Matie 18:7 - U TIENU MAAMA TILI 2013

⁷ Fala baa yaa ye leni ŋanduna yua n cuani li tingbali bonla. Li kan tuo ke li tingbali bonla kan yaa ye. Ama fala baa ye leni yaa nilo n cuani la.

Gourmanchéma Bible

⁷ Fala baa ye leni ŋanduna kelima li tingbali bonla yaa po. Kelima li kan tuo ke li tingbali bonla kan yaa ye. Ama fala baa ye leni yaa nilo n cuani la.

Matie 18:7 ပူးပေါင်းရင်းမြစ်များ

Mi cilima 13:7

Abalama yankpaaba leni Loti yankpaaba den koani leni biyaba. Lanyogunu, Kanana leni Perisiti yaaba n den ye mi diema nni.

2 Samueli 12:14

Ama yaa biga n mali yeni baa kpe, kelima ŋan tieni yaala yeni teni ke o Diedo yibalinba sugi o.»

Matie 16:23

Ama Jesu den jigidi ki yedi Pieli: «Ña n puoli, Sutaani, a tie n po tingbali bonla, kelima a yantiana naa tie U Tienu yaa ya, ama bi nisaaliba yaa yantiana.»

Matie 26:24

O Joa Bijua caa nani lan diani ki bili o po maama. Ama fala baa yaa ye leni yaa nilo n baa janbi o Joa Bijua. Li den baa yaa tu laa joa po bi yàá den mali o.»

Marki 13:7

Yi yaa ti gbadi ke bi maadi bu toabu maama, ki go maadi bu toabu laabaalo maama, yin da yagi mani yi yama. Laa bonla baa cua tiladi, ama li da kan tua mi juodima.

Luki 17:1

Jesu den yedi o ŋoadikaaba: «Laa pia ke yaala n baa teni bi niba ban yaa tiendi ti tuonbiadi kan yaa kpendi, ama fala baa ye leni yaa nilo n cuani la.

Jan n diani U Tienu Laabaaliŋamo maama 17:12

Min den ye leni ba, n den kubi ba kelima a yeli paalu po, ŋan puni nni yaa yeli yeni. N den kubi ba ke bi siiga ba yendo ki bodi, li yàá yua n den baa bodi yaa ka. Lani n tie i Diani n yedi yaala n tieni.

Jesu Tondiba Tuona 1:16

«N kpiiba, li den tie tiladi ke i Diani n kua, ke o U Tienu Fuoma Yua n den tuodi ki maadi yaala Davidi ñoabu nni n tieni. O den tuodi ki maadi Juda maama, wani yua n den ciani yaaba n cuo Jesu.

1 Korenti 11:19

kelima li tie tiladi mi paadima n yaa ye yi siiga, ke yaaba n se i moamoani nni n doagidi.

1 Timote 6:1

Yaaba n ye ti yonbidi lolima nni n yaa nua ke li pundi ban yaa jigindi bi canbaanba, ke bi niba n da sugi U Tienu yeli leni o bangima.

Titi 2:5

ki kubi bi yula, ki yaa pia yaa yantiali n ŋani, ki yaa tuuni bi diedi tuona bonŋanla, ki go yaa ŋanbidi bi niba po, ki miindi bi yula bi ciaba kani, ke oba kuli n da sugidi U Tienu maama.

Titi 2:8

Ŋan maadi yaa maama kuli n yaa ŋani, bi niba n kan fidi ki jaligi yaama. Lani n tie yibali n fiagi, ki da baa kuli, wan baa fidi ki maadi ti po yaa mabiadima.

Jude 1:4

Bi nitianba wuoni ki kua yi siiga. I Diani den maadi laa niba buudi cuonu hali yogu. Bi tie U Tienu yiekaaba, yaaba n lebidi ti Tienu ŋanbili, ke lin tua mi conconma bonla. Bi go yie Jesu Kilisiti, wani yua bebe n tie ti Canbaa leni ti Diedo.

1 Samueli 2:17

Laa jawaaba den kuandi bi yula ti tuonbiaciandi nni o Diedo kani, kelima bi den fali ban padi yaa pada o Diedo po.