Marki 9:32 - U TIENU MAAMA TILI 2013

³² Bi ŋoadikaaba naa den bandi mi maama yeni fuuli, ama bi den jie kaa buali o lipo liba.

Gourmanchéma Bible

³² Bi ŋoadikaaba naa den bandi mi maama yeni fuuli, ama bi den jie kaa buali o lipo liba.

Marki 9:32 ပူးပေါင်းရင်းမြစ်များ

Marki 16:14

Li yaa puoli, Jesu go den doagidi o yuli bi piiga n niyendiba po, ban di yaa yogunu. O den jaligi ba bi dandanluoma leni bi pajuaga kuli po, kelima baa daani yaaba n laa o, ki waani ke o fii bi tinkpiba siiga maama.

Marki 7:18

O den yedi ba: «Yimoko, yii pia yanfuoma yo? Yii bani ke puu kuli ki ye niinpo ki baa kua o nilo niinni, ki fidi ki joagini o?

Marki 8:33

Ama Jesu den jigidi ki diidi yaa ŋoadikaaba n sieni, ki funi leni Pieli ki yedi: «Ña n puoli, Sutaani, kelima a yantiana naa tie U Tienu ya, ama bi nisaaliba yaa yantiana.»

Marki 9:10

Bi den tieni wan yedi yaala. Ama bi den buali biyaba: «Bi tinkpiba fiima bua ki yedi be yo?»

Luki 18:34

Bi ŋoadikaaba ki den gaa liba kuli laa maama nni. O maama yeni den boani ba. Baa den gaa Jesu n maadi yaala n bua ki yedi yaala.

Luki 2:50

Ama baa den gaa wan yedi ba yaala.

Luki 24:45

Lanwani, o den libidi bi yantiali ke ban fidi ki gbadi i Diani n yedi yaala.

Luki 9:45

Ama bi ŋoadikaaba ki den gaa laa maama n bua ki yedi yaala. Li den duagi bi po ke ban da gaa ma. Bi den jie, baa buali Jesu li po.

Jan n diani U Tienu Laabaaliŋamo maama 12:16

Jesu ŋoadikaaba naa den cili ki faami yaala n tieni yeni po. Ama Jesu n den baa ti kpiagidi yaa yogunu, bi den tiadi ke laa bonla kuli den diani ki maadi o po. Lanwani, bi den sua ke man den yedi o po yaala den kua.

Jan n diani U Tienu Laabaaliŋamo maama 16:19

Jesu den bandi ke bi bua ki buali o, ke o yedi ba: «Min yedi yi ke li yaa yeni waamu yi kan go le nni, ama li yaa go pugini waamu yi go baa le nni yeni, yi buali yiyaba laa maama n bua ki yedi yaala.

Jan n diani U Tienu Laabaaliŋamo maama 4:27

Lanyogunu, o ŋoadikaaba den guani ki cua. Li den paki ba leni wan boe leni o pua yeni, ama oba ki den buali: «A bua be?» Yaa ka, «Be yaa po ke a maadi leni o?»