Marki 4:20 - U TIENU MAAMA TILI 2013

²⁰ Bi nitianba mo tie nani yaa bonbii n baa ki tinŋanga nni yeni. Bani n tie yaaba n gbadi U Tienu maama, ki gaa ma ki luoni. Bi nitianba loni bonbiyenbu piitaa taa, bi tianba piiluoba luoba, bi tianba mo kobiga kobiga.»

Gourmanchéma Bible

²⁰ Bi nitianba mo tie nani yaa bonbi n baa ki tinŋanga nni yeni. Bani n tie yaaba n gba mi maama, ki ga ma ki luoni. Bi nitianba luoni bonbiyenbu piitaa taa, bi tianba piiluoba luoba, bi tianba mo kobiga kobiga.»

Marki 4:20 ပူးပေါင်းရင်းမြစ်များ

Mi cilima 26:12

Isaaka den coagi o kuanu laa diema nni. Laa binli o kuani den loni ke o baa hali taalima kobiga, kelima o Diedo den seligi o.

Matie 13:23

Yii n den baa ki tinŋanga nni mo, tie yua n gbadi U Tienu maama ki gaa ma. O luoni li bonluonkaala, bonbiyenbu loni kobiga, bune piiluoba, bune mo piitaa.»

Matie 13:8

I tiami mo den baa ki tinŋanga nni. I den loni, bonbiyenbu kobiga kobiga, i tiami piiluoba luoba, i tiami mo piitaa taa.

Marki 4:8

I tiami mo den baa ki tinŋanga nni. Yi den pudi ki kpedi ki pugidi, ki loni. I tiami den loni bonbiyenbu piitaa taa, i tiami piiluoba luoba, i tiami mo kobiga kobiga.»

Luki 8:15

Yaa bonbii n baa ki tinŋanga nni mo tie yaaba n gbadi U Tienu maama, ki gaa ma yaa pala n tiegi ki ŋani nni, ki kpaagi mi po ki kubi ma bonŋanla, ki juuni ki ban loni li bonluonkaala.

Jan n diani U Tienu Laabaaliŋamo maama 15:16

Laa tie ke yinba ka den gandi nni. Ama mini n den gandi yi, ki go gagidi yi, ke yin gedi ki yaa luoni li bonluonkaala, ke yi bonluonkaala mo n yaa ye. Lanwani, Baa baa pa yi yin mia o yaala kuli, kelima n yeli po.

Jan n diani U Tienu Laabaaliŋamo maama 15:2

Yaa benu n tuugi leni nni ki naa luoni kuli, o pedi u. Yaa benu n luoni mo kuli, o kpendi ki ŋanbidi u, wun yaa luoni ki pugidi.

LOMA YAABA 7:4

N kpiiba, li tie yene leni yinba moko. Yi kpe yaala n tie li bali maama po, kelima yi taani leni Kilisiti o gbanandi nni. Moala nitoa n ji die yi, lani n tie Kilisiti. U Tienu den fiini wane bi tinkpiba siiga, ke tin yaa luoni li bonluonkaala U Tienu po.

Filipi 1:11

Yeni, yi baa yaa tuuni mi teginma tuona, ya n ñani Jesu Kilisiti kani, lan tua ti kpiagidi leni ti pagidi U Tienu po.

Kolosi 1:10

Yeni, yi tagu n yaa tie nani lan dagidi o Diedo po maama, ke yin yaa tiendi yaala n mani o po yogunu kuli. Yin yaa tuuni a tuonŋama buoli kuli, ki kpedi ki suagi liiga U Tienu bandima nni.

1 Tesaloniki 4:1

Ti kpiiba, ti majuodikaama tie mine. Ti den bangi yi yi tagi n baa yaa tie maama ki yaa mani U Tienu po. Moamoani yi tiendi yeni. Moala ti mia yi ki go tigini yi kelima o Diedo Jesu po, ke yin go yaa tiendi yeni ki pugidi.

2 Pieri 1:8

Laa bonŋanla yaa ye yi niinni ki pugidi, li baa teni yin yaa tuuni, ki go teni yin yaa kpedi ti Diedo Jesu Kilisiti yaa bandima nni ki pugidi.