Matie 3:2 - U TIENU MAAMA TILI 2013

² ki tua: «Lebidi mani yi pala kelima tanpoli diema nagini.»

Gourmanchéma Bible

² ki tua: «Lebidi mani yi yama kelima *tanpoli diema kuli.»

Matie 3:2 ပူးပေါင်းရင်းမြစ်များ

1 Bi Badiba 8:47

bani a niba yaa lebidi bi pala ban ye ti yonbidi yaa diema nni yeni ki mia ŋa ki yedi: ‹Ti tieni ti tuonbiadi, ti tieni yaala n ki ŋani, ti tieni mi biadima.›

Jobi 39:12

Naani wani n baa todi a ŋan taani a kpaandi, Ki bili likuli a jalu nni?

Jobi 42:6

Lani n teni n tuo ke i tagili tie n yii. N gbaa mi fantanpienma leni mi tama nni ki miadi sugili.»

Esekieli 33:11

Yedi ba daa, ke o Diedo U Tienu yua n fo poli ki yedi line: ‹Mii bua o nibiado kuuma ka, ama min bua yaala tie ke wan lebidi o tagu ki yaa ye yo.› Lebidi mani yi pala ki ŋaa i tagibiadi. Be yaa po ke yinba Isidayeli yaaba yi baa kpe?

Danieli 2:44

Mi diema yeni badiba yogunu, Tanpoli Tienu baa fiini dietoama, yaama n kan bodi abada. Nibuoto kan fidi ki diedi ma. Mi baa mudi ki gbeni mi diekpiama yeni kuli, ama mani miba baa yaa ye hali yaa yogunu kuli.

Matie 10:7

Yin tagi naankani kuli, yin yaa wangi ke U Tienu diema nagini.

Matie 11:20

Lani, Jesu den funi leni wan tieni mi bancianma boncianla yaa dogi nni, kelima laa dogi niba naa den lebidi bi pala. O den yedi:

Matie 12:41

Ninivi dogu yaaba moko baa taani ki fii ki sedi leni moala ne niba ti buudi daali ki bu ki cuo ba, kelima Jonasi n den waani ba U Tienu maama, bi den lebidi bi pala. Ama moamoani, yua n cie Jonasi ye ne.

Matie 13:11

O den guani ki yedi ba: «Bi puni yinba yin bandi tanpoli diema bondoaginkaala. Ama bi naa puni bani wani n bandi la.

Matie 13:24

Jesu go den pua ba kpanjatoama ki yedi: «Tanpoli diema baa yaa tie nani yaa nilo n den buli yaa bonbulikaala n ŋani o kuanu nni.

Matie 13:31

Jesu go den pua ba kpanjatoama ki yedi: «Tanpoli diema tie nani yaa nilo den buli yaa kpintiigu n yi mutardi yaa bonbibu o kuanu nni.

Matie 13:33

O go den pua ba mi naa kpanjama: «Tanpoli diema tie nani li dabinli ke o pua taa ki buuni yonyiemutaa, ki sieni hali likuli n pili.»

Matie 13:47

Tanpoli diema go tie nani ban luni yaa taalu mi ñincianma nni ki co i janbuoli kuli.

Matie 13:52

O den yedi ba: «Lanwani, li bali maama banda siiga yua n tuo ki gaa yaala n tie tanpoli diema bonla kuli, tie nani yaa diedaano n ñandi o ŋalimano nni li bonpanla leni li bonkpelila kuli.»

Matie 18:23

Tanpoli diema tie nani yaa bado n den bua o naacenba n waani o, ban kubi o po yaa ligi fuuli.

Matie 20:1

Jesu den yedi: «Tanpoli diema tie nani yaa koadaano n den ñani ku tiŋaapanpangu, ki baa taa bi tuonsoanba o duventiidi kuanu tuonli po.

Matie 22:2

«Tanpoli diema baa yaa tie nani yaa bado n den ŋanbi o bijua puocaajiema.

Matie 23:13

Fala baa yaa ye leni yi, yinba li bali maama banda leni Farisieninba palalie danba, kelima yi luoni tanpoli diema kuama bi niba po. Yii kua yiba, yaaba n bua ki kua mo, yi kan cedi ban kua. [

Matie 25:1

Lani yaa po, tanpoli diema baa yaa tie nani puowandiana piiga, yaaba den taa bi fidisanmu ki fii ki baa n tuogi o puocaano calo.

Matie 25:14

Li go baa yaa tie nani yaa joa n den caa u dogu ki yini o naacenba ki guuni ba o piama.

Matie 4:17

Lanyogunu Jesu den cili ki wangi o Laabaaliŋamo, ki tua: «Lebidi mani yi pala, kelima tanpoli diema nagini.»

Matie 4:23

Jesu den gaandi Galile diema nni kuli ki koa li bali maama bangima diena nni, ki bangi bi niba ki wangi ba U Tienu diema Laabaaliŋamo, ki paagidi bi niba bi yianbuoli leni bi tadinbuoli kuli po.

Matie 5:10

Li pamanli ye leni ban wangi yaaba fala kelima mi teginma po, kelima tanpoli diema tie bi yaame.

Matie 5:3

«Li pamanli ye leni yaaba n tie luoda bi pala nni, kelima tanpoli diema tie bi yaame.

Matie 6:10

Teni a diema n cua, A yanbuama mo n tieni ki tinga po, Nani man tiendi tanpoli po maama.

Matie 6:33

Yin kpa lingi mani U Tienu diema leni o yaa teginma, lani, laa bonla kuli baa yuandi ki pugini yi po.

Marki 1:15

ki tua: «U yogunu pundi, U Tienu diema yogunu nagini. Yin lebidi ki tuo o Laabaaliŋamo.»

