabienli leni li mutuoli. Da bieni a pali, Kelima li baa cuani yaala n bia.

Pisomi 49:10

Naani bi tama ke bi baa yaa ye yogunu kuli Ki kan kua li takuli nni?

Pisomi 69:4

N kuudi ki coagi, n nialu kuli kuodi. N diidi n Tienu hali ke n nuni dingi.

Pisomi 7:4

N Diedo n yaa tieni line: Li yaa tie ke n nii tieni biadimiba,

Pisomi 92:6

O Diedo, a bontienkaala yabi lede nne! A yantiana mo ki pia bandi-gbenma lede nne!

Mi Kpanjama 14:16

O yanfuodaano jie li bonbiadila, Ki foagidi leni la. Ama o yanluodaano jaligi, Ki tiendi li bonla kelima waa pia wan jie yaala.

Mi Kpanjama 18:6

O yanluodaano maama yen cuani mi niama, O ñoamabonli mo n teni mi janjanma n fii ki loli.

Jeremi 17:11

Nani yaa ñuñuuga n wugini Wan kaa ŋaa yaa jena, Li tie yene leni yua n baa piama ke laa tiegi. O baa tuadi ki baa o panma siiga. O yema juodima po mo, Wan tua yanluodaano.

Jeremi Bubula 3:52

Yaaba n tie n yibalinba fanma fanma yeni, Ŋua ki deli nni nani ki nuanga yeni.

Danieli 3:13

Lani, Nebukanesa pali den fii ki beni hali boncianla, ke o yedi ke ban cuani Sadiraki, Mesaki leni Abedi-Nego o kani. Bi den cuani ba o nintuali.

Danieli 3:19

Nebukanesa n gbadi laa maama, o pali den beni ke li kandi, ke o nunga lebidi ki biagi Sadiraki, Mesaki leni Abedi-Nego po. O den teni ke bi tongi ki buaga, ke li cie ban yen tongidi ga maama taalimilele.

Abidiasi 1:10

Yinba Edomi yaaba den tieni Yi kpiiba Jakob puoliŋuani mi biadima. Lani n teni ke yi baa le i fe, Ki bodi cain hali yaa yogunu kuli po!

Abidiasi 1:12

Edomi yaaba, yi kan bi mangi yi pala, Yi kpiiba Juda yaaba fala daali, Yi kan bi mangi yi pala u nufanu N pua ba yaa daali, Bi ki sugi ba bi paboanli daali.

Matie 10:17

Fangi mani yi yula leni bi niba, kelima bi baa yaa co ki caani yi li bujiali kani. Bi baa pua yi i baliji li bali maama bangima diena nni.

Matie 10:28

Da jie mani yaaba n baa kpa ti gbanandi, ama ki nan kan fidi ki kpa o naano. Ama yin yaa jie mani yua n baa fidi ki bolini o naano leni ti gbanandi kuli ku fantanbuogu nni.

Matie 12:24

Farisieninba n den gbadi lani, bi den yedi: «O naa joa deli mu cicibiadimu kelima Belisebuli yua n tie mu cicibiadimu bado paalu po.»

Matie 17:5

Wan den maadi yeni yaa yogunu, yaa tawaligu n yieni den libini ba. U nialu den maadi ku tawaligu yeni niinni ki yedi: «One n tie n Bibuadiga, n pali n mani yua yaa po hali boncianla. Cengi mani o.»

Matie 18:21

Lani, Pieli den nagini o kani ki yedi: «O Diedo, n lielo yaa tudi n po, n baa tieni o po sugili hali taalimiŋa? Hali taalimilele bi?»

Matie 18:35

Jesu den juodi ki yedi: «N Baa yua n ye tanpoli baa soani yimoko yene, yi siiga yua n kaa puni o lielo sugili leni payenli.»

Matie 23:15

Fala baa yaa ye leni yi, yinba li bali maama banda leni Farisieninba palalie danba, kelima yi duodi mi ñincianma, ki gaandi ki tinga nni kuli ki bua ki baa ba niyendo wan tua yi ŋoadika. Ama o yaa tua yi ŋoadika yeni, yi yen teni wan tua ku fantanbuogu yua, ki yaa ji bia ki cie yi taalimilie.

Matie 23:33

Yinba, i we, u waalabi-buolu na, yi baa tieni lede ki sani ki faabi leni ku fantanbuogu cuonu?

Matie 25:41

Li yaa puoli, o baa yedi yaaba n ye o ganu: ‹Fuadi mani n kani, yinba ti solindi yaaba! Gedi mani yaa fantanbuogu n ki pia gbindima po, ban den gbiidi yaagu ku tuotabigu yudaano leni o yaa malekinba po.

