Matie 22:24 - U TIENU MAAMA TILI 2013

²⁴ «Canbaa, Musa den yedi: ‹O nilo yaa kpe kaa pia biga, o waalo n taa o kpepuoli ki baa o kpelo po u buolu.›

Gourmanchéma Bible

²⁴ «Canbaa, Musa den yedi: ‹O nilo yaa kpe kaa pia biga, o waalo n taa o kpepuoli ki baa o kpelo po u buolu.›

Matie 22:24 ပူးပေါင်းရင်းမြစ်များ

Mi cilima 38:11

Lanwani, Juda den yedi o biyuaga Tamari, ŋan yaa ye a baadiegu nni, ki yaa tie kpepuoli hali n bijua Sela n yabidi. O den maadi yeni kelima o den jie ke Sela baa kpe nani o kpeliba n den kpe maama. Tamari den gedi ki kali o baadiegu nni.

Mi cilima 38:8

Lanwani, Juda den yedi Onani: «Taa a kpelo pua nani wan tie a koabianu yeni, ki maa a kpelo po a bila.»

Matie 22:16

Bi den soani o kani bi ŋoadikaaba leni o bado Herodi buakaaba, ke bi yedi o: «Canbaa, ti bani ke a tie moamoandaano, ki bangi bi niba U Tienu sanŋoadima leni i moamoani, ŋaa jie oba kuli, ŋaa gagidi oba kelima bi niba n nua ke o tie maama po.

Matie 22:25

To, ti siiga nni jabilele den ye ki taa baayendo. O bonkpelo den taa o pua ki kpe. Wan ki den baa buolu yeni, o waalo den taa o kpepuoli.

Matie 22:36

«Canbaa, li bali maama nni, mile n cie?»

Matie 7:21

Yaaba n tua nni: ‹O Diedo, o Diedo,› bikuli ka baa kua tanpoli diema nni, se yaaba n tiendi n Baa yua n ye tanpoli yaa yanbuama.

Marki 12:19

«Canbaa, Musa den diani ki bili ti po li bali maama nni, ki yedi ke o nilo kpelo yaa kpe ki ŋaa o pua kaa pia biga, wan taa o kpelo yeni pua ki baa o kpelo po u buolu.

Luki 20:28

«Canbaa, Musa den diani ki bili ti po li bali maama nni, ki yedi: ‹O nilo kpelo yaa kpe, ki pia pua kaa pia biga, wan taa o kpelo yeni pua ki baa o kpelo po u buolu.›

Luki 20:33

Lanwani, bi tinkpiba fiima yogunu, o pua yeni baa tua ŋme yaa yua yo? Bani jabilele yeni kuli, yendo yendo den taa o ke o tua o pua.»

Luki 6:46

Be n teni ke yi yi nni: ‹Li Miali Diedo U Tienu,› ki naa tiendi min yedi yaala?

Ruti 1:11

Noemi den yedi ba: «N bisiaba, lebidi mani. Be yaa po ke yi baa yaa ŋua nni? N kan go maa bonjala yaaba n baa ti fidi ki tua yi ciaba.

Ruti 3:13

Ŋan duani ne hali lan faa. Saala, o yaa sua ke o bua ki taa ŋa ki kubi a nani lan bili ke o pia u sanu ki taa ŋa maama, wan taa ŋa. O yàá bua mo, hali o Diedo yua n fo po, mini wani n baa taa ŋa ki kubi a. Duani hali lan faa.»

Ruti 4:5

Lanwani, Boasi den yedi: «A yaa daa Noemi kani u kuanu yaa daali, a go baa taa Ruti yua n tie Moabi yua, ke o calo yua n kpe yeni diegu n da bodi.»