Marki 1:4

Lani n tie Jan yua n den cua ki batisi bi niba mi fanpienma nni, ki wangi ba yaa maama n tie ne: «Yin lebidi yi pala ki cua min batisi yi. Yeni, U Tienu baa pa yi sugili yi tuonbiadi po.»

Marki 6:12

Bi den fii ki gedi, ki ban wangi bi niba, ke ban lebidi bi pala.

Luki 1:16

O baa gobidi ki guani Isidayeli buolu niba boncianla o Diedo bi Tienu kani.

Luki 11:20

Ama li yaa tie U Tienu n puni nni u paalu ke n deli mu cicibiadimu, lanwani U Tienu diema pundi yi kani.

Luki 13:3

N yedi yi, yeni ka baa. Yi yàá lebidi yi yama, yikuli baa bodi yene.

Luki 13:5

N yedi yi, yeni ka ba. Yimoko yàá lebidi yi yama, yikuli baa bodi yene.»

Luki 15:10

N yedi yi ke li baa yaa tie yeni tanpoli po. U Tienu malekinba baa mangi bi pala kelima ti tuonbiadi daano yendo yua n lebidi o yama.»

Luki 15:7

N yedi yi ke ti tuonbiadi daano yaa lebidi o yama, li pamanli baa yaa ye tanpoli po ki cie, niteginkaaba piiyia n nibiyia yaaba n kaa nua ke mi lebidima yeni tie tiladi.

Luki 16:30

O piado den guani ki yedi: ‹N baa Abalahama, yeni ka! Yua n kpe yaa fii bi tinkpiba siiga ki gedi bi kani, bi baa lebidi bi pala.›

Luki 21:31

Li go tie yene, yi yaa laa ke laa bonla tiendi, yin bandi ke U Tienu diema nagini.

Luki 24:47

Bi baa cili Jerusalemi na ki yadi ki gedi i nibuoli kuli po, ki ban yaa wangi ke bi niba n lebidi bi pala, ki baa sugili bi tuonbiadi po.

Luki 6:20

Lani, Jesu den yaadi ki diidi o ŋoadikaaba ki yedi: «Li pamanli ye leni yinba yaaba n tie a luoda, kelima U Tienu diema tie yi yaame.

Luki 9:2

O den soani ba ke ban yaa wangi U Tienu diema maama, ki go yaa paagidi a yiama moko.

Jesu Tondiba Tuona 11:18

Yaaba n den funi leni o yeni n den gbadi li maama fuuli, bi den cedi, ki kpiagi U Tienu ki yedi: «Lanwani, U Tienu puni bi nilanba moko ke bi baa u sanu ki lebidi bi pala, ki baa li miali.»

Jesu Tondiba Tuona 17:30

U Tienu ki faami bi niba n den ye yaa yanpiima nni. Ama moala o wangi bi niba kuli leni i kaani kuli, ke ban lebidi bi pala.

Jesu Tondiba Tuona 2:38

Pieli den guani ki yedi ba: «Lebidi mani yi pala, yi siiga yuakuli n batisi Jesu Kilisiti yeli nni, ke yin baa sugili yi tuonbiadi po. Lani, yi baa baa U Tienu paabu yaabu n tie U Tienu Fuoma Yua.

Jesu Tondiba Tuona 20:21

N den wangi Jufinba leni Girekinba kuli, ke ban lebidi bi pala U Tienu po, ki tuo ki daani ti Diedo Jesu.

Jesu Tondiba Tuona 26:20

N den kpa wangi Damasi yaaba, ki yuandi ki wangi Jerusalemi yaaba leni Jude diema nni yaaba kuli. N go den wangi bi nilanba moko, ke ban lebidi bi pala ki ŋoadi U Tienu, ki yaa tuuni yaa tuona n doagidi ke bi lebidi.

Jesu Tondiba Tuona 3:19

Lani yaa po, yin lebidi yi yama ki daani U Tienu ke wan n ŋuudi ki ñani yi tuonbiadi.

2 Korenti 7:10

Yeni de! U Tienu n bua yaa pabiidili buolu yeni, yaali n baa cuani mi yanlebidima. Laa yanlebidima n kpendinni mi tindima. Mi kan teni wan ji faa ki mua lipo. Ama ŋanduna yaa pabiidili baa cuani mi kuuma.

Kolosi 1:13

O faabi ti ki ñani ti li biigili paalu nni, ki kuani ti o Bibuadiga diema nni.

2 Timote 2:25

Wan go yaa tie yua n tundi yaaba n yiedi o po leni mi dingima, ki yaa sugini U Tienu n pa ba ban lebidi bi pala, ki fidi ki bandi i moamoani.

Hebilunba 6:1

Lanwani, tin cedi Kilisiti maama bangicilikaama, ki suagi ki pundi yaa bangima n tie yaaba n kpedi ki dagidi yaa po. Tin da go puu yaa tanpuupanli n tie: Ki lebidi ki ŋaa yaa tuona n baa cuani mi kuuma leni li dandanli U Tienu po,

2 Pieri 3:9

O Diedo baa kuani o ñoanianu moala, ba ke bi nitianba nua ke o waagidi. Li tie ke o pia yi po li juunle, kaa bua ba niyendo n bodi, ama ke bi niba kuli n lebidi bi pala.

Mi Doagidima 2:21

N den puni o u yogunu wan lebidi o yama, ama waa bua ki lebidi o yama o conconma po.

Mi Doagidima 2:5

Lanwani, ŋan tiadi ŋan baa naani, ki lebidi a yama, ki go yaa tiendi nani ŋan den kpa tiendi maama. Lan yaa ka, n baa cua a kani ki tuadi a fidisantuankaanu.