Matie 22:13 - U TIENU MAAMA TILI 2013

¹³ O bado den yedi o naacenba: ‹Loli mani o taana leni o buadi, ki lu o niinpo li biigili nni, a bubula leni mi ñincegima n baa yaa ye naankani.› »

Gourmanchéma Bible

¹³ O bado den yedi o naacenba: ‹Loli mani o taana leni o buadi ki lu o niinpo li *biigili nni, a bubula leni mi ñincegima n baa ye naankani.› »

Matie 22:13 ပူးပေါင်းရင်းမြစ်များ

Pisomi 112:10

O nibiado yen le o o pali n yaa be, Wan yaa cegi o ñina ki kuodi. Bi nibiadiba suginma kuli baa bodi.

Pisomi 37:12

O nibiado pia a jagibiada o niteginka po, Ki cegini o ñina o po.

Esayi 52:1

Fundi mani, fundi mani, Yinba Siyon yaaba! Fii mani leni yi fidu yinba U dogagidiŋamu, Jerusalemi yaaba! Bobi mani yi tiaŋandi, Kelima a jifola leni yaaba N joagini kuli kan go kua yi kani.

Danieli 3:20

Lani, o den puogi o toatieba siiga yaaba n pia u fidu ki cie ke ban loli Sadiraki, Mesaki leni Abedi-Nego ki lu ba yaa buaga n yigidi ki tuoni yeni niinni.

Matie 12:29

O nilo baa fidi ki kua o gbanmandaano diegu nni lede ki fagi o piama, kaa kpa paadi o ki loli o? Li yaa puole ke o baa fidi ki kua o diegu nni ki fagi o piama.

Matie 13:30

Cedi mani likuli n yaa taa ki kpedi hali u jetaagu yogunu n pundi. Lanyogunu n baa yedi bi dipeba: Yin kpa ŋabi ti moabiaditi ki taani ki loli ban juu ti, ama yin taani ki kuodi ŋalikama wani n buali nni.› »

Matie 13:42

ki lu ba ku fantanbuogu mu nni, a bubula leni mi ñincegima n baa ye naankani.

Matie 13:50

ki lu bi nibiadiba ku fantanbuogu mu nni, a bubula leni mi ñincegima n baa yaa ye naankani.»

Matie 24:51

O baa teni ban pua o hali ki poagili o, ki gedini o, ki ban taani o leni palalie danba, a bubula leni mi ñincegima n baa yaa ye naankani.

Matie 25:30

Lu mani yaa naacemo n tie fanma yeni niinpo li biigili nni, a bubula leni mi ñincegima n baa yaa ye naankani.

Matie 8:12

Ama bi baa lu yaaba n bi baa yaa tie tanpoli diema yaaba yeni, niinpo li biigicianli nni, a bubula leni mi ñincegima n baa ye naankani.»

Luki 13:28

Lanyogunu yi yaa laa Abalahama, Isaaka, Jakob leni bi saawalipuaba kuli ke bi ye U Tienu diema nni, ke yinba wani nan ye niinpo, yi baa yaa buudi ki cegini yi ñina.

Jan n diani U Tienu Laabaaliŋamo maama 21:18

N waani a i moamoani, ŋan den tie jawaalo, a den yie ki ñagindi fini a ba a gbanñagidigu, ki caa ŋan bua naani. Ama a yaa podi, a baa tandi a nii nitoa n ñagini a po, ki gedini a ŋan kaa bua naani.»

Jesu Tondiba Tuona 21:11

O den taa Poli gbanñagidigu ki loli wani o ba yaa taana leni o nii kuli, ki yedi: «U Tienu Fuoma Yua yedi ke Jufinba baa loli ku gbanñagidigu na daano nanda yo Jerusalemi, ki teni o bi nilanba.»

Jesu Tondiba Tuona 7:54

Bi cancantieba taancianli yaaba n den gbadi Etienni maama yeni, bi pala den beni hali ke li kandi ke bi cegini bi ñina o po.

2 Tesaloniki 1:9

Bi buudi baa yaa tie yaa bolinma n ki pia gbenma. Bi baa paadi cain leni o Diedo nunga leni o kpiagidi paalu,

2 Pieri 2:17

Bi bangi-faadanba yeni tie nani yaa ñinbuna n kaa go pia ñima, ki go tie nani ku tafaaciangu n figi ki kaadi yaa tawala yeni. U Tienu n bili bi po yaa kaanu n tie li biigicianli.

2 Pieri 2:4

U Tienu naa den cedi yaa malekinba n den tieni ti tuonbiadi, ama o den luni ba li biigili yaa kuli nni, ban kubi ba naankani hali ti buudi daali.

Jude 1:13

Bi doagidi bi tuona ya n pia i fe, nani mi ñincianma ñinguona n lengidi ki lu ti ñinpunpudi li boanjaali po maama yeni. Bi go tie nani yaa ŋmabila n yaadi yeni. U Tienu bili bi po ke bi kaanu baa yaa ye li biigicianli nni, hali yaa yogunu kuli.

Jude 1:6

Yaa malekinba n naa den kubi ban pia yaa bali, ki ŋaa bi yekaanu, U Tienu kpaa ba yaa kpaadi n baa yaa ye hali yaa yogunu kuli, ki kubi ba li biigili nni, hali ti buudi dacianli n cua.

Mi Doagidima 21:27

Joagindiba kuli kan baa ki kua u niinni. Yua n tiendi ti cagindi leni yua n pua mi faama kan kua u niinni, kali yaaba yaa yela n diani li miali tili nni, lini yaali n tie ki Pebiga tili. Bani bebe n baa baa ki kua u niinni.