Matie 27:2 - U TIENU MAAMA TILI 2013

² Bi den loli o, ki gedini o ki ban teni o Pilati yua n den tie guveneeri.

Gourmanchéma Bible

² Bi den loli o, ki gedini o ki ban teni o Pilata yua n den tie gufeneeli.

Matie 27:2 ပူးပေါင်းရင်းမြစ်များ

Mi cilima 22:9

Ban den pundi U Tienu n den waani Abalahama yaa kaanu, o den maa li padibinbinli ki maani ti daadi li padibinbinli po. O den loli o bijua Isaaka ki maani o yaa daadi n den maa li padibinbinli po.

Matie 20:19

Bi baa teni o bi nilanba ban ñuadi o, ki pua o i baliji, ki kpaa ki tabini o li dapoanpoanli po. Ama li dataali daali, o baa fii bi tinkpiba siiga.»

Matie 28:14

Guveneeri yaa bandi, ti baa duani o yama ki teni ke liba kan tieni yi.»

Luki 13:1

Lanyogunu bi nitianba den cua ki togidi Jesu yaala n den tieni Galile yaaba, yaaba n den cua ki baa padi U Tienu po, ke Pilati den teni ke bi kpa ba, ki wuli bi soama ke mi taani ki kali leni bi pada yaa yaama.

Luki 20:20

Bi den kpaagi Jesu, ki soani yaa niba n kpali ke bi tiegi, ke ban dia o ku madiagu ki cuo o leni maamiba, ki teni o bi bujiaba leni guveneeri, wan bu ki cuo o.

Luki 23:1

Lani, bi cancantieba taanli kuli den fii ki gedini Jesu guveneeri Pilati po.

Luki 23:12

Landaali Herodi leni Pilati den mangi leni biyaba, ti yibalindi n den kpa ye bani yaaba yaa siiga.

Luki 3:1

Loma yaaba badiciamo Tibeli Sesari bali piiga n binmuuli binli, Ponsi Pilati den tie Jude diema guveneeri, Herodi den die Galile diema, o waalo Filipi n yaa die Itule leni Takonita diema, Lisaniasi mo n yaa die Abileni diema.

Jan n diani U Tienu Laabaaliŋamo maama 18:12

Bi toatieba cagili, bi yudaano leni Jufinba n den soani bi jiidikaaba yaaba yeni, den cuo Jesu ki loli o.

Jan n diani U Tienu Laabaaliŋamo maama 18:24

Lani, Hana den loli o, ki soani o bi kopadicianba bado Kayifa po.

Jan n diani U Tienu Laabaaliŋamo maama 18:28

Bi den ñani Jesu Kayifa kani, ki gedini o guveneeri Pilati bujiali kani. Li den tie ku tiŋaapanpangu. Bani bi ba naa den kua guveneeri bujiali kani, ke ban da ti joagini bi yula, ki fidi ki baa ki je mi Pendima jaanjiema.

Jesu Tondiba Tuona 12:6

Herodi n baa faa ki jia Pieli buudi bi niba nintuali yaa ñiagu, Pieli den luo leni kuseselilie, ki dua ki goa toatiebilie siiga. Yaa toatieba n se ki guu mo den ye li kpaadidieli buliñoajabu kani.

Jesu Tondiba Tuona 21:33

O yudanciamo den nagini ki cuo Poli ki teni ke bi loli o kuseselilie. Lani, o den buali wan tie yua leni wan tieni yaala.

Jesu Tondiba Tuona 22:25

Ban den luo o ki baa pua o yaa yogunu, Poli den yedi minteela kobiga yudaano yua n den se likani: «Naani yi pia u sanu ki pua Loma yua i baliji ki daa jia o buudi?»

Jesu Tondiba Tuona 22:29

Lanyogunu, yaaba n den baa pua o wan maadi yeni den fuadi o kani. Bi toatieba yudanciamo mo den jie boncianla, kelima o teni ke bi loli Loma bulicino i kuseseli.

Jesu Tondiba Tuona 24:27

Binalie n den pendi, Felikisi den baa o lebidu ke bi yi o Porsiyusi Fesitusi. Nani Felikisi n den bua ki mangi Jufinba pala yeni, o den ŋaa Poli ke o baa ki ye li kpaadidieli nni.

Jesu Tondiba Tuona 28:20

Lani yaa po yo ke n mia ki bua ki le yi, ki go maadi leni yi. Li tie Isidayeli yaaba dugi yaala po yo, ke bi loli nni i naa kuseseli.»

Jesu Tondiba Tuona 3:13

Abalahama, Isaaka leni Jakob Tienu, wani, ti yaajanba Tienu, den kpiagi o naacemo Jesu. Yi den cuo o ki teni li bali danba, ki yie o Pilati bujiali kani, ba ke o den jagi ke o baa faabi o.

Jesu Tondiba Tuona 4:27

Moamoani o bado Herodi leni guveneeri Ponsi Pilati den taani yanyenma leni yaaba n kaa tie Isidayeli yaaba leni Isidayeli yaaba kuli u naa dogu nni, ki juogi ban baa tieni maama ki cuo fini U Tienu naacen-gagidiŋamo Jesu, ŋan Gandi Yua.

Jesu Tondiba Tuona 9:2

ki mia o wan diani a tila li bali maama bangima diena yudanba yaaba n ye Damasi po, ke o yaa ban laa lipo, joa bi pua, ke bi ŋua laa sanu, wan loli ba ki cuani Jerusalemi.

1 Timote 6:13

N teni a li ñoamabonli U Tienu yua n puni yaala n fo kuli li miali yaa nintuali leni Jesu Kilisiti nintuali, wani yua n den tieni o siediŋamo Ponsi Pilati nintuali,

2 Timote 2:9

Laa Laabaaliŋamo yaa po yo, ke n laadi fala hali ke bi kpaa nni ti kpaadi, nani n tie o nibiado yeni. Ama baa kpaa U Tienu maama wani.

Hebilunba 13:3

Yin yaa tiani a kpaada po, nani yimoko taa leni ba ki tie kpaada yeni. Yin go yaa tiani ban faligi yaaba po, ki bani ke yimoko ye ti gbanandi nni, ki tie ban baa fidi ki faligi yaaba.

Bi Bujiaba 15:12

Bi den yedi o: «Ti cua ki baa loli a ki teni a Filisiti yaabe.» Samison den yedi ba: «Poli mani ke yi kan kpa nni yi baa.»