Marki 9:25 - U TIENU MAAMA TILI 2013

²⁵ Jesu n den laa ke ku niligu tiini ki taagi bi kani, o den funi leni ki cicibiadiga, ki yedi ga: «Fini ki cicibiadiga, yaaga n muu ki go womi na, n yedi a: ‹Ña ki biga na niinni, ki da go kua abada.› »

Gourmanchéma Bible

²⁵ Jesu n den laa ke ku niligu tiini ki taagi bikani, o den funi leni ki cicibiadiga, ki yedi ga: «Fini ki cicibiadiga, yaaga n muu ki go womi na, n yedi a: ‹Ña ki biga na niinni ki da go kua hali abada.› »

Marki 9:25 ပူးပေါင်းရင်းမြစ်များ

Sakari 3:2

Maleki yeni den yedi Sutaani: «O Diedo n yie a po! O Diedo, wani yua n gandi Jerusalemi yeni, n yie a po! Naani Josue ki tie nani ban kuudi ki ñani yaa mudatali u mu nni yeni ka?»

Matie 12:22

Lani n pendi, bi niba den cuani Jesu kani yaa cicibiadiga daano n tie juamo ki go tie muulo. Jesu den paagi o, ke o muulo yeni maadi ki go nua.

Matie 17:18

Jesu den funi leni ki cicibiadiga, ke ki ñani ki biga kani, ke o paagi lanyogunu.

Marki 9:15

Ku niligu kuli n den laa Jesu, li den paki ba. Bi den tiini ki kpendi ki fuondi o.

Marki 9:24

Lanyogunu ki biga baa den kpaani ki yedi: «N daani! Faabi nni leni n dandanluoma!»

Marki 9:26

Ki cicibiadiga den tiani, ki digibi ki biga boncianla, ki ñani ki niinni ki ŋaa ga. Ki biga den tua nani ki kpe yeni, hali ke bi nitianba den tua ke ki kpe.

Luki 11:14

Jesu den deli ki baa ñani o nilo niinni yaa cicibiadiga n teni ke o tie muulo. Ki cicibiadiga yeni n ñani yaa yogunu, o muulo den maadi ke li pakili cuo ku niligu.

Luki 4:35

Jesu den funi leni ga, ki yedi: «Suoni ki ña o joa ne niinni.» Ki cicibiadiga den guli o joa yeni li nitaanli siiga ki ñani o niinni kaa tieni o bonbiadiliba kuli.

Luki 4:41

Mu cicibiadimu moko den ñani bi niba boncianla niinni ki tangi ki tua: «A tie U Tienu Bijua.» Ama Jesu den fu leni mu, kaa tuodi ke mu maadi, kelima mu den bani ke o tie U Tienu n Gandi Yua.

Luki 8:29

O den yedi yeni kelima Jesu den yedi ki cicibiadiga n ña o niinni, kani yaaga n den diedi o ke li waagi yeni. Bi den luo o i kuseseli ki kpaagi o ti kpaadi, ki kpaa o, ama o yen cenli li bonlolikaala ke ki cicibiadiga caani o li fuali po.

Luki 9:42

Ki biga n den nagini Jesu kani yaa yogunu, ki cicibiadiga den guli o ki go digini o leni u paalu. Jesu den funi leni ga, ki paagi ki biga, ki teni o o baa.

Jesu Tondiba Tuona 16:18

O den tiendi yeni dana boncianla ke li yagi Poli yama boncianla hali ke o den ti jigidi ki maadi leni ki cicibiadiga ki yedi: «Jesu Kilisiti yeli nni, n yedi a, ŋan ña o niinni ki ŋaa o.» Lanyogunu liga ki den ñani ki ŋaa o.

Jude 1:9

Lanwani, ba malekinba yudaano Miseli n den nia leni Sutaani Musa gbanandi po yaa yogunu, waa den tuo ki buni o buudi leni sugidi. Ama o den yedi o: «O Diedo n cuo ŋa.»