Matie 26:59

Bi kopadicianba yudanba leni bi cancantieba kuli den lingi Jesu po mi siedifaama, yaama n baa pa ba o sanu ban kpa o.

Matie 3:17

Lanyogunu u nialu den maadi tanpoli po ki yedi: «One n tie n Bibuadiga, n pali n mani yua yaa po hali boncianla.»

Matie 5:34

Ama mini n yedi yi: Yin da poli baa leni tanpoli, kelima li tie U Tienu bali kalikaanu,

Matie 5:44

Ama mini n yedi yi: Yaa bua mani yi yibalinba, ki yaa jaandi yaaba n faligidi yi po.

Marki 14:55

Bi kopadicianba yudanba leni Jufinba cancantieba taancianli kuli den lingi yaa siedi n baa pa ba u sanu ban teni ban kpa Jesu. Ama baa den baa.

Marki 15:1

Ku tiŋaapanpangu bi kopadicianba yudanba, a nikpela, li bali maama banda leni bi cancantieba den taani ki juogi. Bi den loli Jesu ki gedini o ki ban teni Pilati.

Luki 12:5

N baa waani yi yin baa yaa jie yua. Yaa jie mani yua n baa fidi ki kpa yi, ki go yuandi ki lu yi ku fantanbuogu nni. Yeni de! N yedi yi ke wani n tie yin baa yaa jie yua.

Luki 22:66

Lan den yendi, Jufinba cancantieba taancianli, lani n tie bi kopadicianba yudanba, li bali maama banda leni a nikpela, den taani ki gedini Jesu bi taanli kani ki yedi o:

Jan n diani U Tienu Laabaaliŋamo maama 11:47

Lanwani, bi kopadicianba yudanba leni Farisieninba den taani bi cancantieba, ki yedi: «Ti baa tieni be? Laa nilo tiendi mi bancianma boncianla.

Jan n diani U Tienu Laabaaliŋamo maama 15:25

Li tieni yeni ke yaa maama n diani bi bali maama nni na, n tieni ki dudi: ‹Bi den nani nni fanma fanma.›

Jan n diani U Tienu Laabaaliŋamo maama 7:20

Ku niligu den guani ki yedi o: «A pia ki cicibiadiga. Ŋme n lingi ki baa kpa ŋa?»

Jan n diani U Tienu Laabaaliŋamo maama 8:48

Jufinba den guani ki yedi o: «Tii pia moamoani ka ki yedi ke a tie Samari yua, ki pia ki cicibiadiga?»

Jesu Tondiba Tuona 17:18

Ban den yi yaa yanfuodanba Epikuriyenba leni Sitoyisieninba siiga, bi tianba den boe leni Poli. Bine den tua: «O maciandaano na bua ki yedi be?» Bine mo n yaa tua: «Li naani ke o bua ki maadi bucaaniba yaa maame.» Bi den yedi yeni, kelima Poli den wangi ba Jesu Laabaaliŋamo leni bi tinkpiba fiima maama.

Jesu Tondiba Tuona 22:30

Bi toatieba yudanciamo den li bua ki bandi Jufinba n kuliti Poli yaala yaa po yo. Lani n den teni ke lan fii ki faa, o den teni ke bi lodi Poli, ki go teni ke bi kopadicianba yudanba leni bi cancantieba taancianli kuli taani. Lani, o den gedini Poli, ki sieni o bi nintuali.

Jesu Tondiba Tuona 23:1

Poli den noanli bi cancantieba taancianli ki yedi ba: «N kpiiba, n ye U Tienu nintuali leni yaa pali siedi n ŋani hali dinla.»

Jesu Tondiba Tuona 24:20

Lani yaa ka, li pundi yaaba n ye ne n waani ban den laa ke n pia yaa tagili, min den sedi bi cancantieba taancianli kani yaa yogunu.

Jesu Tondiba Tuona 4:15

Bi den teni ke bi ñani bi cancantieba taanli nni, ke bi ledi ki juogi ki yedi: «Ti baa tieni bi naa jaba lede?

Jesu Tondiba Tuona 5:21

Ban gbadi lani, bi den kua U Tienu diegu nni ku tiŋaapanpangu, ki cili ki bangi bi niba. Bi kopadicianba bado leni yaaba n ye leni o n den cua, bi den yini Isidayeli yaaba nikpela kuli, bi cancantieba taanli po. Bi den soani li kpaadidieli po ke ban cuani Jesu tondiba.

Jesu Tondiba Tuona 5:27

Ban den cuani ba, bi den kuani ba bi cancantieba yeni kani. Bi kopadicianba bado den buali ba ki yedi:

Jesu Tondiba Tuona 6:12

Bi den lengidi bi niba leni a nikpela leni li bali maama banda yama. Lani, bi den cua ki bibi Etienni ki cuo o ki gedini o bi cancantieba taancianli po.

