Matie 24:30 - U TIENU MAAMA TILI 2013

³⁰ Lani, o Joa Bijua sinankeene baa doagidi tanpoli, ŋanduna nibuoli kuli baa mua. Bi baa le ke o Joa Bijua ye ti tawadi nni, ki kpendi leni u paalu leni ti kpiagiciandi.

Gourmanchéma Bible

³⁰ Lani, o Ja Bijua sinankeeni baa doagidi tanpoli, ŋanduna nibuoli kuli baa mua. Bi baa le ke o Ja Bijua ye ti tawadi nni ki kpendi leni u paaciamu leni ti kpiagiciandi.

Matie 24:30 ပူးပေါင်းရင်းမြစ်များ

Danieli 7:13

N go den laa ku ñiagu bonlekaala yeni niinni, ke yua n naani leni o nisaalo ye ti tawadi po, ki kpendi ki tiegi o jakpelo yeni. Bi den ciani o ke o pundi o kani.

Sakari 12:10

U Tienu go yedi: «N baa gbieni Davidi puoliŋuani leni Jerusalemi yaaba, yaaba n sieni, mi ninñima leni bu miabu yaa yantiali. Bi baa pegidi ki diidi mini, ban den muu mini yua yeni. Li paboanli baa cuo ba, nani bonjayenyenga kuuma yaa paboanli yeni. Bi baa mua boncianla, bi baa mua hali boncianla nani o nilo bijakpelo kuuma yeni.

Sakari 12:11

Lanyogunu, li paboanli baa yaa yabi Jerusalemi, nani ban yen biidi bi pala Megido joaloangu nni yaa bulo Hadadi-Rimoni kuuma po maama yeni.

Matie 24:3

Jesu n den kaa Olivie Tiidi juali po, o ŋoadikaaba den cua bani bi bebe ki yedi o: «Waani ti laa bonla n baa ti cua yaa yogunu leni yaa sinankeene n baa waani ti a cuama leni ŋanduna juodima yogunu.»

Matie 24:37

Lan den tie maama Nowe yogunu, li go baa yaa tie yene o Joa Bijua cuama yogunu.

Matie 24:39

Baa den faami liba kuli po, hali ki tabolinkaaga n den ti cua ki koadi bikuli. Li baa go yaa tie yene o Joa Bijua cuama yogunu.

Matie 26:64

Jesu den guani ki yedi o: «Fini n yedi yeni. N go waani yikuli, moala liiga, yi baa ti le o Joa Bijua ke o kaa u Paaciamu Kuli Daano jienu po, ki go le o ke o ñani lankani ki kpendi ti tawadi nni.»

Marki 13:26

Lani, bi baa le ke o Joa Bijua ye ti tawadi nni, ki kpendi leni u paalu leni ti kpiagiciandi.

Marki 13:4

«Waani ti laa bonla n baa ti cua yaa yogunu leni yaa sinankeene n baa ti waani ti, ke laa bonla kuli juodima yogunu pundi.»

Luki 21:27

Lani, bi baa le ke o Joa Bijua ye ku tawaligu nni ki kpendi leni u paalu leni ti kpiagiciandi.

Luki 22:69

Die dinla liiga, o Joa Bijua baa yaa kaa U Paaciamu Daano U Tienu jienu po.»

Jesu Tondiba Tuona 1:11

«Yinba Galile yaaba, be yaa po ke yi baa ki se ki diidi tanpoli nanda? Wani Jesu, yua n ñani yi siiga ki doni tanpoli po, baa guani ki cua nani yin laa ke o caa tanpoli po maama.»

2 Tesaloniki 1:7

O baa taani ki pa tinba leni yinba yaaba n laadi fala mi fuodima, o Diedo Jesu yaa ñani tanpoli po leni o malekinba yaaba n pia u paalu, ki doagidi o yuli yaa daali.

Mi Doagidima 1:7

Diidi ki le mani, O kpendi ti tawadi nni, Nunbu kuli baa le o, Ba yaaba n den muu o baa le o. Ŋanduna nibuoli mo kuli, Baa buudi kelima o po. Yeni n yeni! Amina!

Mi Doagidima 12:1

Yaa maalicianma n pia li pakili den doagidi tanpoli. Li den tie pua, ke o bobi u yienu nani ti tiadi yeni, ke o taana ŋmaa o ŋmaalo, ki ciibi yaa badifogiliga n pia piiga n ŋmabilalie.