Matie 21:41 - U TIENU MAAMA TILI 2013

⁴¹ Bi den guani ki yedi o: «O baa bolini laa nibiadiba yaa bolinma n bia, ki go guuni u kuanu nitoaba, yaaba n baa yaa tendi o u kuanu bonluonkaala, li yogunu yaa pundi.»

Gourmanchéma Bible

⁴¹ Bi den goa ki yedi o: «O baa bolini laa nibiadiba yaa bolinma n bia, ki go guuni u kuanu nitoaba, yaaba n baa tendi o u kuanu bonluonkaala li yogunu yaa pundi.»

Matie 21:41 ပူးပေါင်းရင်းမြစ်များ

Pisomi 2:9

A baa mudi ba leni ti kudi gbiamu, A baa mudi ba yomi yomi, Nani o maado bobili yeni.»

Esayi 65:15

Yi baa kpe, N nigandikaaba n yaa taagi yi yela ki solini ki tua: ‹Li Miali Diedo U Tienu n teni ŋan kpe.› Ama o baa pa o naacenba wani yetoali.

Danieli 9:26

Laa binleleeda taalima piiluoba n milie yeni yaa pendi, bi baa kpa o nigagidika, ke oba kan gaa o. Yaa bado n baa ti cua toagola baa bolini u dogu yeni leni U Tienu kaangagidiŋamu. O bado yeni bolinma baa cua nani yaa ñingola n koadi yeni. Li bili ke mi bolinma baa yaa tiendi hali bu toabu juodima.

Sakari 12:12

Li paboanli baa yaa ye mi diema nni kuli. Buolu kuli niba baa paadi ki baa Bi kaanu ki biidi bi pala. Davidi puoliŋuani siiga, Bi jaba baa baa bi yaa kaanu, Bi puoba mo bi yaa yuu. Natan puoliŋuani siiga, Bi jaba baa baa bi yaa kaanu, Bi puoba mo bi yaa yuu.

Sakari 13:8

O go den yedi: «N baa boagidi n niba cagataa, Ki bolini cagalie. Cagiyenli bebe n baa sieni.

Matie 21:34

Li bonluonkaala n den beni yaa yogunu, o den soani o naacenba bi koaguudiba kani, ke ban gaa o kuanu bonbaakaala.

Matie 21:40

Yeni o koadaano yaa ti cua, o baa soani laa koaguudiba lede?»

Matie 21:43

Lani yaa po, n waani yi, bi baa gaa yi kani U Tienu diema, ki teni yaa nibuolu n baa yaa baadi mi po li bonluonkaala. [

Matie 3:12

O kubi o kaaligu o nuu nni. O baa ŋanbi o jalu cain, ki wodi ki kuodi mi bima li buali nni, ki nan sia mi fenma leni yaa mu n ki pia gbindima.»

Luki 20:16

O baa cua ki bolini laa koaguudiba, ki teni o kuanu nitoaba.» Ban den gbadi lani, bi den yedi: «U Tienu n da tuo line n tieni.»

Jesu Tondiba Tuona 15:7

Ban den nia bi siiga yeni, Pieli den fii ki yedi ba: «N kpiiba, yi bani ke li waagi leni U Tienu n den gandi nni yi siiga, ke min yaa wangi bi nilanba o Laabaaliŋamo, ke ban tuo ki daani.

Jesu Tondiba Tuona 18:6

Ama Jufinba n den nia Poli maama ki sugidi o, o den yoagi o tiadi ki yedi ba: «Yi soama n guani ki wuli yi yula po. Mii pia lienni tagiliba kuli. Dinla liiga, n baa caa ki wangi bi nilanbe o Laabaaliŋamo.»

Jesu Tondiba Tuona 28:28

Poli go den pugini ki yedi: «Lanwani, yin bandi ke U Tienu ji soani o tindima maama yeni bi nilanba po yo. Bani wani baa cengi.» [

Jesu Tondiba Tuona 28:8

Li den sua ke o baa dua ke o gbanandi beni, ke o go pia ki puŋaankaaga. Poli den gedi o kani ki maani o po o nii, ki jaandi ke o paagi.

1 Tesaloniki 2:16

Bi yiedi ti po ke tin da waani bi nilanba U Tienu Laabaaliŋamo ke wan faabi ba. Bi tieni yeni ke bi tuonbiadi n pundi ti bianu. Moala, U Tienu pabienli juodi ki cuo ba.

Hebilunba 12:25

Fangi mani yi yula, ki da yie ke yi kan cengi yua n maadi leni yi moala. Yaaba n den yie kaa cengi yua n soagindi ba U Tienu maama ŋanduna nni, naa den fidi ki sani ki cia. Lanwani, ti yaa yie kaa cengi yua n ye tanpoli po, laa pia tama ke ti kan fidi ki sani ki cia.

Hebilunba 2:3

Lanwani, ti yàá fangi laa faabicianma, o Diedo wani o ba n den kpa waani ti yaama, ti baa tieni lede ki sani ki cia o cuonu? Yaaba n den gbadi laa maama o Diedo ñoabu nni, mo den tieni ti po siedi ke mi tie moamoani.