Matie 26:29 - U TIENU MAAMA TILI 2013

²⁹ N waani yi ke moala liiga n kan go ño duven yua n tie ne hali min go baa ti taani leni yi n Baa diema nni, ki ño o bonpaano yaa daali.»

Gourmanchéma Bible

²⁹ N waani yi ke moala liiga n kan go ño duven yua n tie na hali min go baa ti taani leni yi n Baa diema nni ki ño o bonpaano yaa daali.»

Matie 26:29 ပူးပေါင်းရင်းမြစ်များ

Pisomi 104:15

Mi daama mangidi o nisaalo pali, Mi kpama ŋanbidi o nunga, Ke mi jiema mo puuni o u fidu.

Pisomi 4:7

Bi niba boncianla tua: «Ŋme n baa teni tin baa mi yemanma?» Teni a nunga yenma n yendi ti, Fini o Diedo.

Pisomi 40:3

O faabi nni leni mi kuuma buogu. O ñani nni ti moamoadi nni, Ki sieni nni ku tangu po, Ki teni ke n ŋmaa ki bugini.

I Yani 5:1

N naataanpuoga, n buado, N kua n salidingo nni, Ki ñani mili leni yaa muadi Yaa tibidi n mani. N ŋmani n siabiabigu leni ku siadi, Ki ñuni n daama leni n naaŋanma. «N danlinba, je mani ki go ño mani, Ki teni mi buama n gaadi yi, Nani mi daama yeni!»

Esayi 25:6

Li Miali Diedo U Paaciamu Kuli Daano baa tieni Mi jaanjiema i nibuoli kuli po, Li naa juali po. Mi jaanma leni yaa jiema n mani bonŋanla, Mi jaanjemanma leni mi damanma, Mi jemanma yaama n gbie leni o lonlogo, Mi damanma yaama n baani.

Esayi 53:11

Wan laa yaa fala li po yeni, O baa le li ñuadi, ban bandi o. Wani n naacemo yua n tiegi yeni, Baa saa niba boncianla po i moamoani, Ki taa bi tagili ki tugi.

Sofoni 3:17

O Diedo yi Tienu ye yi siiga, Ki tie yaa jakoando n faabidi. O baa teni yin tua o pamanli bonla. O buama yi po teni ke o baa pa yi mi yepanma. O yiini ki kpaani leni li pamanli kelima yi po,

Sakari 9:17

Bi diema baa yaa mani ki go ŋani mo. Likani ŋalikama leni O duvenpaano baa teni Bi jawaaba leni bi jafanba N yaa fandi leni u gbanmanu.

Matie 13:43

Lanyogunu, bi niteginkaaba baa yendi nani u yienu yeni, bi Baa diema nni. Yua n pia a tuba ki baa gbadi wan gbadi.

Matie 16:28

N waani yi i moamoani, yaaba n ye nekanba tianba kan kpe kaa laa ke o Joa Bijua cua o diema nni.»

Matie 18:20

Nibilie bi nibitaa yaa taani n yeli nni, n ye bi siiga.»

Matie 25:34

Lani, o bado baa yedi yaaba n ye o jienu: ‹Cua mani na, yinba n Baa n seligi yaaba! Gaa mani wan den ŋanbi yi po yaa diema hali ŋanduna cilima!

Matie 26:28

kelima line n tie n soama, o Ŋantaadipaano yaa soama yaama n baa wuli yaa niba n yabi po, ban baa bi tuonbiadi sugili.

Matie 26:30

Ban den yini Pisominba, bi den ñani ki gedi Olivie Tiidi juali po.

Matie 28:20

N baa yaa ye leni yi yaa yogunu kuli, hali ŋanduna juodima.»

Marki 14:25

N waani yi i moamoani, n kan go ño duven, hali min go baa ti ño o bonpaano U Tienu diema nni yaa daali.»

Luki 12:32

Da jie liba, fini yaa yankulu n ki yabi, kelima yi Baa sua ke li dagidi o po, wan pa yi mi diema.

Luki 15:32

Li pundi tin je ki go mangi ti pala, kelima a waalo na den kpe ki go faadi, o den yaadi ke ti guani ki laa o.› »

Jan n diani U Tienu Laabaaliŋamo maama 15:11

N maadi yi laa maama, ke yin yaa pia n yaa pamanli, ke yi pamanli n pugini ki dagidi.

Jan n diani U Tienu Laabaaliŋamo maama 16:22

Li baa yaa tie yeni leni yinba moko. Moala li pabiidili cuo yi, ama n go baa le yi ke yi pala baa mangi. Oba kuli kan fie yi kani laa pamanli.

Jan n diani U Tienu Laabaaliŋamo maama 17:13

Moala n kpendi a kani. N maadi lani ki da ye ŋanduna nni, ke min pia yaa pamanli n dagidi bi niinni.

Jesu Tondiba Tuona 10:41

Waa den doagidi o yuli Jufinba kuli po ka, kali U Tienu n den tuodi ki gandi yaa siedinba po, tinba yaaba n den taani ki di ki go ñu leni o, wan den fii bi tinkpiba siiga yaa yogu.

Hebilunba 12:2

Tin yaa tiini ki nua Jesu yua n tie li dandanli cilika leni li ŋanbika. O den tuo li dapoanpoanli yaa kuuma, ki fali yaa fe n ye lienni, kelima yaa pamanli n den bili o po, ki kali U Tienu bali kalikaanu jienu po.

Mi Doagidima 14:3

Bi den yiini bu yanpanbu li bali kalikaanu nintuali, a bonfuodinaada leni a nikpela nintuali. Oba kuli ki den fidi ki bandi bu yanpanbu yeni, kali bani, i kobiga n piinaadi n tudinaadi, ban den daa ki faabi yaaba ki tinga nni.

Mi Doagidima 7:17

kelima ki Pebiga, yua n ye li bali kalikaanu siiga baa yaa tie bi yankpaalo, ki gobidi ki caani ba li miali ñinbuna kani. U Tienu mo baa duuni ki ñani bi nunsiidi kuli bi nuni nni.»