Matie 27:17 - U TIENU MAAMA TILI 2013

¹⁷ Ku niligu n den taani, Pilati den yedi ba: «Yi bua min faabi yi po ŋme, Barabasi, bi Jesu ban yi yua Kilisiti?»

Gourmanchéma Bible

¹⁷ Ku niligu n den taani, Pilata den yedi ba: «Yi bua min faabi yipo ŋme, Balabasa bi, bi Jesu ban yi yua Kilisiti?»

Matie 27:17 ပူးပေါင်းရင်းမြစ်များ

1 Bi Badiba 18:21

Elia den nagini ki yedi ku niligu yeni: «Yi baa yaa lengidi sanilie siiga ki pundi hali u laa yogunu? Li Miali Diedo n yaa tie U Tienu, yin cubini ki ŋoadi o mani. Li yaa tie Baali mo n tie, yin cubini ki ŋoadi mani wani.» Ku niligu ki den guani o liba kuli.

Matie 1:16

Jakob n maa Josefi, Mariyama yua n den mali Jesu Kilisiti calo.

Matie 27:16

Lanyogunu, bi den pia kpaadiyenli, ke bi yi o Barabasi ke bi niba kuli bani o biadima po.

Matie 27:18

O den bani ke bi cuo Jesu ki cuani o li bujiali kani, kelima li nunponbiadili po.

Jan n diani U Tienu Laabaaliŋamo maama 19:15

Bi den tiani: «Kpa o! Kpa o! Joani o li dapoanpoanli po!» Pilati den yedi ba: «Min joani yi bado li dapoanpoanli po bi?» Bi kopadicianba yudanba den guani ki yedi o: «Tii pia baditoa, kali Sesari.»

Jan n diani U Tienu Laabaaliŋamo maama 4:25

O pua yeni den yedi o: «N bani ke U Tienu n Gandi Yua n baa cua. Wani, ban yi yua Kilisiti yeni. O yaa cua, o baa waani ti li bonla kuli.»

Josue 24:15

Dinla, yi yaa bua ki yaa ŋua Li Miali Diedo, yin gandi yin bua ki yaa ŋua yua, li yaa tie yi yaajanba n den ŋua yaa tieni Efrati duoli po yo, bi li yaa ko tie Amori yaaba, yin ye yaaba yaa diema nni, n ŋua yaa buli yo. Mini leni n diegu yaaba wani, ti baa yaa ŋua Li Miali Diedo yo.»