Matie 13:52 - U TIENU MAAMA TILI 2013

⁵² O den yedi ba: «Lanwani, li bali maama banda siiga yua n tuo ki gaa yaala n tie tanpoli diema bonla kuli, tie nani yaa diedaano n ñandi o ŋalimano nni li bonpanla leni li bonkpelila kuli.»

Gourmanchéma Bible

⁵² O den yedi ba: «Lanwani li *balimaama bangikaaba siiga yua n tuo ki ga yaala n tie tanpoli diema bonla kuli, tie nani yaa diedaano n ñandi o ŋalimano nni li bonpanla leni li bonkpelila kuli.»

Matie 13:52 ပူးပေါင်းရင်းမြစ်များ

Esidirasi 7:10

Li den tie yeni kelima Esidirasi den kuani o yama ki bangi o Diedo bali maama, ki go kubi ma ki tieni man yedi yaala, ki go bangi Isidayeli yaaba U Tienu bali maama yeni leni o ñoamabonbilikaana kuli.

Esidirasi 7:21

Mini o bado Aritakiselisesi n ñani li ñoamabonli, ke yaa ŋalimankubida n ye Efrati nintuali diema nni kuli n jaligi ki teni Esidirasi yua n tie o kopadiciamo leni U Tienu bali maama bando, ki bani tanpoli Tienu bali maama bonŋanla, wan mia ba yaala kuli.

Esidirasi 7:6

Esidirasi yeni den ñani Babilonni ki guani ki kpeni Jerusalemi. O den tie li bali maama bando, ki bani o Diedo Isidayeli Tienu n den teni Musa yaa bali maama hali bonŋanla. O bado den teni o wan mia o yaala kuli, kelima o Diedo o Tienu den ye leni o ki ŋanbi o po.

Mi Kpanjama 11:30

O niteginka bontienkaala tie li miali tibu. O yanfuodaano mo dadi bi niba ki kpendinni o kani.

Mi Kpanjama 15:7

Bi yanfuodanba ñoacuuna yadi mi banma, Ama bi yanluodanba kan fidi ki tieni la.

Mi Kpanjama 18:4

Bi nisaaliba maama tie Nani yaa ñima n ñoa yene, Mi yanfuoma ñiali mo tie Yaa kpenu n gbie ki duodi ki puubi.

I Yani 7:13

Li yaa yendi ti baa gedi duventiidi nni, Ki le i yaa tieni a ŋuada bonŋanla. Ke i puuma mo yaa cili ki yigidi, Ki go bandi grenadi mo yaa tiidi yaa puudi. Lankane n baa waani a n buama.

Matie 12:35

O niŋamo ñandi yaala n ŋani, o paŋanli nne. O nibiado mo ñandi yaala n bia, o pabiadili nne.

Matie 13:51

O den buali ba: «Naani yi gbadi laa bonla kuli bonŋanla?» Bi den guani ki yedi o: «Mm.»

Matie 13:53

Jesu n den pua laa kpanjama kuli ki gbeni, o den fii ki ñani lankani

Matie 23:34

Li tie lani yaa po ke n tuuni yi po bi saawalipuaba, bi yanfuodanba leni U Tienu Laabaaliŋamo bangikaaba. Yi baa kpa bine, ki joani bine a dapoanpoana po, ki pua bine i baliji li bali maama bangima diena nni. Yi baa yaa ŋua ki wangi bine fala ban kua yaa dogu nni kuli,

Matie 28:19

Lanwani, gedi mani ki tieni i nibuoli kuli nni bi ŋoadikaaba, ki batisi ba Baa, Bijua leni U Tienu Fuoma Yua yeli nni, ki bangi ba ban yaa kubi min den yedi yi yaala kuli.

Luki 11:49

Li tie lani yaa po ke U Tienu yanfuoma mani miba yedi: ‹N baa soani bi kani o saawalipuaba leni a tonda. Bi baa kpa bine ki faligi bine.›

Jan n diani U Tienu Laabaaliŋamo maama 13:34

N bili yi po yaa mabilikapanma n tie ne: Yin yaa bua mani yiyaba. Nani min bua yi maama, Yimoko n bua yiyaba yeni.

2 Korenti 6:10

Bi nua ti nani li pabiidili danba, ama ti pia li pamanli yogunu kuli. Bi nua ti nani a luoda, ama ti teni ke niba boncianla tua piada. Bi nua ti nani tii pia puu, ama ti pia li bonla kuli.

Efesa 3:4

Yi yaa cogi, yi baa fidi ki bandi min gaa maama ki bandi Kilisiti bondoaginkaala.

Efesa 3:8

Mini yua n tie puoli yua U Tienu nigagidiŋanba kuli siiga, n den baa laa ŋanbili, ki baa yaa wangi bi nilanba o Laabaaliŋamo, yua n doagidi Kilisiti n pia yaa ŋalimano n yabi hali ke li kandi maama.

Kolosi 1:7

Li tie nani ti buado leni ti tuonsoanlielo Epafrasi n den bangi yi maama. O tie yi po Kilisiti naacendugika,

Kolosi 3:16

Kilisiti maama leni man pia yaa ŋalimano kuli, n gbie yi pala nni. Yaa bangi mani ki go tundi yiyaba leni mi yanfuoma. Yaa yiini mani Pisomi, U Tienu yani leni yaa yani n doagidi mi Fuoma n bangi yi yaala, ki yiini ki pagi U Tienu leni i tuondi yi pala nni.

1 Timote 3:6

Wan da tie yua n daani ke li daa waagi, ke ti japaadi n da ti diedi o, wan ti baa Sutaani n den baa yaa cuonu nni.

Titi 1:9

Wan yaa kubi i moamoani maama, yaama n tie mi madugikaama nani ban den bangi o maama. Lani n tie wan fidi ki bangi mi bangiŋanma, ki yaa paagidi bi niba pala. O go baa fidi ki maadi ki guli yaaba n bua ki nia ma kuli.