Matie 23:3 - U TIENU MAAMA TILI 2013

³ Lanwani, yin yaa tuodi ki tiendi ban yedi yi yaala kuli. Ama yin da togidi bi bontienkaala, kelima bi maadi ki naa tiendi.

Gourmanchéma Bible

³ Lanwani yin yaa tuodi ki tiendi ban yedi yi yaala kuli. Ama yin da tuuni ki togidi bi bontienkaala, kelima bi maadi ki naa tiendi.

Matie 23:3 ပူးပေါင်းရင်းမြစ်များ

2 Bi Badiba Jama 30:12

U Tienu nuu den ye leni ba Juda diema nni, ki puni ba yantiayenli ke ban tieni o bado leni o koanbala ñoamabonli, nani wani o Diedo n den yedi maama.

Mi Ñama 18:23

A yaa tiendi yeni, ke U Tienu mo wangi a ŋan baa tieni yaala, a baa fidi bonla kuli. Bi niba ne mo baa pundi yin caa naani leni laafia.»

Matie 21:30

Laa joa den yedi o bijalielo mo yeni. Wani mo den guani ki yedi o: ‹N Daano, n baa gedi.› Ama waa den gedi.

Matie 23:2

«Li bali maama banda leni Farisieninba pia li bali ki bangi Musa n den soagini yaa bali maama.

Matie 23:4

Bi luo a tugikpiaga ki tungi bi niba, ki naa bua ki sii ba leni bi nubili.

Jesu Tondiba Tuona 5:29

Pieli leni o tondilieba den guani ki yedi ba: «Li tie tiladi tin tuo ki yaa tiendi U Tienu n yedi yaala, ki cie bi nisaaliba n yedi yaala.

LOMA YAABA 13:1

Nilo kuli n tuo mi diema bali danba n bili yaala, kelima bali kuli ki ye kaa ñani U Tienu kani. U Tienu n dini yaa bali danba n ye kuli.

Mi Tiadima 4:5

Diidi mani, n den bangi yi mi mabilikaama leni a ñoamabona, nani o Diedo n Tienu n den puogi nni maama, ke yin yaa kubi, ki go tiendi likuli bonŋanla, yin baa kua ki diedi yaa diema yeni niinni.

Mi Tiadima 5:27

Nagini ki cengi o Diedo ti Tienu n baa yedi yaala kuli. Li yaa puoli, amo baa guani ki waani ti, o Diedo ti Tienu n yedi ti yaala. Ti baa cengi ki go tieni la mo.›

2 Timote 3:5

Bi baa yaa pia U Tienu tuoma nannanli, ama bi nia yaala n tie li paalu. Ŋan foagidi leni laa nibuolu.

Titi 1:16

Bi tua ke bi bani U Tienu, ama bi nia o bi bontienkaala nni. Bi tie cancaginniba leni niyiekaaba, ki kan fidi ki tieni tuonŋanliba kuli.