Matie 4:23 - U TIENU MAAMA TILI 2013

²³ Jesu den gaandi Galile diema nni kuli ki koa li bali maama bangima diena nni, ki bangi bi niba ki wangi ba U Tienu diema Laabaaliŋamo, ki paagidi bi niba bi yianbuoli leni bi tadinbuoli kuli po.

Gourmanchéma Bible

²³ Jesu den gaandi Galile diema kuli nni ki kua li *balimaama bangima diena nni, ki bangi bi niba ki wangi ba *U Tienu diema Laabaaliŋamo, ki paagidi bi niba bi yianbuoli leni bi tadinbuoli kuli po.

Matie 4:23 ပူးပေါင်းရင်းမြစ်များ

Pisomi 103:3

Wani n puuni nni sugili n tagili kuli po, Ki paagidi nni leni n yiani kuli,

Pisomi 74:8

Bi den tua bi pala nni: «Tin taani ki tieni ba u paalu Ki juu ban taagi ki jaandi Naankani kuli mi diema nni.»

Matie 11:5

A juama noadi, a waba cuoni, a gbaada ŋanbidi, a woma gba, bi tinkpiba fiidi, a luoda mo gba o Laabaaliŋamo.

Matie 12:9

Jesu den ñani lankani ki gedi ki ban kua bi bali maama bangima dieli nni.

Matie 13:19

O nilo yaa cengi U Tienu diema maama, ki naa gaa man bua ki yedi yaala, o Biado n cua ki ñani ban pagi yaama o pali nni. Wani n tie yaa bonpagikaala n baa u sankunu.

Matie 13:54

ki guani o dandogu nni. O den kua ki bangi li bali maama bangima dieli nni. Li den paki yaaba n gbadi o maama kuli ke bi den tua: «One mo baa mi naa yanfuoma leni mi naa bancianma kuli le?

Matie 14:14

Wan den ñani ku ñinbiagu nni, o den laa ke bi niba ladi ki ban caa. Mi ninñima den cuo o ke o paagi bi yiama.

Matie 24:14

U Tienu diema Laabaaliŋamo na n da baa kpa pundi ŋanduna nni kuli, ki tua siedi i nibuoli kuli po. Lani yaa pendi mi juodima baa cua.

Matie 3:2

ki tua: «Lebidi mani yi pala kelima tanpoli diema nagini.»

Matie 9:35

Jesu den gaandi i dociami leni i dowaali nni kuli, ki bangi U Tienu maama li bali maama bangima diena nni, ki wangi U Tienu diema Laabaaliŋamo, ki paagidi bi niba bi yianbuoli leni bi tadinbuoli kuli po.

Marki 1:14

Ban den cuo Jan ki kuani o li kpaadidieli nni ke li pende, ke Jesu den gedi Galile ki ban wangi U Tienu Laabaaliŋamo,

Marki 1:21

Jesu leni o ŋoadikaaba den gedi Kafarnawum dogu nni. Mi fuodima daali n pundi, Jesu den kua li bali maama bangima dieli nni, ki bangi yaaba n taani lienni.

Marki 1:39

O den goadi Galile diema nni kuli, ki koa li bali maama bangima diena nni, ki wangi U Tienu maama, ki go deli mu cicibiadimu, ki ñandi mu mun ye yaaba yaa niinni.

Marki 3:10

O den paagidi bi niba boncianla bi yiani po. Yaaba n laadi fala kelima i yiani po kuli den taani o kani. Bi den tudi biyaba ki bua ki sii o.

Marki 6:2

U Tienu fuodima daali n den pundi, o den kua li bali maama bangima dieli nni ki bangi. Yaa niba n yabi den cengi o maama ke li paki ba ke bi tua: «One mo baa li naa bonla le? O baa mi naa yanfuoma kuli le? O gaa lede ki tieni mi naa bancianma leni o nii?

Marki 6:6

Bi dandanluoma den paki o. Jesu den goadi li dobila nni, ki bangi bi niba o Laabaaliŋamo.

Luki 10:9

ki paagi yaa yiama n ye likani ki yedi ba: ‹U Tienu diema cua yi kani.›

Luki 13:10

Dayenli, mi fuodima daali, Jesu den bangi bi niba li bali maama bangima dieli nni.

Luki 16:16

Li bali maama leni bi saawalipuaba maama den die ki pundi hali Jan Batisi yogunu. Ki cili lanyogunu, bi wangi U Tienu diema Laabaaliŋamo. Nilo kuli tiendi u paalu ki bua ki kua lienni.

