Matie 15:14 - U TIENU MAAMA TILI 2013

¹⁴ Cedi ba mani! Bi tie yaa juama n dia a juama. Juamo yaa dadi juamo mo, bani nibilie kuli n baa baa ku buogu nni.»

Gourmanchéma Bible

¹⁴ Cedi ba mani, bi tie yaa juama n dia a juama. Juamo yaa dadi juamo mo, bani bilie kuli n baa baa ku buogu nni.»

Matie 15:14 ပူးပေါင်းရင်းမြစ်များ

Esayi 31:3

Ejipiti yaaba tie nisaaliba, Baa cie yeni. Bi taami moko li tie taami bebe, Baa mibi lankani. O Diedo yaa tandi o nuu, Yua todi baa tuudi, Ban todi yua n baa ŋmadi ki baa, Bikuli baa taani ki bodi.

Esayi 42:19

Ŋme n joa, li yàá tie n naacemo yaa ka? Ŋme mo n womi nani n tondo, Min soani yua yeni? Ŋme n joa nani yua n baa mi yanduanma, Ki joa nani o Diedo naacemo yeni?

Esayi 56:10

Yaaba n guu Isidayeli kuli tie juama, Baa bani puu kuli. Bikuli tie sangbanmuula. Bi kan fidi ki gogi, Kelima bi faadi mi guama. Bi faadi ki waagi ki dua, Ki dangi boncianla.

Esayi 9:16

Lani n teni ke o Diedo kan fidi Ki mangi o pali bi jawaaba po, Bi ki gbadi mi ninñima bi kpepuona Leni bi kpienbila po, Kelima bikuli tie tuongunda danba Leni nibiadiba. Bi ñoana mo ki pia maŋanma. Ba leni lani kuli o Diedo pali daa kuugi bi po, O nuu mo baa ki tiane ki baa waani ba fala.

Jeremi 5:31

Lani n tie: Bi saawalipuaba pua mi saawalifaama, Bi kopadicianba lingi bi yucela ŋamu bebe, N niba mo sua ke lani n dagidi bi po. Yi baa tieni lede saala po?

Jeremi 6:15

Li bi pundi i fe n cuo ba, Kelima bi tuongunda po. Ama i fe naa cuo ba. Baa go bani fe n tie yaala. Lani n teni ke n yaa fii ki sedi bi po yaa yogunu, Bi baa ŋmadi ki baa leni yaaba n baali. N yaa fii ki sedi bi po yaa yogunu, bi baa yaa jadibi jadibi. O Diedo n yedi yeni.

Jeremi 8:12

Li bi pundi i fe n cuo ba, Ban tuuni yaa tuongunda po. Ama i fe naa cuo ba, Baa go bani fe n tie yaala, Lani n teni ke bi baa kpe nani biyaba yeni. Min baa ti fii ki sedi bi po yaa yogunu, Bi baa yaa tuudi ki baali. O Diedo n yedi yeni.

Ose Tili 4:17

Efrayimi buolu teni ke i buli ŋoadima loli ba, Lani yaa po, cedi ba mani.

Malaki 2:8

Ama yinba wani nan jadi ki ŋaa u sanu. Yi guli niba boncianla leni yi bangima. Yi miidi min den kuani yaa ŋantaado leni Levi buolu. Li Miali Diedo U Paaciamu Kuli Daano n yedi yeni.

Luki 6:39

Jesu den pua ba mi kpanjama moko ki yedi: «Naani o juamo baa fidi ki dadi o juamo bi? Bani nibilie yeni kuli kan baa ku buogu nni te?

Jan n diani U Tienu Laabaaliŋamo maama 9:39

Lani, Jesu den yedi: «N cua ŋanduna nni ke li bujiali n tieni bi niba siiga, ke a juama n noadi, yaaba n nua mo n juani.»

1 Timote 6:5

Li go teni ke yaaba yaa yama n biidi, bani yaaba n kaa go kubi i moamoani, nia leni biyaba yogunu kuli. Bi tama ke U Tienu tuoma tie ñuade.

2 Pieri 2:1

Nani bi saawalipua-faadanba n den ye Isidayeli yaaba siiga maama, bi bangi-faadanba moko baa yaa ye yi siiga yene. Bi baa boandi ki kuani mi bangifaama yaama n bia yi siiga. Laa bangima baa bolini bi niba. Bi baa yie ba o Diedo yua n den daa ki faabi ba, ki jaligi ki cuani bi yula po mi bolinma.

2 Pieri 2:17

Bi bangi-faadanba yeni tie nani yaa ñinbuna n kaa go pia ñima, ki go tie nani ku tafaaciangu n figi ki kaadi yaa tawala yeni. U Tienu n bili bi po yaa kaanu n tie li biigicianli.

Mi Doagidima 19:20

O den cuo ki fuayanga, wani leni o saawalipua-faadaano, yua n den tiendi mi bancianma o nintuali, ki boandi yaaba n gaa ki fuayanga maalima, ki go gbaani ki kpiagi o nannanli. O den luni bani bonbilie kuli ku fantanbuogu nni ke bi fo, li cidibili n co naani.

Mi Doagidima 22:15

Ama i sangbanli, u ñoagubiadu danba, mi conconma buoli kuli danba, bi nikpaba, i buli danba, yaaba n bua mi faama ki go pua ma kuli, baa yaa ye niinpo.