Matie 27:24 - U TIENU MAAMA TILI 2013

²⁴ Pilati n den laa ke o maama ki baa sedima lipo, ke ku fuugu mo pugidi, o den taa mi ñima ki nidi o nii ku niligu nintuali, ki yedi: «Mii pia tagiliba o naa niteginka soawulima nni. Li ŋua yinbe!»

Gourmanchéma Bible

²⁴ Pilata n den laa ke o maama ki baa sedima lipo, ke ku fuugu mo pugidi, o den taa mi ñima ki nidi o nii ku niligu nintuali ki yedi: «Mii pia tagiliba o naa niteginka soawulima nni. Li ŋua yinbe.»

Matie 27:24 ပူးပေါင်းရင်းမြစ်များ

Pisomi 26:6

O Diedo, n nidi n nii ki doagidi Ke mii pia tagili! N gaandi ki lindi a padibinbinli,

Jeremi 2:27

Bani yaaba n tua ku daagu: «A tie n baa!» Ki tua li tanli mo: «Fini n mali nni!» Yeni de! Bi buli nni ki nunga. Bi yaa ye mi yebiadima nni, bi baa yedi: «Fii ki faabi ti.»

Jeremi 2:35

Ba leni lani kuli, A guani ki yedi ke ŋaa pia tagiliba kuli, Ke o pabienli n pegidi ki teli poto ki cedi a. N baa bu leni a kelima a yedi: «Mii pia tagiliba.»

Matie 26:5

Ama bi den yedi: «Lan da tieni mi jaanma dana nni, ke ku fuugu n da ti fii bi niba siiga.»

Matie 27:19

Wan da den li kaa o bujiali kaanu, o pua den soani u tondu o kani ki yedi o: «Ŋan da kua o naa niteginka maama nni, kelima yaa ñiagu n pendi na, n laa fala boncianla ti dangidi nni kelima o po.»

Matie 27:23

Guveneeri den yedi: «O tieni be biadime?» Bi go den tangi ke li pa: «Joani o li dapoanpoanli po!»

Matie 27:4

ki yedi: «N tieni ti tuonbiadi ki janbi yua n ki pia tagili.» Bi den guani ki yedi o: «Lani mo nan ŋua ti? Li ŋua fine!»

Matie 27:54

Minteela kobiga yudaano leni yaaba n den taani leni o ki ji Jesu kuli n den laa mi tindigibima leni yaala n tieni kuli, ti jawaandi den cuo ba boncianla, ke bi yedi: «Moamoani, one den tie U Tienu Bijua yo.»

Matie 27:9

Lani, o saawalipualo Jeremi n den maadi yaa maama den tieni: «Bi den taa kujapiena piitaa, Isidayeli yaaba n den biigi Ki sua ke o dunga pundi maama,

Jan n diani U Tienu Laabaaliŋamo maama 13:9

Simon Pieli den yedi o: «N Daano, da nigidi n taana bebe ka, n nii leni n yuli kuli.»

Jan n diani U Tienu Laabaaliŋamo maama 19:4

Pilati go den ñani ki gedi Jufinba kani ki yedi ba: «Diidi, n baa teni ban ñani o yi kani, ke yin bandi ke mii laa ke o tieni liba, yaala n pundi min cuo o.»

Jesu Tondiba Tuona 3:14

Ama yi den yie o, wani o Nigagidiŋamo leni o Niteginka. Yi den mia ban faabi yi po o nikpalo.

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba po, ke timo n baa ki tua o yaa niinni U Tienu niteginkaaba.

1 Pieri 3:18

Kilisiti moko den laa fala yenma ti tuonbiadi po, ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den guani ki baa li miali, kelima mi Fuoma po.