Jesu Tondiba Tuona 6:15

Bi cancantieba yaaba n kaa bi taancianli kani kuli den diidi Etienni, ki laa ke o nunga tie nani maleki yaaga yeni.

Jesu Tondiba Tuona 7:37

Wani Musa tie yua n den yedi Isidayeli buolu: ‹U Tienu baa fiini yi siiga o saawalipualo yua n tie nani mini.›

LOMA YAABA 12:10

Yin yaa bua yiyaba nani yaaba n kpi yeni, ki yaa jigindi yiyaba.

1 Korenti 6:10

a suuda, bi ŋaliŋabuaba, a dañogaada, yaaba n sugidi bi niba leni i janbi danba kuli kan baa biinu U Tienu diema nni.

1 Korenti 6:6

Naani yi siiga yua n pia mi maama leni o kpiilo baa gedini o ti buudi po, yaaba n kaa daani kani yo?

Mi Tiadima 15:11

Luoda kan luo mi diema nni. Li tie lani yaa po yo, ke n teni yi li naa bali maama: ‹Yi baa tandi yi nii yi kpiiba a tadima leni a luoda yaaba n ye yi diema nni po.› »

Mi Tiadima 16:18

Musa den yedi: «Yi baa gandi yi yula po, bi bujiaba leni bi yudanba o Diedo yi Tienu n puni yi yaa dogu nni kuli, nani yi buoli n da maama.

1 Tesaloniki 4:6

Oba kuli n da boandi o kpiilo laa bonla nni, ki janbi o. Ti den tuodi ki waani yi ki go kadi ki waani yi, ke o Diedo baa tuu laa biadima buolu kuli panpaani.

Titi 3:2

Ban da maadi niloba kuli po mabiadima. Ban yaa bua mi yanduanma, ki yaa mani leni bi niba, ki pia mi dingima bi niba kuli kani.

Hebilunba 12:25

Fangi mani yi yula, ki da yie ke yi kan cengi yua n maadi leni yi moala. Yaaba n den yie kaa cengi yua n soagindi ba U Tienu maama ŋanduna nni, naa den fidi ki sani ki cia. Lanwani, ti yaa yie kaa cengi yua n ye tanpoli po, laa pia tama ke ti kan fidi ki sani ki cia.

Hebilunba 5:9

Wan den teni ke o ŋani ki dagidi cain yeni, o den tua yua n cuani yaa tindima n ki pia gbenma, yaaba n tuo ki ŋua o kuli po.

Jaki 2:20

Fini o yanluodaano na, naani a bua ki bandi ke yaa dandanli n ki pia a tuona tie fanma?

Jaki 3:6

Bu lanbu mo tie nani u mu yeni, ki go tie yaa bonbiadila n ye ti gbananbuoli siiga, ki joagindi ti gbanandi kuli. Ku fantanbuogu mu ye bu niinni, ki teni ke bu cuondi u mu o nisaalo miali yema kuli nni.

1 Pieri 2:23

Ban den sugidi o yaa yogunu, waa den guani liba. Ban den faligidi o yaa yogunu, waa den funi leni ba. Ama o den tendi o yuli, Yua n ja ti buudi leni mi teginma.

1 Pieri 3:9

Yin da guani oba kuli o biadima, ki da sugi ki guani oba. Ama yin gaali, kelima U Tienu den yini yi lani yaa po, ke yimo n baa o kani li seli.

1 Jan 2:9

Yua n tua ke o ye mi yenma nni, ki nan nani o kpiilo, o da ye li biigili nne.

1 Jan 3:10

Line n doagidi U Tienu bila leni Sutaani yaa bila n paadi leni biyaba maama: Yua n kaa tiendi yaala n tiegi kuli, bi kaa bua o kpiilo kuli, waa tie U Tienu biga.

1 Jan 5:16

O nilo yaa laa ke o kpiilo tiendi yaa tuonbiadi n kan juodi mi kuuma, wan jaandi o po, U Tienu baa pa o li miali. Li tie yaaba n tieni yaa tuonbiadi n kan juodi mi kuuma yaa maama. Li pia yaa tuonbiadi n baa juodi mi kuuma. Laa tie laa tuonbiadi yaa po ke n yedi ban jaandi.

Jude 1:9

Lanwani, ba malekinba yudaano Miseli n den nia leni Sutaani Musa gbanandi po yaa yogunu, waa den tuo ki buni o buudi leni sugidi. Ama o den yedi o: «O Diedo n cuo ŋa.»

Mi Doagidima 20:14

Bi den luni mi kuuma leni bi tinkpiba diema u fantankpenu nni. U fantankpenu yeni n tie mi kuliedima.