Marki 4:19 - U TIENU MAAMA TILI 2013

¹⁹ ama mi yema yanyagidi, ŋalimani boandi leni bonbuakatoala kuli yen taani ki je U Tienu maama yeni, ki teni ke mi kan luoni puu.

Gourmanchéma Bible

¹⁹ ama mi yema yanyagidi, leni mi ŋalimani boandi, leni bonbuakatoala kuli yen taani ki je mi maama, ki teni ke mi kan luoni pu.

Marki 4:19 ပူးပေါင်းရင်းမြစ်များ

Mi Kpanjama 23:4

Da duoli a yuli ke a bua ŋalimani Cedi ki da kpaagi lipo boncianla.

Mi Kpanjama 23:5

Naani a nudi a nuni ki baa le mi piame? Pu kuli ki go ye kelima mi baa pa i fiabi, Ki yugi nani jiebani yeni ki kua ti tawadi nni.

O Yanfuodaano 4:8

A baa le nilo ke o ye obebe, waa pia lielo, waa pia biga, waa pia naataanu, ama ki nan tuuni ki kan cedi. O li bua ki yaa baadi mi piama ki pugide, ba ke o buali o yuli wan tuuni yua yaa po, ki naa tiendi liba kuli ki mangidi o pali. Lani moko tie bonpendikaala, yanyagikuondi.

Esayi 5:2

O den ŋanbi ki tinga, ki ñani a tana, Ki baa yaa tiidi n ŋani ki ŋuu. O den maa li diefoagili u kuanu siiga, Ki gbini u datuodikaanu, Ki sugini ke duven tiidi baa luoni Li bonluonkaŋanla. Ama li den loni yaa bonluonkaala n bedi.

Esayi 5:4

N go baa fidi ki tieni be yo N duventiidi kuanu po, Ke n daa tieni la? Be yaa po yo ke n den sugini ke u baa luoni Yaa bonluonkaala n ŋani, Ke u fii ki loni n po bonyuogidi?

Matie 13:22

Yii n den baa ti konkondi nni, tie yua n gbadi U Tienu maama, ama ŋanduna yema yanyagidi leni ŋalimani boandi kuli dini ma, ki teni ke maa luoni puu.

Matie 19:23

Lani, Jesu den yedi o ŋoadikaaba: «N waani yi i moamoani, li baa yaa pa boncianla o piado po, wan kua tanpoli diema nni.

Matie 3:10

Ba moala bi caani li yali i tijiini po. Yaa tibu n ki luoni yaa bonluonkaala n ŋani kuli, bi baa pedi bu, ki lu u mu nni.

Marki 4:18

Bi nitianba mo tie nani yaa bonbii n baa ti konkondi nni yeni. Bani mo n tie yaaba n gbadi U Tienu maama,

Luki 10:41

O Diedo den guani ki yedi o: «Marti, Marti, a yagini a yama ki cuoni ki lindi li bonla boncianla po.

Luki 21:34

Fangi mani yi yula, ki da tuo mi jekandikaama, li dañokandikaali leni mi yema yanyagidi n fie yi yantiana, ki guli yi ke landaali cuama n da ludi yi.

Jan n diani U Tienu Laabaaliŋamo maama 15:2

Yaa benu n tuugi leni nni ki naa luoni kuli, o pedi u. Yaa benu n luoni mo kuli, o kpendi ki ŋanbidi u, wun yaa luoni ki pugidi.

LOMA YAABA 12:2

Da taani mani leni ŋanduna na niinni yaaba. Ama yi yantiana pandima n teni yin lebidi, ke yin fidi ki gagidi ki bandi U Tienu yanbuama. Lani n tie yaala n ŋani, ki mani o po, ki go dagidi cain.

Efesa 2:2

Lanyogunu yi den ŋua ŋanduna na yema sanbiadu leni mi fawaama nni paaciami bado, yua yaa yantiali n tuuni moala U Tienu yiekaaba pala nni.

Efesa 6:12

Tii koani leni yaa yibalinba n pia ti gbanandi leni mi soama ka. Ama ti koani leni li bali danba, i paaciami danba leni yaaba n die li biigili ŋandunli, ki tie yaa cicibiadimu n ye mi fawaama nni.

Filipi 4:6

Yin da yagi mani yi yama bonliba kuli po. Ama li bonla kuli yaa po, yin waani U Tienu yin luo yaala, ki yaa jaandi ki miadi o, ki go tuondi o.

1 Timote 6:17

Ŋan tundi yaaba n tie a piada ŋanduna na niinni, ke ban da pia ti japaadi, ki da piani bi yula bi piama, yaama n ki pia dugidi. Ama ban piani bi yula U Tienu po, wani yua n puuni ti li bonla kuli ke li kandi, ki bua tin mangi ti pala li po.

2 Timote 4:10

Demasi den ŋaa nni ki gedi Tesaloniki po, kelima o bua yaa jamaano n tie na yaa bonla. Kilesensi fii ki gedi Galati, Titi mo fii ki gedi Dalimati diema nni.

2 Pieri 1:8

Laa bonŋanla yaa ye yi niinni ki pugidi, li baa teni yin yaa tuuni, ki go teni yin yaa kpedi ti Diedo Jesu Kilisiti yaa bandima nni ki pugidi.

Jude 1:12

Laa niba n go joagini yin taani leni yi kpiiba, ki di yaa jiema. Lankane bi yen di ki go ñu ke li pendi, kaa jie fe, ki nua bi yaa yula bebe. Bi tie nani u faalu n tudi yaa tawala n ki pia ñima yeni. Bi go tie nani li fali tiidi, yii n ki loni ba i yogunu, ama ki kpe ki kuodi cain, ke bi ŋabi yi yeni.