Matie 4:3 - U TIENU MAAMA TILI 2013

³ Mi tulinma daano yeni den cua o kani ki yedi o: «A yaa tie U Tienu Bijua ŋan teni a tana na n tua jiema.»

Gourmanchéma Bible

³ Mi tulinma daano yeni den cua o kani ki yedi o: «A yaa tie U Tienu Bijua ŋan maadi ki teni a tana na n tua jiema.»

Matie 4:3 ပူးပေါင်းရင်းမြစ်များ

Mi Ñama 16:3

Isidayeli yaaba den yedi ba: «O Diedo yaa den cedi ke ti kpe Ejipiti diema nni, tin den kaa ki kuu leni a nanboba yaa yogunu, ki go ŋmani dupen ki guodi, laa den tu? Yi cuani ti mi naa fanpienma nni, ki bua ki teni ku naa niligu kuli n kpe mi koma.»

Matie 14:33

Yaaba n den ye ku ñinbiagu nni den cua ki labini, ki kpiagi Jesu ki yedi: «A tie U Tienu Bijua moamoane!»

Matie 16:16

Simon Pieli den guani ki yedi o: «A tie U Tienu n Gandi Yua, U Tienu yua n fo yaa Bijua.»

Matie 26:63

Jesu den ŋmini suo. Bi kopadicianba bado den yedi: «Hali U Tienu yua n fo po, waani ti a yaa tie U Tienu n Gandi Yua, U Tienu Bijua.»

Matie 3:17

Lanyogunu u nialu den maadi tanpoli po ki yedi: «One n tie n Bibuadiga, n pali n mani yua yaa po hali boncianla.»

Marki 1:1

U Tienu Bijua Jesu Kilisiti Laabaaliŋamo cilima.

Marki 3:11

Mu cicibiadimu danba yaa laa o yaa yogunu kuli, bi yen gbaani o nintuali ki yaa tangi ki tua: «A tie U Tienu Bijua!»

Marki 5:7

ki kpaani ki yedi: «Be n ye mini leni fini siiga, Jesu, U Tienu yua n ye hali tanpolijoma Bijua. Hali U Tienu po, ŋan da faligi nni.»

Luki 1:35

Maleki den guani ki yedi o: «U Tienu Fuoma Yua baa cua a kani, tanpolijoma Tienu paalu baa yini a po. Lani yaa po, bi baa yini ŋan baa maa yaa bigagidiŋanga yeni U Tienu Bijua.

Luki 22:70

Bikuli den yedi o: «Lanwani, a tie U Tienu Bijua yo?» O den guani ki yedi ba: «Yinba yi ba n yedi. N tie wane.»

Luki 4:3

Lani, Sutaani den yedi o: «A yaa tie U Tienu Bijua, ŋan yedi li tanli na n tua jiema.»

Luki 4:41

Mu cicibiadimu moko den ñani bi niba boncianla niinni ki tangi ki tua: «A tie U Tienu Bijua.» Ama Jesu den fu leni mu, kaa tuodi ke mu maadi, kelima mu den bani ke o tie U Tienu n Gandi Yua.

Luki 4:9

Sutaani den gedini o Jerusalemi, ki sieni o U Tienu diegu yuli po, ki yedi o: «A yaa tie U Tienu Bijua, ŋan yugi ki cii tiipo, kelima li diani:

Jan n diani U Tienu Laabaaliŋamo maama 1:34

N den laa, ki tieni siedi ke wani n tie U Tienu Bijua.»

Jan n diani U Tienu Laabaaliŋamo maama 1:49

Natanayeli den guani ki yedi o: «Rabi, fini n tie U Tienu Bijua, fini n tie Isidayeli yaaba Bado.»

Jan n diani U Tienu Laabaaliŋamo maama 20:31

Ama yaama n tie ne diani ke yin daani ke Jesu tie U Tienu n Gandi Yua, U Tienu Bijua, ke yi yaa tuo ki daani o, yin baa li miali o yeli nni.

Jan n diani U Tienu Laabaaliŋamo maama 9:35

Jesu den gbadi ke bi deli ki ñani o. Jesu n den tuogi o, o den buali o: «Naani a daani o Joa Bijua?»

Jesu Tondiba Tuona 9:20

Lanyogunu, o den cili ki caa li bali maama bangima diena nni, ki wangi Jesu maama, ki tua ke o tie U Tienu Bijua.

2 Korenti 1:19

Jesu Kilisiti, U Tienu Bijua, mini, Silasi leni Timote n den wangi yi yua yaa maama, naa tie: «Mm,» ki go tie: «Aa-a.» «Mm» bebe n ye o kani.

Galati 2:20

Lanwani, laa go tie mini yua n ye ki fo, li tie Kilisiti yua n ye ki fo n niinni. Min pia yaa miali n gbanandi nni moala, n pia li kelima n dugi wani U Tienu Bijua po, wani yua n den bua nni ki puni o yuli ki kpe n po.

1 Tesaloniki 3:5

Nani min kan go den fidi ki juuni kaa laa yi maama po, n den soani Timote yi kani ke wan bandi yin se li dandanli nni maama. N den jie ke mi tulinma daano n da ti tulini yi, ki teni ti tuonli yi siiga n tua fanma.

Hebilunba 12:16

Yin go fangi yi yula ke oba n da tie conconma daano leni yua n fali yaala n gagidi, nani Esayu yeni, yua n den kuadi o nikpedi kelima jeyenma po.

Hebilunba 4:14

Lani yaa po, ti pia bi kopadicianba bado, yua n den kua tanpoli po, lani n tie Jesu U Tienu Bijua. Lani yaa po, tin yaa se bonŋanla tin tiendi siedi yaa dandanli po nni.

Hebilunba 7:3

Waa pia baa, waa pia naa, waa pia o yaajanba togida, waa pia o miali cilima leni o miali juodima. O tie nani U Tienu Bijua, ki baa yaa tie kopadiciamo yaa yogunu kuli.

1 Jan 3:8

Yua n tiendi ti tuonbiadi tie Sutaani yua, kelima wani Sutaani den tiendi ti tuonbiadi hali mi cilima ki pundi hali moala. U Tienu Bijua den cua ki doagidi o yuli, ki baa bolini Sutaani tuona.

Mi Doagidima 2:10

Ŋan da jie ŋan baa ti le yaa fala. Cengi, li kan go waagi ke ku tuotabigu yudaano baa kuani yi siiga bi nitianba li kpaadidieli nni, lan tua yi po mi biigima. Bi baa waani yi fala dana piiga. Ŋan yaa tie nidugika hali mi kuuma. Lani, n baa pa ŋa li miali yaa badifogiliga.