Matie 24:11 - U TIENU MAAMA TILI 2013

¹¹ Bi saawalipua-faadanba baa fii boncianla, ki boandi bi niba boncianla.

Gourmanchéma Bible

¹¹ Bi sawalipua-faadanba baa fii boncianla, ki boandi bi niba boncianla.

Matie 24:11 ပူးပေါင်းရင်းမြစ်များ

Matie 24:12

Mi biadima n baa pugini maama po, niba boncianla buama baa wadi.

Matie 24:24

A tuonanda yaaba n yedi ke bi tie U Tienu n gandi yaaba leni bi saawalipua-faadanba baa fii ki yaa tiendi i sinankeenciami leni li bonlidinkaala, hali ke bi yaa bi baa fidi, bi baa boandi ba U Tienu n gandi yaaba moko.

Matie 24:5

Bi niba boncianla baa ti cua n yeli nni ki yedi: ‹Mini n tie U Tienu n Gandi Yua.› Lani, bi baa boandi bi niba boncianla.

Matie 7:15

Fangi mani yi yula leni bi saawalipua-faadanba. Bi kpendi yi kani ki dingi nani i pe yeni, ama moamoani po, bi tie nani yaa fuasangbanbiadi n bua ki bolini yi yeni.

Marki 13:22

Yaa tuonanda n yedi ke bi tie U Tienu n gandi yaaba leni bi saawalipua-faadanba baa fii ki yaa tiendi sinankeeninba leni li bonlidinkaala, hali ke bi yaa bi baa fidi, bi bi baa boandi U Tienu n gandi yaaba.

Jesu Tondiba Tuona 20:30

Ba yi siiga, bi nitianba baa ti fii ki golini mi mamoanma, ki bua ki dadi bi ŋoadikaaba bi yula po.

1 Timote 4:1

U Tienu Fuoma maadi bonŋanla ki yedi, ke mi juodima yogunu yaa nagini, bi nitianba baa ŋaa li dandanli Kilisiti nni, ki tuo ki ŋoadi i bilisinba yaa boandi leni mu cicibiadimu yaa bangima.

2 Pieri 2:1

Nani bi saawalipua-faadanba n den ye Isidayeli yaaba siiga maama, bi bangi-faadanba moko baa yaa ye yi siiga yene. Bi baa boandi ki kuani mi bangifaama yaama n bia yi siiga. Laa bangima baa bolini bi niba. Bi baa yie ba o Diedo yua n den daa ki faabi ba, ki jaligi ki cuani bi yula po mi bolinma.

1 Jan 2:18

Yinba n bila, mi juodima yogunu nagini. Yi gbadi ke Kilisiti yieka baa cua. Ba moala Kilisiti yiekaaba ye boncianla. Lani yaa po, ti bani ke mi juodima yogunu nagini.

1 Jan 2:26

N den diani yi po mi naa maama, kelima yaaba n bua ki yaani yi po.

1 Jan 4:1

N buakaaba, yin da dugi mani yaaba n yedi ke bi pia U Tienu Fuoma Yua kuli po. Ama yin biigi ba ki bandi bi yaa pia U Tienu n puuni yaa Fuoma, kelima bi saawalipua-faadanba boncianla yadi yadi ŋanduna nni.

Jude 1:4

Bi nitianba wuoni ki kua yi siiga. I Diani den maadi laa niba buudi cuonu hali yogu. Bi tie U Tienu yiekaaba, yaaba n lebidi ti Tienu ŋanbili, ke lin tua mi conconma bonla. Bi go yie Jesu Kilisiti, wani yua bebe n tie ti Canbaa leni ti Diedo.

Mi Doagidima 19:20

O den cuo ki fuayanga, wani leni o saawalipua-faadaano, yua n den tiendi mi bancianma o nintuali, ki boandi yaaba n gaa ki fuayanga maalima, ki go gbaani ki kpiagi o nannanli. O den luni bani bonbilie kuli ku fantanbuogu nni ke bi fo, li cidibili n co naani.