Matie 26:10 - U TIENU MAAMA TILI 2013

¹⁰ Jesu den bandi ban maadi yaala ki yedi ba: «Be n teni ke yi yagini o pua yeni yama? Wan tieni n po yaala yeni ŋani.

Gourmanchéma Bible

¹⁰ Jesu den bani ban maadi yaala ki yedi ba: «Be teni ke yi yagini o pua yeni yama? Wan tieni npo yaala na ŋani.

Matie 26:10 ပူးပေါင်းရင်းမြစ်များ

Nehemi 2:18

Lanwani, n den togidi ba U Tienu nuu, yuu n ŋani n den maa n po ki kubi nni maama leni o bado n den maadi nni yaa maama. Bi den yedi: «Tin fii ki maa mani!» Bi den paagi bi pala ki baa tieni laa yanjagiŋanli.

Jobi 13:7

Naani yi tama ke yi baa maadi Yaala n ki tiegi yo ki todi U Tienu? Naani yi tama ke yi baa pua Mi faama yo ki todi o?

Matie 26:11

A luoda ye leni yi yogunu kuli, ama mini wani kan yaa ye leni yi yogunu kuli.

Matie 26:9

Bi bi baa fidi ki kuadi laa tulale yaa dunga n yabi, ki taa li ligi ki pa a luoda.»

Marki 14:6

Jesu den yedi ba: «Cedi mani o! Be po ke yi yagini o yama? Wan tieni n po yaala na ŋani.

Luki 8:49

Jesu n da den maadi yaa yogunu, o nilo den ñani li bali maama bangima dieli yudaano denpo, ki cua bi kani, ki yedi: «A bisalo yeni, waa ye, da go coagini canbaa.»

2 Korenti 9:8

U Tienu baa fidi ki teni o ŋanbili n yaa wuli yi po li bonla kuli nni, ke yogunu kuli yin yaa pia ke li kandi, ki fidi ki soani tuonŋanli kuli,

Galati 1:7

Moamoani laabaaliŋantoa ki ye, n maadi yeni kelima bi nitianba lengidi yi yama, ki moandi ki baa lebidi Kilisiti Laabaaliŋamo.

Galati 5:12

N bi bua ke yaaba n yagini yi yama leni ku koanciagu maama yeni, n jia ki fali biba.

Galati 6:17

Moala liiga, oba kuli n da go yagi n yama, kelima n pia Kilisiti maalima n gbanandi nni.

Efesa 2:10

Ti tie U Tienu nuu tuonli. O tagi ti Jesu Kilisiti nni, ke tin yaa tuuni a tuonŋama, wan den tuodi ki jagi ke tin yaa tuuni ya.

Kolosi 1:10

Yeni, yi tagu n yaa tie nani lan dagidi o Diedo po maama, ke yin yaa tiendi yaala n mani o po yogunu kuli. Yin yaa tuuni a tuonŋama buoli kuli, ki kpedi ki suagi liiga U Tienu bandima nni.

2 Tesaloniki 2:17

n yaa baagidi yi pala ki teni yin yaa se ke li pa yaala n ŋani tienma nni leni mi maama kuli nni.

1 Timote 3:1

Yaa maama n tie ne tie mi madugikaama. O nilo yaa lingi ki bua ki tua gobidika Kilisiti Nitaanli siiga, o bua yaa tuonli n ŋani.

1 Timote 5:10

ki tie bi niba n pagi yua o tuonŋama po, ki go tie yua n den wubi a bila, ki gaani bi canba cangu leni mi buama, ki nigidi bi nigagidiŋanba taana, ki todi yaaba n ye leni fala, ki tieni a tuonŋama buoli kuli.

2 Timote 2:21

Lanwani, o nilo yaa ŋanbi o yuli ki paadi leni min maadi yaa biadima maama na kuli, o baa yaa tie nani yaa tadiga n tie a tuonkpiaga po yeni. O canbaa gagidi laa tadige o tuonli po. Laa tadiga pia mi fuoma, ki bogini ki dagidi yaa tuonli n ŋani kuli po.

Titi 1:16

Bi tua ke bi bani U Tienu, ama bi nia o bi bontienkaala nni. Bi tie cancaginniba leni niyiekaaba, ki kan fidi ki tieni tuonŋanliba kuli.

Titi 2:14

O den puni o yuli ki kpe ti po, ki baa daa ki faabi ti leni mi biadima kuli, ki ŋuudi ki ŋanbi ti, tin tua wani n die yaaba, yaaba n baa yaa pia li yankuali a tuonŋama po.

Titi 3:1

Ŋan yaa tiadi ba, ban yaa fangi mi diema gobidikaaba leni li bali danba kuli, ki tuo ki yaa ŋua bi maama, ki go bogini tuonŋanli kuli po.

Titi 3:14

Li tie tiladi ke ti yaa yaaba moko n bandi ki yaa tiendi ania a tuonŋama tienma po. Yeni, bi baa fidi ki yaa baadi yaala n tie bi po tiladi. Lani, bi kan yaa tie nani yaa tibu n kaa luoni yeni.

Titi 3:8

Laa maama tie mi madugikaama. N bua ŋan bangi ki go ñii li po bonŋanla, ke yaaba n daani U Tienu n yaa tiendi ania a tuonŋama tienma po. Lani n ŋani, ki go pia mi fuoma bi niba kuli po.

Hebilunba 13:21

Wani U Tienu n teni yin fidi ki yaa tiendi yaala n ŋani, ki go ŋua o yanbuama kuli. Wan teni Jesu Kilisiti n yaa tuuni ti niinni yaala n mani o po kuli. Wani Kilisiti n yaa baadi ti kpiagidi hali yaa yogunu kuli. Amina!

1 Pieri 2:12

Yin yaa pia u tagiŋamu bi nilanba siiga. Lanwani, ba bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.