Luki 20:1

Dayenli Jesu den kaa ki bangi bi niba U Tienu diegu nni, ki wangi ba o Laabaaliŋamo. Bi kopadicianba yudanba, li bali maama banda leni a nikpela den cua o kani,

Luki 4:14

Jesu den guani Galile leni mi Fuoma paalu. O yeli den ñani laa diema nni kuli.

Luki 5:17

Dayenli Jesu den bangi bi niba U Tienu maama, Farisieninba leni li bali maama bangikacianba bi tianba den kaa likani. Bi den ñani Galile leni Jude dogi nni kuli leni Jerusalemi moko. O Diedo paalu den ye leni Jesu ke o paagidi a yiama.

Luki 6:17

Jesu den jiidi li juali po leni ba, ki sedi u tialu po. O ŋoadikaaba toaba boncianla den ye likani. Nitoaba moko den wuli ki ladi likani, ki ñani Jude nni leni Jerusalemi, Tiiri, Sidon leni yaa dogi n baali mi ñincianma kuli. Bikuli den cua ki bua ki gbadi o maama, ki go bua wan paagi ba bi yiani po.

Luki 6:6

Datoali mi fuodima daali goga, Jesu den kua li bali maama bangima dieli nni ki bangi bi niba U Tienu maama. O joa den ye likani ke o jienu faani.

Luki 7:21

Lanyogunu, Jesu den paagi a yiama, a tadima leni mu cicibiadimu n die yaaba, ki go noadi a juama boncianla.

Luki 7:22

O den guani ki yedi Jan tondiba: «Guani mani ki ban togidi Jan yin gba ki go nua yaala: A juama noadi, a waba cuoni, a gbaada ŋanbidi, a woma gba, bi tinkpiba faadi, a luoda mo gba o Laabaaliŋamo.

Luki 8:1

Yaa dana n ŋua, Jesu den caa i dociami leni i dowaali nni kuli, ki kpaani ki wangi U Tienu diema Laabaaliŋamo.

Luki 9:11

Bi niba boncianla den bandi ki ŋoadi o. Jesu den biali ba, ki waani ba U Tienu diema maama, ki go paagi yaaba n ki pa.

Luki 9:60

Jesu den yedi o: «Cedi bi tinkpiba n piini bi tinkpiba, ama fini, gedi ki ban yaa wangi U Tienu diema maama.»

Jan n diani U Tienu Laabaaliŋamo maama 18:20

Jesu den guani ki yedi o: «N den maadi asala nni ke bi niba kuli gba. Yogunu kuli n maadi li bali maama bangima diena nni leni U Tienu diegu nni kuli, Jufinba kuli n yen taagi naankani. Mii den wuoni ki maadi liba kuli.

Jan n diani U Tienu Laabaaliŋamo maama 6:59

Jesu den maadi lani wan den bangi li bali maama bangima dieli nni, Kafarnawum.

Jan n diani U Tienu Laabaaliŋamo maama 7:1

Lani n pendi, Jesu den goadi Galile nni. Waa go den bua ki yaa goadi Jude nni, kelima Jufinba den lingi ki bua ki kpa o.

Jesu Tondiba Tuona 10:38

Yi go bani U Tienu n den teni ke o Fuoma Yua jiidi Jesu Nasareti yua po, ki gbie o niinni, ki puni o u paalu maama. Yi go bani ke o den caa i kaani kuli ki ŋanbidi bi niba po, ki faabidi Sutaani n den miabi yaaba kuli, ki paagidi ba kelima U Tienu den ye leni o.

Jesu Tondiba Tuona 18:4

U Tienu fuodima daali kuli, Poli den caa li bali maama bangima dieli nni, ki maadi leni Jufinba leni Girekinba kuli, ki moandi ke ban tuo ke o Laabaaliŋamo tie moamoani.

Jesu Tondiba Tuona 20:25

Ama moala, yinba min den lindi ki wangi yinba yaaba U Tienu diema maama yeni, n bani ke yi kan go le n nunga.

Jesu Tondiba Tuona 28:31

O den wangi ba U Tienu diema maama, ki go bangi ba o Diedo Jesu Kilisiti maama fuuli leni li papaali boncianla. Oba kuli ki den yie o po wan da maadi.

LOMA YAABA 10:15

Oba kuli yaa soani U Tienu mawangikaaba mo, bi baa gaa lede ki yaa wangi o maama? Nani lan diani maama: «Diidi mani bi cenli n ŋani maama, Bani yaaba n cua ki wangi o Laabaaliŋamo.»