Matie 5:16 - U TIENU MAAMA TILI 2013

¹⁶ Lani, yin cedi yi yenma n yendi bi niba kani, ke ban le yi tuonŋama ki kpiagi yi Baa yua n ye tanpoli po.

Gourmanchéma Bible

¹⁶ Yeni yin cedi mani yi yenma n yendi yeni bi niba kani ke ban le yi tuonŋama ki kpiagi yi Baa yua n ye tanpoli po.

Matie 5:16 ပူးပေါင်းရင်းမြစ်များ

Mi Ñama 34:35

Isidayeli yaaba yen diidi Musa nunga ki sua ke o nunga ñuliti. Lane Musa yen pigini o nunga li cabili, hali wan baa ti guani ki kua ki maadi leni o Diedo yaa yogunu.

Mi Kpanjama 4:18

Bi niteginkaaba n tagi yaa sanu Tie nani u tiŋaafaanu yenma yene. Mi baa yaa yendi, Ki yendi ki pugidi hali u yensiinu.

Esayi 58:8

Lanwani, yi yenma baa yendi Nani u yienu pudima yeni. Yi paagima baa cua tontoni, Yi teginma mo baa yaa ye yi liiga. O Diedo kpiagidi baa yaa ye yi puoli ki guu yi.

Esayi 61:3

N baa lebidi Siyon yaaba paboanli maalima, Ki teni ba ti kpiagidi lan lebidi Mi fantanpienma kaanu. N baa teni li pamanli tulale n gaa Li paboanli kaanu, Ti kpiagidi tiayiekaadi mo n gaa Li pabiidili kaanu Ke ban yaa yi ba mi teginma ticiandi, O Diedo tiŋuuke, yii n baa doagidi o kpiagidi.

Matie 23:5

Bi tiendi bi bontienkaala kuli ke bi niba n le. Yeni yaa po yo ke bi yabindi bi bonyilikaala, ki go foagidi bi liadicuadi.

Matie 23:9

Yin da yini oba ki tinga nni yi baa, kelima yendo bebe n tie yi Baa, wani yua n ye tanpoli.

Matie 5:45

Yeni yi baa yaa tie yi Baa yua n ye tanpoli bila, kelima o yen tendi, ke o yienu pudi bi nibiadiba leni bi niŋanba kuli po, ki yen tendi ke ki taaga mi bi niteginkaaba leni yaaba n ki tiegi kuli po.

Matie 6:16

Yi yaa luo bu ñoabu yaa yogunu, da biidi mani yi nunmu nani palalie danba, yaaba n biidi bi nunmu ki baa waani bi niba ke bi luo bu ñoabu yeni. N waani yi i moamoani, bi baa bi panpaani n yeni.

Matie 6:9

Diidi mani yin baa yaa jaandi maama: Ti Baa yua n ye tanpoli, Teni bi niba kuli n bandi ke a gagidi ki ŋani.

Matie 9:8

Ku niligu n den laa lani, ti jawaandi den cuo ba, ke bi kpiagi U Tienu leni wan puni bi nisaaliba laa paalu buolu.

Luki 11:2

Jesu den yedi ba: «Yi yaa yen baa jaandi, yin yedi: ‹Ti Baa, a yeli n baa mi gagidiŋanma. Ŋan teni a diema n cua.

Jan n diani U Tienu Laabaaliŋamo maama 15:8

Yi yaa luoni li bonluonkaala boncianla, n Baa baa yaa baadi ti kpiagidi li po. Yeni, yi baa doagidi ke yi tie n ŋoadikaaba moko.

Jesu Tondiba Tuona 9:36

O pua den ye Jope dogu nni ke bi yi o Tabita, yaali n soagini ki yedi Dorkasi, lani n tie o piañoago. O den tiendi a tuonŋama, ki puuni a luoda mi todima boncianla.

1 Korenti 14:25

Yaala n wuo o pali nni kuli baa wuodi. Lanwani, o baa labini U Tienu nintuali, ki kpiagi o, ki yedi ke U Tienu ye yi siiga moamoani.

2 Korenti 9:13

Laa tuonli n pia yaa ñuadi po teni, ke bi pagi yi leni yin tuo ki go ŋua Kilisiti Laabaaliŋamo leni yin puni bu paabu leni ti bulicindi maama, bani yaa po leni bi niba kuli po.

Galati 1:24

Lane bi den pagi U Tienu kelima n po.

