Matie 2:12 - U TIENU MAAMA TILI 2013

¹² U Tienu den waani ba ti dangidi nni, ke ban da guani Herodi kani. Lane bi den tagini santo ki kuni.

Gourmanchéma Bible

¹² U Tienu den waani ba ti dangidi nni ke ban da guani Elodo kani. Lane bi den tagini santo ki kuni bi denpo.

Matie 2:12 ပူးပေါင်းရင်းမြစ်များ

Mi cilima 31:24

Ama U Tienu den doagidi Arami yua Laban kani ti dangidi nni ku ñiagu, ki yedi o: «Fangi a yuli, ki da maadi Jakob po maamiba kuli.»

Mi Ñama 1:17

Ama bi madimaanba den fangi U Tienu, ki naa tieni Ejipiti bado n den waani ba yaala. Bi den cedi a bonjala kaa kpaani ba.

Danieli 2:19

Lani, li bondoaginkaala yeni den doagidi Danieli po ku ñiagu ti dangidi nni. O den jaandi ki kpiagi Tanpoli Tienu.

Matie 1:20

Wan den maliti yeni yaa yogunu, o Diedo maleki den doagidi o kani ti dangidi nni, ki yedi o: «Josefi, Davidi bijua, ŋan da jie ki taa Mariyama wan tua a pua, kelima wan punbi yaa biga, o punbi ga kelima U Tienu Fuoma Yua paalu po yo.

Matie 2:13

Ban den fii, o Diedo maleki den doagidi Josefi kani ti dangidi nni ki yedi o: «Fii ki taa ki biga leni o naa ki sani ki gedi Ejipiti. Yin ban yaa ye lanpo, hali min baa waani a yaa yogunu, kelima Herodi baa lingi ki biga, ki bua ki kpa o.»

Matie 2:19

Herodi n den kpe, o Diedo maleki den doagidi Josefi kani ti dangidi nni Ejipiti diema po,

Matie 2:22

O den jie lipo guanma, kelima o den gbadi ke Herodi bijua Akelayusi kali o baa gbandi po, ki tua Jude bado. Ama U Tienu den waani o ti dangidi nni, ke wan gedi Galile diema nni.

Matie 27:19

Wan da den li kaa o bujiali kaanu, o pua den soani u tondu o kani ki yedi o: «Ŋan da kua o naa niteginka maama nni, kelima yaa ñiagu n pendi na, n laa fala boncianla ti dangidi nni kelima o po.»

Luki 2:26

Li den sua ke U Tienu Fuoma Yua tuodi ki doagidi ki waani o ke o kan kpe kaa laa o Diedo n Gandi Yua.

Jesu Tondiba Tuona 10:22

Bi den yedi o: «Toatieba kobiga yudaano Korneyi n soani ti a kani. O tie niteginka, ki go fangi U Tienu. Jufinba buolu kuli tiendi o po yaa siedo n ŋani. U Tienu soani maleki o kani ki waani o ke wan yini a ŋan cua o denpo, wan gbadi ŋan baa yedi yaala.»

Jesu Tondiba Tuona 4:19

Pieli leni Jan den guani ki yedi ba: «Biigi mani ki le li yaa tiegi U Tienu po, ke tin tuo yi yaa maama ki cedi wani U Tienu yaama.

Jesu Tondiba Tuona 5:29

Pieli leni o tondilieba den guani ki yedi ba: «Li tie tiladi tin tuo ki yaa tiendi U Tienu n yedi yaala, ki cie bi nisaaliba n yedi yaala.

1 Korenti 3:19

Kelima ŋanduna na yaa yanfuoma tie yanluoma U Tienu po. Li diani yeni ki yedi: «O co bi yanfuodanba bi nunfanbu nni.»

Hebilunba 11:7

Li tie li dandanli yaa po ke Nowe den cengi U Tienu n den tuodi ki waani o ke yaala n baa tieni, ba ke bi daa den nua la. Li fangili yaa jeje den cuo o U Tienu po, ke o kpie ku ñinbiaciangu, ki baa gaa o deni yaaba miana. Wan den tieni yeni, o den buni ki cuo ŋanduna, ki den baa li moamoansaali, yaali n baadi kelima li dandanli yaa po.

Hebilunba 8:5

Ban tuuni i jaandi taanma tuonli yaali yeni, tie tanpoli bonmoanla nannanli leni li jinjingu. U Tienu den tuodi ki waani Musa lane, wan den baa sieni li gbandieli yaa yogunu, ki yedi o: «Ŋan fangi a yuli ki tieni likuli, lan yaa tie nani min waani a yaa nannanli li juali po yeni.»