Matie 18:13 - U TIENU MAAMA TILI 2013

¹³ N waani yi i moamoani, o yaa laa o kuli, o baa mangi o pali boncianla kelima laa pia po, ki cie yaa piiyia n peyiadi n ki yaadi yeni.

Gourmanchéma Bible

¹³ N waani yi i moamoani, o yaa laa o kuli, o baa mangi o pali boncianla kelima laa pia po ki cie yaa piiyia n peyiadi n ki yaadi yeni.

Matie 18:13 ပူးပေါင်းရင်းမြစ်များ

Pisomi 147:11

Wani o Diedo mangidi o pali Yaaba n fangi o po, Leni yaaba n dugi o ŋanbili po.

Esayi 53:11

Wan laa yaa fala li po yeni, O baa le li ñuadi, ban bandi o. Wani n naacemo yua n tiegi yeni, Baa saa niba boncianla po i moamoani, Ki taa bi tagili ki tugi.

Esayi 62:5

Nani o jawaalo n taa li puowandiali maama, A bijaba baa taa ŋa yene. Nani o jafaano n mangidi o togibaa pali maama, A baa mangi a Tienu pali yene.

Esekieli 34:4

Yi naa den paagi yaa pe n tadi yaa gbani. Yii den buu yaaba n yia, ki naa den tieni u ñoagu ki fini li cabili yua yaa taali n kua. Yi naa den guani yaaba n yaadi, ki naa lingi yaaba n tadi mo. Ama yi den diedi ba leni u paalu leni ki mabinga.

Mise 7:18

Ŋme n naani leni fini U Tienu, Fini yua n duundi ki ñandi ti tuonbiadi, Ki puuni sugili a niba yiema po. Ŋaa kubi a pabienli yogunu kuli a niba yaaba n sieni po, Kelima mi ninñingbadima mani a po.

Sofoni 3:17

O Diedo yi Tienu ye yi siiga, Ki tie yaa jakoando n faabidi. O baa teni yin tua o pamanli bonla. O buama yi po teni ke o baa pa yi mi yepanma. O yiini ki kpaani leni li pamanli kelima yi po,

Matie 18:12

Yi tama be? O joa yaa pia pekobiga, ke bi siiga yendo n yaadi, o baa tieni lede? Waa baa ŋaa yaa piiyia n peyiadi n sieni bi kpaakaanu a juana kani, ki gedi ki ban lingi yua n yaadi yeni?

Matie 18:14

Li tie yeni leni yi Baa yua n ye tanpoli, waa bua ke a bonwaala na siiga, ba yendo n yaadi.

1 Korenti 13:6

Maa mangidi mi pali Leni yaala n ki tiegi, Ama mi mangidi mi pali Leni i moamoani.

Jaki 2:13

U Tienu yaa jia ti buudi yaa yogunu, o kan gbadi mi ninñima yua n kaa den gbadi o lieba po mi ninñima. Mi ninñingbadima paani ti buudi.