Marki 6:14 - U TIENU MAAMA TILI 2013

¹⁴ O bado Herodi den gbadi ke bi maadi Jesu maama, kelima o yeli den ñani boncianla. Bi nitianba den tua: «Jan Batisi n guani ki fii bi tinkpiba siiga. Lani n teni ke o tuuni leni u naa paalu ki tiendi mi bancianma yeni.»

Gourmanchéma Bible

¹⁴ O bado *Elodo den gbadi ke bi maadi Jesu maama kelima o yeli den ñani boncianla. Bi nitianba den tua, «Jan Batisi n goa ki fii bi tinkpiba siiga. Lani n teni ke o tuuni leni u naa paaciamu ki tiendi mi bancianma yeni.»

Marki 6:14 ပူးပေါင်းရင်းမြစ်များ

2 Bi Badiba Jama 26:15

O den teni ke bi tagi yaa jatiadi n baa yaa toa i piemi, ki go yaa lugidi a tankudigbenga. Bi den sieni ti jatiadi yeni, Jerusalemi diefoaga po leni u bilinu logidiga po. Osiasi yeli den ñani ki gedi hali foagima, kelima U Tienu den todi o hali bonŋanla ke o baa u paalu.

2 Bi Badiba Jama 26:8

Mayona yaaba den pa Osiasi li lubili. Osiasi den baa u paalu hali boncianla, ke o yeli mo den ñani ki pundi Ejipiti tinbiani.

Matie 9:31

Ama bi den ñani ki kpaani o yeli laa diema nni kuli.

Marki 1:28

Lanyogunu o yeli den ñani Galile diema nni kuli.

Marki 1:45

Ama o joa yeni den gedi ki ban goadi ki wangi Jesu n tieni o po yaala kuli, hali ke li teni ke Jesu ki go den fidi ki kua doguba niinni, ke bi niba bani. O den se li fuali nni ke bi niba ña i kaani kuli ki kpendi o kani.

Marki 8:28

Bi den guani ki yedi o: «Bi tianba tua ke a tie Jan Batisi, bine ke a tie Eli, bine mo ke a tie bi saawalipuaba siiga nni yendo.»

Luki 13:31

Lanyogunu, Farisieninba bi tianba den cua o kani ki yedi o: «Ña ne ki gedi poto, kelima Herodi bua ki kpa ŋa.»

Luki 3:1

Loma yaaba badiciamo Tibeli Sesari bali piiga n binmuuli binli, Ponsi Pilati den tie Jude diema guveneeri, Herodi den die Galile diema, o waalo Filipi n yaa die Itule leni Takonita diema, Lisaniasi mo n yaa die Abileni diema.

Luki 7:17

Jesu n den tieni yaala yeni kuli yaa maama den yadi Jude nni kuli leni yaa tinmu n lindi kuli.

Luki 9:19

Bi den guani ki yedi o: «Boncianla tua ke a tie Jan Batisi, bine Eli, bine mo ke bi saawalipuaba siiga nni yendo n fii bi tinkpiba siiga.»

1 Tesaloniki 1:8

O Diedo maama naa den yadi yi kani Maseduani leni Akayi po bebe ka, ama yin pia yaa dandanli U Tienu po den yadi i kaani kuli, hali ke laa go tie tiladi tin maadi li po.

Hebilunba 2:4

U Tienu moko den ñii bi siedi leni sinankeeninba, li bonlidinkaala, yaa bancianma buoli n yabi leni U Tienu Fuoma Yua paabu, nani wan bua maama.