Matie 21:1 - U TIENU MAAMA TILI 2013

¹ Jesu leni o ŋoadikaaba n den nagidi Jerusalemi, ki pundi Betifase dogu nni, ki kuu Olivie Tiidi juali, o den soani ŋoadikaabilie

Gourmanchéma Bible

¹ Jesu leni o ŋoadikaaba n den nagidi Jelusalema, ki pundi Betifaje dogu nni, ki kuu *Olifie Tiidi juali, o den soani ŋoadikaaba lie

Matie 21:1 ပူးပေါင်းရင်းမြစ်များ

Sakari 14:4

Lanyogunu, o baa sedi Olivie Tiidi juali po, Ki tiegi Jerusalemi dogu puoli. Li juali yeni baa pudi ki yagidi, Ki tiegi puoli leni nintuali, Ki ŋaa joaloanciangu siiga nni. Bonyagiyenli baa yaa ye Nujienu, line mo nuganu po.

Matie 20:34

Mi ninñima den cuo Jesu ke o sii bi nuni. Lanyogunu bi nuni go den nua, ke bi ŋoadi o.

Matie 21:2

ki yedi ba: «Suagi mani ki gedi yaa dobiga n ye yi liiga na. Yi yaa ban pundi yaa yogunu, yi baa le ke o ŋunñua luo ki se leni o biga. Yin lodi ki cuani ba n po na.

Matie 24:3

Jesu n den kaa Olivie Tiidi juali po, o ŋoadikaaba den cua bani bi bebe ki yedi o: «Waani ti laa bonla n baa ti cua yaa yogunu leni yaa sinankeene n baa waani ti a cuama leni ŋanduna juodima yogunu.»

Matie 26:30

Ban den yini Pisominba, bi den ñani ki gedi Olivie Tiidi juali po.

Marki 13:3

Jesu den kali Olivie Tiidi juali po ki tiegi U Tienu diegu. Pieli, Jaki, Jan leni Andre bebe n den ye leni o. Bi den buali o yaa buali n tie ne:

Marki 14:26

Ban den yini Pisominba, bi den ñani ki gedi Olivie Tiidi juali po.

Luki 21:37

Daali kuli Jesu den bangi bi niba U Tienu diegu nni, ñiagu mo kuli, o yen ña ki caa ki ban dua ki ye Olivie Tiidi juali po.

Luki 22:39

Jesu den ñani ki gedi Olivie Tiidi juali po nani wan yen maani ki caa maama. O ŋoadikaaba den yegi leni o.

Jan n diani U Tienu Laabaaliŋamo maama 8:1

Jesu den gedi Olivie Tiidi juali po.

Jesu Tondiba Tuona 1:12

Lani, bi den jiidi Olivie Tiidi juali, ki guani Jerusalemi dogu nni. Li juali yeni leni Jerusalemi banli tie kilo dajenbiyenga.