Efesa 2:10

Ti tie U Tienu nuu tuonli. O tagi ti Jesu Kilisiti nni, ke tin yaa tuuni a tuonŋama, wan den tuodi ki jagi ke tin yaa tuuni ya.

Efesa 5:8

Yi den kpa tie li biigili yaaba, ama moala yi tie mi yenma yaaba o Diedo nni. Yi tagi n yaa tie nani mi yenma yaaba yeni.

1 Tesaloniki 2:12

Ti den tundi yi, ki paagidi yi pala, ki go tigini yi ke yin yaa cuoni maama n dagidi U Tienu po, wani yua n yini yi ke yin yaa taa leni o o diema nni leni o kpiagidi nni kuli.

1 Timote 2:10

Ama ban yaa sibidi biba leni a tuonŋama, lan dagidi ke yaa puoba n tieni siedi, ke bi ŋua U Tienu n yaa tiendi maama.

1 Timote 5:10

ki tie bi niba n pagi yua o tuonŋama po, ki go tie yua n den wubi a bila, ki gaani bi canba cangu leni mi buama, ki nigidi bi nigagidiŋanba taana, ki todi yaaba n ye leni fala, ki tieni a tuonŋama buoli kuli.

1 Timote 5:25

Li go tie yeni leni a tuonŋama, ya n doagidi bonŋanla bi niba kuli po ye, ya n duagi mo kan yaa wuo hali yaa yogunu kuli.

1 Timote 6:18

Ŋan go tundi ba ke ban yaa tiendi yaala n ŋani, ki tiendi a tuonŋama ke li yabi, ke lane n yaa tie bi piama. Ŋan go tundi ba ke ban yaa pia ti bulicindi, bi nii mo n yaa tiani.

Titi 2:14

O den puni o yuli ki kpe ti po, ki baa daa ki faabi ti leni mi biadima kuli, ki ŋuudi ki ŋanbi ti, tin tua wani n die yaaba, yaaba n baa yaa pia li yankuali a tuonŋama po.

Titi 2:7

Ŋan tua bi po li bontogidikaala a tuonŋama nni. Ŋan yaa bangi yaa bangima n ŋani, ki go dagidi.

Titi 3:14

Li tie tiladi ke ti yaa yaaba moko n bandi ki yaa tiendi ania a tuonŋama tienma po. Yeni, bi baa fidi ki yaa baadi yaala n tie bi po tiladi. Lani, bi kan yaa tie nani yaa tibu n kaa luoni yeni.

Titi 3:4

Ama U Tienu ti Candaano ŋanbili leni o buama bi niba po n den doagidi yaa yogunu,

Hebilunba 10:24

Tin yaa tiani mani tiyaba po, ki tigini tiyaba ke tin yaa pia mi buama ki tiendi a tuonŋama.

1 Pieri 2:12

Yin yaa pia u tagiŋamu bi nilanba siiga. Lanwani, ba bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.

1 Pieri 2:9

Ama yinba wani, yi tie ban den gandi yaa buolu, o Bado kopadicianba, yaa buolu n gagidi ki ŋani, wan baa yaa buolu o yuceli po. O yini yi ke yin ña li biigili nni, ki kua o yenma yaama n ŋani cain nni, ke yin yaa wangi o tuona yaa n ŋani boncianla.

1 Pieri 3:1

Yinba bi puoba mo, yin yaa miindi yi yula yi ciaba kani, ke bi siiga tianba yàá tuo U Tienu maama, yi tagi n tie maama n teni ban tuo ki daani, ba ke yii maadi ba maamiba kuli.

1 Pieri 3:16

Ama lan yaa tie leni mi dingima leni li fangili. Yaa pia mani yaa pali siedi n ŋani, lani, ba bi yaa sugidi yi ki kuli yi ke yi tie i tagili danba, yaaba n sugidi yin pia yaa tagiŋami Kilisiti nni yeni, n le i fe.

1 Pieri 4:11

O nilo yaa maadi, lan yaa tie ke o wangi U Tienu maama. Yua n tuuni U Tienu tuonli, wan yaa tuuni leni U Tienu n puuni o yaa fidu. Yin yaa tiendi yeni ke wani U Tienu n yaa baadi ti kpiagidi li bonla kuli nni, kelima Jesu Kilisiti po, wani yua n die ti kpiagidi leni u paalu kuli, hali yaa yogunu kuli. Amina!

1 Pieri 4:14

Bi yaa sugidi yi kelima Kilisiti yeli po, li pamanli ye leni yi kelima ti kpiagidi Fuoma, wani U Tienu Fuoma Yua yeni ye leni yi.