Matie 15:32 - U TIENU MAAMA TILI 2013

³² Jesu den yini o ŋoadikaaba ki yedi: «Mi ninñima cuo nni ku naa niligu po, kelima danataa ke bi ye n kani, baa go pia ban baa je yaala. Mii bua ki cabi ba leni mi koma, ban da ti gbali u sanu nni.»

Gourmanchéma Bible

³² Jesu den yini o ŋoadikaaba ki yedi: «Mi niñima cuo nni ku naa niligu po, kelima dana taa nna ke bi ye n kani, baa go pia ban baa je yaala. Mii bua ki cabi ba leni mi koma, ban da ti gbali u sanu nni.»

Matie 15:32 ပူးပေါင်းရင်းမြစ်များ

2 Bi Badiba 4:42

O nilo den ñani Baali-Salisa ki cua. O den cuani U Tienu nilo po o kpaangu bonluonkakpiala dupen, orje yaa dupen bonba piilie leni ti sianpandi o boagili nni. Elise den yedi: «Boagidi bi jaba ne ban je!»

Matie 12:40

Nani Jonasi n den tieni danataa leni ñiaditaa o janciamo tugu nni maama, o Joa Bijua moko baa tieni danataa leni ñiaditaa ki tinga nni yene.

Matie 14:13

Jesu n den gbadi laa laabaalo, o den kua ku ñinbiagu nni, ki piadi ki gedi bi niba n ki ye naani. Ku niligu n den bandi, ku den ñani i dogi nni ki cuoni ki ŋua o.

Matie 15:33

O ŋoadikaaba den yedi o: «Ti baa tieni lede li naa fuali nni, ki baa yaa jiema n baa guoni ku naa niligu kuli?»

Matie 20:34

Mi ninñima den cuo Jesu ke o sii bi nuni. Lanyogunu bi nuni go den nua, ke bi ŋoadi o.

Matie 27:63

ki yedi o: «Ti daano, ti tiadi ke laa boandi daano n da den fo yaa yogunu, o den yedi ke danataa yaa pendi, ke o baa fii bi tinkpiba siiga.

Matie 9:36

Wan den diidi ku niligu, mi ninñima den cuo o, kelima bi den coagi. Bi yama mo den yagi nani yaa pe n ki pia yankpaalo yeni.

Marki 9:22

Yogunu boncianla, ki yen lu o u mu nni, yaa ka mi ñima nni, ki bua ki bolini o. Ama a yaa baa fidi ki tieni bonliba, ŋan gbadi ti ninñima, ki faabi ti.»

Luki 7:13

O Diedo n den laa o naa, mi ninñima den cuo o, ke o yedi: «Da buudi.»

Jesu Tondiba Tuona 27:33

Lan den bua ki faa, Poli den mia bikuli ban je waamu, ki yedi ba: «Dinla n tie piiga n dananaa, ke yi guu leni fala, ki naa dini jiemiba kuli.

Hebilunba 4:15

Tii pia yaa kopadicianba bado n kan fidi ki gbadi ti ninñima ti tadingu nni ka. Bi den tulini o li bonla kuli nni nani tinba, ama waa den tieni tuonbiadi.