Matie 4:10 - U TIENU MAAMA TILI 2013

¹⁰ Jesu den yedi o: «Fuadi likani Sutaani, kelima li diani: ‹A baa kpiagi o Diedo a Tienu, ki yaa jaani wani bebe.› »

Gourmanchéma Bible

¹⁰ Jesu den yedi o: «Fuadi likani Sutaani, kelima li diani: ‹A baa kpiagi o Diedo a Tienu, Ki yaa jaandi wani bebe.› »

Matie 4:10 ပူးပေါင်းရင်းမြစ်များ

1 Bi Badiba Jama 21:1

Sutaani den fii ki sedi Isidayeli yaaba po, ki den fiini Davidi yama ke wan coadi Isidayeli yaaba kuli.

Jobi 1:12

O Diedo den yedi Sutaani: «Diidi wan die yaala kuli ye a nuu nni. Ama ŋan da sii wani o ba!» Lanwani, Sutaani den ñani o Diedo kani.

Jobi 1:6

Dayenli, U Tienu malekinba den cua o Diedo nintuali, Sutaani ku tuotabigu yudaano moko den cua ki sedi bi siiga.

Jobi 2:1

Dayenli U Tienu malekinba go den cua o Diedo nintuali, ke Sutaani ku tuotabigu yudaano moko den cua ki sedi bi siiga.

Pisomi 109:6

Bi tua: «Teni o nibiado n fii ki sedi o po, Ki baa yua mo n baa sedi o jienu, Ki yaa kuliti o.

Mi Ñama 23:25

Yi baa yaa tuuni Li Miali Diedo yi Tienu po. O baa seligi yi jiema leni yi ñima. N baa deli ki ñani u yianu yi siiga.

Esayi 30:22

Yi baa yaa nua ke ban boali yaa nannana Ŋanjilifa leni wula kuli joagini. A baa pua ki yadi laa joagindi, Ki yedi ba: «Ña mani nekanba.»

Matie 16:23

Ama Jesu den jigidi ki yedi Pieli: «Ña n puoli, Sutaani, a tie n po tingbali bonla, kelima a yantiana naa tie U Tienu yaa ya, ama bi nisaaliba yaa yantiana.»

Marki 1:13

O den ye lipo leni ti fuayandi, ki tieni dana piinaa ke Sutaani tulini o. Malekinba den tuuni o po.

Luki 10:18

Jesu den yedi ba: «N den laa ke Sutaani ñani tanpoli ki peli nani mi tañigima yeni ki baa.

Luki 11:18

Sutaani yaaba mo yaa deli ki ñani Sutaani yaaba, o diema baa tieni lede ki yaa ye? N yedi yeni kelima yi yedi ke mu cicibiadimu bado Belisebuli puni nni u paalu ke n deli mu cicibiadimu.

Luki 13:16

O pua yua n tie Abalahama puoliŋuanu, ke Sutaani luo o hali piiga n binanii na mo te, laa pundi min faabi o mi fuodima daali?»

Luki 22:3

Sutaani den kua Juda pali nni, wani ban go yi yua Isikarioti, yua n den tie bi piiga n niliediba siiga yendo.

Luki 22:31

Jesu go den yedi: «Simon, Simon, Sutaani den mia ke wan baa u sanu ki yagi yikuli nani ban yagini ŋalikama maama yeni.

Luki 4:8

Jesu den guani ki yedi o: «Li diani: A baa jigini o Diedo a Tienu, Ki yaa kpiagidi wani bebe.»

Jan n diani U Tienu Laabaaliŋamo maama 13:27

Jesu n den teni o li yaa yogunu liga, Sutaani den kua o pali nni. Jesu den yedi o: «Ŋan baa tieni yaala, tieni la tontoni.»

Jesu Tondiba Tuona 26:18

N soani a bi kani ke ŋan ŋubidi bi nuni, ki ñani ba li biigili nni ban kua mi yenma nni, ki ñani ba Sutaani paalu nni, ban cua U Tienu kani. Lani, ban baa bi tuonbiadi sugili, ki baa bi u kaanu U Tienu gagidi ki ŋanbi yaaba kelima li dandanli po siiga.›

Jesu Tondiba Tuona 5:3

Pieli den yedi o: «Ananiasi, be n teni ke Sutaani gbieni a pali ke a pua U Tienu Fuoma Yua mi faama, ki wuoni u kuanu yeni ligi boagidima?

1 Korenti 5:5

Yin teni laa nilo Sutaani, ke wan bolini o gbanandi ke o naano n tindi o Diedo Jesu n baa cua yaa daali.

1 Korenti 7:5

Yin da yie mani yiyaba po, kali yikuli yaa juogi ki tuo ki bili u yogunu waamu i jaandi po. Lani yaa pendi, yin guani ki taani leni yiyaba ke Sutaani n da tulini yi, kelima yi gbali yi gbanandi kubima.

2 Korenti 11:14

Ban tiendi yaala yeni naa pia pakili, kelima Sutaani oba moandi ki naani leni mi yenma maleki.

2 Korenti 12:7

Lan baa gaa maama ke min da gbengi n yuli leni ti japaadi, kelima laa bondoagidikaala n den ŋani maama po, bi den kuani nani i konkoni yeni, n gbanandi nni. Li den tie Sutaani maleki yua n den kudi nni, ke min da gbie leni ti japaadi.

2 Korenti 2:11

ke Sutaani n da ti fidi ti, kelima ti bani o jagibiada po.

Mi Tiadima 10:20

Yi baa fangi Li Miali Diedo yi Tienu, ki yaa kpiagidi o, ki kuani yi yama o niinni, ki go yaa polini o yeli nni.

Jaki 4:7

Lanwani, yin yaa miindi yi yula U Tienu kani. Yin yaa yiedi ku tuotabigu yudaano po, lani o baa sani ki foagidi yi kani.

Josue 24:14

Lanwani, Josue go den yedi ba: «Moala yin fangi o Diedo, ki yaa ŋua o leni payenli leni yaa yantiali n ki pia janbi. Yin ñani yi siiga yi yaajanba n den ŋua yaa tieni Efrati kpenciamu duoli po leni Ejipiti po, ki yaa ŋua Li Miali Diedo.

1 Pieri 5:9

Yin yaa se ke li pa yi dandanli nni ki yie o po, kelima yi bani ke yi kpiiba yaaba n ye ŋanduna nni kuli moko laadi laa fala buolu.

1 Samueli 7:3

Samueli den yedi Isidayeli yaaba kuli: «Yi yaa guani Li Miali Diedo kani leni yi pala kuli, yin ñani yi siiga o bulo Asitate leni bi nilanba n ŋua yaa buli kuli. Yin ŋoadi mani Li Miali Diedo leni yi pala kuli, ki yaa tuuni wani bebe yaa po. Lani, o baa faabi yi Filisiti yaaba nuu nni.»