Matie 21:34 - U TIENU MAAMA TILI 2013

³⁴ Li bonluonkaala n den beni yaa yogunu, o den soani o naacenba bi koaguudiba kani, ke ban gaa o kuanu bonbaakaala.

Gourmanchéma Bible

³⁴ Li bonluonkaala n den beni yaa yogunu, o den soani o naacenba bi koaguudiba kani, ke ban ga o kuanu bonbaakaala.

Matie 21:34 ပူးပေါင်းရင်းမြစ်များ

Esayi 5:4

N go baa fidi ki tieni be yo N duventiidi kuanu po, Ke n daa tieni la? Be yaa po yo ke n den sugini ke u baa luoni Yaa bonluonkaala n ŋani, Ke u fii ki loni n po bonyuogidi?

Jeremi 35:15

N den soani yi kani n naacenba bi saawalipuaba, ki lindi ki tuuni ba u yogunu kuli, ke ban yedi yi: «Yuakuli n pegidi ki ŋaa o sanbiadu, lebidi mani yi bontienkaala, da pia mani ŋantaadi leni tientoe, ki kpiagidi yi. Yaa ye mani, min puni yinba leni yi baanba yaa diema nni.» Ama yi naa cengi. Yi naa diadi yi tuba ki gaa n tundi.

Matie 21:35

Bi koaguudiba den cuo o naacenba ki pua yendo, ki kpa one, ki lugidi o taalo mo a tana.

Matie 21:38

Ama bi koaguudiba n den laa o bijua, bi den yedi biyaba: ‹One n tie o faajielo. Cedi tin kpa o mani ki diedi o faali.›

Matie 21:40

Yeni o koadaano yaa ti cua, o baa soani laa koaguudiba lede?»

Matie 21:41

Bi den guani ki yedi o: «O baa bolini laa nibiadiba yaa bolinma n bia, ki go guuni u kuanu nitoaba, yaaba n baa yaa tendi o u kuanu bonluonkaala, li yogunu yaa pundi.»

Matie 22:3

O den soani o naacenba ban yini wan den yini yaaba laa puocaajiema po, ama bi den yie baa cua.

Marki 12:1

Li yaa puoli, Jesu go den maadi leni ba, ki pua mi kpanjama. O den yedi: «O joa den ŋuu duven tiidi kuanu, ki kpaa li nagili ki lindi, ki gbiidi ku buogu ban baa yaa ŋanbidi duven naankani, ki go paani li janli i duventiidi siiga. Lani, o den guuni o kuanu bi koaguudiba, ki fii ki gedi u dogu.

Marki 12:7

Ama bi koaguudiba den yedi biyaba: ‹One n tie o faajielo, cedi tin kpa o mani, o faali baa tua ti yaa yaali.›

Marki 12:9

Lani, Jesu den buali: «O koadaano baa tieni lede? O baa guani ki cua ki bolini bi koaguudiba, ki teni o kuanu nitoaba.

Luki 20:9

Li yaa puoli, Jesu den pua bi niba mi naa kpanjama ki yedi: «O joa den ŋuu duven tiidi kuanu, ki guuni o kuanu bi koaguudiba ki fii ki gedi u dogu ki baa n waagi lipo.