Matie 10:20 - U TIENU MAAMA TILI 2013

²⁰ Laa tie yinba ka baa maadi, yi Baa Fuoma, yaama n ye yi niinni, n baa maadi.

Gourmanchéma Bible

²⁰ Kelima laa tie yinba ka baa maadi, yi Baa Fuoma, yaama n ye yi niinni, n baa maadi.

Matie 10:20 ပူးပေါင်းရင်းမြစ်များ

2 Samueli 23:2

O Diedo U Tienu Fuoma maadi ke n soagini, O maama ye n ñoabu nni.

Mi Ñama 4:12

Lanwani gedi, N YE leni a, ŋan maadi yaa yogunu. N baa waani a ŋan baa maadi yaala.»

Matie 6:32

Laa bonla kuli tie yaaba n ki bani U Tienu n lingi yaale. Yi Baa yua n ye tanpoli bani ke laa bonla kuli tie yi po tiladi.

Marki 12:36

U Tienu Fuoma Yua den teni ke Davidi oba kadi ki yedi: ‹O Diedo den yedi n Diedo: Kali n jienu po, Hali min baa guli a yibalinba, Ŋan ŋmaa ba.›

Luki 11:13

Yinba yaaba n bia yaa bani ki pa yi bila li bonŋanla, lanwani laa pia kuli tama ke ti Baa yua n ye tanpoli baa pa yaaba n mia o o Fuoma Yua.»

Luki 12:12

kelima lanyogunu lige U Tienu Fuoma Yua baa bangi yi yin baa yedi yaala.»

Luki 21:15

Mini n ba n baa ti pa yin baa maadi leni yaa yanfuoma ke yi koanginkaaba siiga, ba yendo kan fidi ki nia ki yie ma.

Jesu Tondiba Tuona 13:9

Lani, Soli, ban go yi yua Poli, yua n gbie leni U Tienu Fuoma Yua, den noanli o lingido yeni

Jesu Tondiba Tuona 2:4

Bikuli den gbie leni U Tienu Fuoma Yua ki cili ki maadi mabuotoe nni nani mi Fuoma n puni ba ban maadi maama.

Jesu Tondiba Tuona 28:25

Ban den ña o kani ki nia leni biyaba, Poli den maadi mayenma ki pugini ki yedi: «U Tienu Fuoma Yua den pia moamoani, wan den teni ke o saawalipualo Esayi maadi leni yi yaajanba yaa maama ki yedi:

Jesu Tondiba Tuona 4:8

Lani, U Tienu Fuoma Yua den gbieni Pieli ke o yedi ba:

Jesu Tondiba Tuona 6:10

U Tienu Fuoma Yua den puni Etienni mi yanfuoma ke o maadi, ke bi kan den fidi ki nia leni o.

2 Korenti 13:3

Yi lingi yaala n doagidi ke Kilisiti maadi n ñoabu nni. Bandi mani ke wani Kilisiti naa tie tadimo yi po, ama o ye yi siiga leni u paalu.

1 Tesaloniki 2:13

Li tie lani yaa po ke yogunu kuli ti go tuondi U Tienu kelima yin den gaa tin den wangi yi U Tienu maama yaama. Yii den gaa ma nani mi tie bi nisaaliba maama ka. Ama yi den gaa ma nani man tie maama i moamoani. Lani n tie U Tienu maama yaama n tuuni yinba yaaba n tuo ki daani siiga.

1 Pieri 1:12

U Tienu den doagidi ki waani ba ke ban soagindi yaa maama yeni, naa tie bani bi ba po ka, ama yinba yaa po. Moala yi gbadi laa bonla maama yaaba n wangi yi o Laabaaliŋamo kani. Bi den baa o U Tienu Fuoma Yua paalu, U Tienu n soani yua ke o ñani tanpoli po ki cua ŋanduna nni, ki wangi yi la. Ba malekinba bua hali boncianla ki diegi ki bandi laa bonla n tie yaala.

2 Pieri 1:21

kelima saawali maamiba kuli ki den tieni o nisaalo yanbuama po. Ama, U Tienu Fuoma Yua n den tudi ba ke bi maadi U Tienu n yedi yaala.