Matie 11:7 - U TIENU MAAMA TILI 2013

⁷ Jesu den maadi ku niligu Jan maama ki yedi: «Yi den gedi mi fanpienma po ki baa n le be? Yua n tie nani u faalu n liebi yaa ñinmuagu bi?

Gourmanchéma Bible

⁷ Jesu den maadi ku niligu Jan maama ki yedi: «Yi den gedi mi fanpienma po ki baan le be? Yua n tie nani u faalu n liebi yaa ñinmuagu bi?

Matie 11:7 ပူးပေါင်းရင်းမြစ်များ

Mi cilima 49:4

A pia mi jama nani mi ñima yeni. Ama a kan go yaa tie liiga yua, Kelima a den doni a baa duanu po. Ŋan den doni yeni, a den joagini n duanu.

Matie 11:8

Yi den gedi ki baa n le be? Yua n bobi ti tiaŋandi bi? Yaaba n yie ti tiaŋandi wani ye bi badiba diedi nne.

Matie 12:20

O kan degidi ki dudi yaa ñinmuagu n diegi, O kan gbindi yaa fidisancabigu n ŋubidi, Hali wan baa n teni mi teginma n paadi.

Matie 21:25

Jan n den batisi bi niba yeni, o den baa li bali tanpoli po bi, bi bi nisaaliba kane?» Bi den juogi bi siiga ki yedi: «Ti yaa yedi ke o den baa li tanpoli po, o baa yedi ti: ‹Be yaa po ke yii den daani o maama?›

Matie 3:5

Jerusalemi dogu yaaba, Jude diema yaaba leni yaa dobila n baali Jurden kpenu yaaba kuli, den kpendi o kani.

Luki 8:18

Lani yaa po, fangi mani yi yula leni yin cengi maama, kelima bi baa pa ki pugini yua n pia, ama yua n ki pia wani, bi baa gaa o kani ba wan nua ke o pia yaala.»

Jan n diani U Tienu Laabaaliŋamo maama 1:38

Jesu n den jigidi ki sua ke bi ŋua o, o den buali ba: «Yi lingi be?» Bi den guani ki yedi o: «Rabi, lani n bua yedi: “Canbaa”, a denpo ye le?»

Jan n diani U Tienu Laabaaliŋamo maama 5:35

Wani Jan n den tie yaa fidisanga n co ki yieni. Yi den tuo ki mangi yi pala o yenma nni u yogunu waamu.

Efesa 4:14

Lanwani, ti kan go yaa tie nani a biwaala yeni, ki lengidi kelima bi niba nunfanbiadibu leni bi boandi n kpendinni yaa bangima po.

Jaki 1:6

Ama wan mia leni li dandanli, ki da maliti o yaa baa baa bi o yaa kan baa. Yua n maliti ke daalinba o kan baa, tie nani mi ñincianma ñinguona, u faalu n lengidi ki pengi ya yeni.