Matie 16:16 - U TIENU MAAMA TILI 2013

¹⁶ Simon Pieli den guani ki yedi o: «A tie U Tienu n Gandi Yua, U Tienu yua n fo yaa Bijua.»

Gourmanchéma Bible

¹⁶ Simono Pieli den goa ki yedi o: «A tie *U Tienu n Gandi Yua, U Tienu yua n fo yaa Bijua.»

Matie 16:16 ပူးပေါင်းရင်းမြစ်များ

Pisomi 2:7

N baa kpaani o Diedo ñoamabonli. O yedi nni: «A tie n bijua. Mini n mali a dinla.

Pisomi 42:2

Nani ki boaliga n fuo Ki dogi mi ñima po maama, Mini moko fuo ki dogi a po yene, N Tienu.

Danieli 6:26

Li yaa puoli, o bado Dariyusi den soani i nibuoli, mi diema, i mabuoli leni yaaba niba n ye ŋanduna nni kuli kani, ki yedi ba: «Mi yanduanma n yaa pugidi yi po.

Matie 1:16

Jakob n maa Josefi, Mariyama yua n den mali Jesu Kilisiti calo.

Matie 14:33

Yaaba n den ye ku ñinbiagu nni den cua ki labini, ki kpiagi Jesu ki yedi: «A tie U Tienu Bijua moamoane!»

Matie 16:15

O den guani ki buali: «Yimo te, yimo nan yedi ke n tie ŋme yo?»

Matie 26:63

Jesu den ŋmini suo. Bi kopadicianba bado den yedi: «Hali U Tienu yua n fo po, waani ti a yaa tie U Tienu n Gandi Yua, U Tienu Bijua.»

Matie 27:54

Minteela kobiga yudaano leni yaaba n den taani leni o ki ji Jesu kuli n den laa mi tindigibima leni yaala n tieni kuli, ti jawaandi den cuo ba boncianla, ke bi yedi: «Moamoani, one den tie U Tienu Bijua yo.»

Matie 4:3

Mi tulinma daano yeni den cua o kani ki yedi o: «A yaa tie U Tienu Bijua ŋan teni a tana na n tua jiema.»

Marki 14:61

Jesu den ŋmini suo, waa guani liba kuli. Bi kopadicianba bado go den buali o: «A tie U Tienu n Gandi Yua, U Tienu yua n pia ti kpiagidi yaa Bijua bi?»

Luki 2:11

Dinla, Davidi dogu nni, bi mali yi po o Candaano, yua n tie Kilisiti, o Diedo.

Jan n diani U Tienu Laabaaliŋamo maama 1:49

Natanayeli den guani ki yedi o: «Rabi, fini n tie U Tienu Bijua, fini n tie Isidayeli yaaba Bado.»

Jan n diani U Tienu Laabaaliŋamo maama 11:27

Marti den yedi o: «Mm, n Daano, n daani ke a tie U Tienu n Gandi Yua, U Tienu Bijua, yua n den baa cua ŋanduna nni.»

Jan n diani U Tienu Laabaaliŋamo maama 20:31

Ama yaama n tie ne diani ke yin daani ke Jesu tie U Tienu n Gandi Yua, U Tienu Bijua, ke yi yaa tuo ki daani o, yin baa li miali o yeli nni.

Jan n diani U Tienu Laabaaliŋamo maama 6:57

Baa yua n soani nni fo, nmoko fo, kelima wani yaa po. Li go tie yeni leni yua n di nni, omo baa yaa fo, kelima n yaa po.

Jan n diani U Tienu Laabaaliŋamo maama 6:68

Simon Pieli den guani ki yedi o: «N Daano, ti baa gedi ŋme yaa kani? Fini n pia yaa miali n kan gbeni yaa maama.

Jan n diani U Tienu Laabaaliŋamo maama 6:69

Tinba wani daani ki bani cain ke fini n tie U Tienu Nigagidika.»

Jesu Tondiba Tuona 14:15

«Be yaa po ke yi tiendi yeni? Timoko tie nisaaliba nani yinba yeni. Ti wangi yi o Laabaaliŋamo ke yin lebidi ki ŋaa yaa jaanma n tie fanma fanma na, ki ŋoadi U Tienu yua n fo, wani yua n den tagi tanpoli leni ki tinga, mi ñincianma leni yaala n ye lienni kuli.

Jesu Tondiba Tuona 8:36

Ban den ŋua bi sanu ki suagi liiga, bi den pundi mi ñima kani. Ki moagiliga den yedi: «Diidi mi ñima. Be n yie n po ke n kan gaa mi batisima?» [

Jesu Tondiba Tuona 8:37

Filipi den guani ki yedi o: «A yaa daani leni a pali kuli, li baa fidi.» Ki moagiliga den guani ki yedi: «N daani ke Jesu Kilisiti tie U Tienu Bijua.»]

Jesu Tondiba Tuona 9:20

Lanyogunu, o den cili ki caa li bali maama bangima diena nni, ki wangi Jesu maama, ki tua ke o tie U Tienu Bijua.

LOMA YAABA 1:4

Ama li doagidi leni U Tienu Fuoma Yua paalu po, ke o tie U Tienu Bijua, kelima o fiima bi tinkpiba siiga yaa po. Wani n tie ti Diedo Jesu Kilisiti.

2 Korenti 1:19

Jesu Kilisiti, U Tienu Bijua, mini, Silasi leni Timote n den wangi yi yua yaa maama, naa tie: «Mm,» ki go tie: «Aa-a.» «Mm» bebe n ye o kani.

2 Korenti 3:3

Li doagidi bi niba kuli po, ke yi tie Kilisiti tili, tin soani yaali. Laa tili naa den diani leni tidianñima ka, ama leni U Tienu yua n fo yaa Fuoma. Lii den diani a tana yaa walimu po ka, ama ti gbanandi yaa walimu po, lani n tie yi pala nni.

2 Korenti 6:16

U Tienu diegu pia be yaa ŋantaadi leni i buli? Tinba mo n tie U Tienu yua n fo dieli, nani U Tienu wani o ba n yedi maama: «N baa yaa ye leni ba ki cuoni bi siiga ki tie bi Tienu, Bimo baa yaa tie n niba.

Mi Tiadima 5:26

O laa nisaalo n kpa gbadi nani tinba yeni, ke U Tienu maadi u mu nni, ki go baa ki ye leni li miali?

1 Tesaloniki 1:9

I kaani kuli, bi togidi yin den gaa ti cangu maama leni yin den ŋaa i buli ŋoadima, ki tuo ki ŋoadi U Tienu yua n fo ki tie i moamoani maama.

1 Timote 3:15

Ama n yàá fidi ki cua tonma, n bua ŋan bandi ŋan baa yaa tiendi maama U Tienu diegu nni. Lani n tie U Tienu yua n fo Nitaanli, lini yaali n tie i moamoani benjielu leni i dasaali.

1 Timote 4:10

Ti tuuni ki moa kelima ti bili ti suginma U Tienu yua n fo kani, wani yua n tie bi niba kuli Candaano. Ama o tie yaaba n daani o po yo ki cie.

Hebilunba 10:31

Li tie yaa bonla n pia i jeje hali boncianla, ki baa U Tienu yua n fo nuu nni.

Hebilunba 12:22

Ama yi cua Siyon juali, lani n tie U Tienu yua n ye ki fo yaa dogu, yaa Jerusalemi n ye tanpoli kani, malekinba yaaba n yabi ki pundi a tuda tuda bam yaa kani.

Hebilunba 3:12

N kpiiba, fangi mani yi yula ke yi siiga niloba, n da pia yaa pali n bia, ki luo li dandanli, hali yaala ke o baa lebidi ki ŋaa U Tienu yua n fo.

Hebilunba 9:14

Lanwani li yaa tie yeni, laa pia kuli tama, ke Kilisiti yaa soama n baa ŋanbi ba ki cie. U Tienu Fuoma yaama n ye yaa yogunu kuli paalu po, wani Kilisiti den puni o yuli U Tienu, nani yaa padili n ki pia joagindi yeni. O soama yeni baa ŋuudi ki ŋanbi ti pala siedi leni yaa tuona n baa cuani mi kuuma, ke tin yaa tuuni U Tienu yua n ye ki fo po.

1 Jan 4:15

Yua n tuo ke Jesu tie U Tienu Bijua kuli, U Tienu ye o niinni, omoko ye U Tienu yaa niinni.

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.

1 Jan 5:5

Ŋme paani ŋanduna? Li tie yua n daani ke Jesu tie U Tienu Bijua.

Mi Doagidima 7:2

N go den laa malekitoa ke o yugi ki ñani u yienu n pudi naanpo. O den kubi U Tienu yua n fo yaa maalima, ki kpaani ki maadi leni bi malekinaadiba, yaaba n den baa li bali ki baa waani ki tinga leni mi ñincianma fala, ki yedi: