Marki 3:10 - U TIENU MAAMA TILI 2013

¹⁰ O den paagidi bi niba boncianla bi yiani po. Yaaba n laadi fala kelima i yiani po kuli den taani o kani. Bi den tudi biyaba ki bua ki sii o.

Gourmanchéma Bible

¹⁰ O den paagidi bi niba boncianla bi yiani po, ke yaaba n laadi fala kelima i yiani po kuli den taani o kani, ki tudi biyaba ki bua ki sii o.

Marki 3:10 ပူးပေါင်းရင်းမြစ်များ

Mi cilima 12:17

Ama o Diedo den luni Faraon leni o diegu yaaba kuli po i yianbiadi, kelima Abalama pua Sarayi po.

Mi Coadima 11:33

Hali ke bi da den babi babi ti nandi, ki daa ŋmani ke li dingi yeni, o Diedo pali den fii ku niligu po, ke o den ŋaa ku niligu po yaa yianu n bia hali boncianla.

Matie 12:15

Ama Jesu den bandi la ki ñani likani. Bi niba boncianla den ŋua o. O den paagi a yiama kuli,

Matie 14:14

Wan den ñani ku ñinbiagu nni, o den laa ke bi niba ladi ki ban caa. Mi ninñima den cuo o ke o paagi bi yiama.

Matie 14:36

Bi den miadi o ke wan pa ba ban li sii o liadicuadi bebe. Yaaba n den sii o kuli den paagi cain.

Matie 4:23

Jesu den gaandi Galile diema nni kuli ki koa li bali maama bangima diena nni, ki bangi bi niba ki wangi ba U Tienu diema Laabaaliŋamo, ki paagidi bi niba bi yianbuoli leni bi tadinbuoli kuli po.

Marki 5:34

Lani, Jesu den yedi o: «N bisalo, a dandanli paagi a. Fii ki kuni leni mi yanduanma, a yianbiadu n gbeni a po.»

Marki 6:56

Wan den pundi naankani kuli, a dobila leni i dociami nni, ba ti koadiedi nni, bi den taani a yiama, ki kpendinni ki duandi ba mu daamu nni, ki miadi o ke wan pa ba ban sii ba o liadicuadi bebe. Yaaba n den baa ki sii ti kuli den paagi cain.

Marki 8:22

Jesu leni o ŋoadikaaba n den pundi Betisayida, bi niba den cuani o juamo Jesu kani, ki mia o ke wan sii o.

Luki 5:3

O den kua ñinbiayengu nni, Simon yaa yaagu, ki mia o ke wan piadi leni li wali waamu. Lani, Jesu den kali ku ñinbiagu nni ki bangi ku niligu.

Luki 6:19

Ku niligu siiga yuakuli den moandi ki bua ki sii o, kelima u paalu den ña o niinni ki paagidi bikuli.

Luki 7:2

Minteela kobiga yudaano yendo den ye likani, ki pia o naacemo ke o tie o po nimoano, ke o yia hali ki bua ki kpe.

Luki 7:21

Lanyogunu, Jesu den paagi a yiama, a tadima leni mu cicibiadimu n die yaaba, ki go noadi a juama boncianla.

Jesu Tondiba Tuona 5:15

Bi niba den kpendinni a yiama i sani nni ki duandi ba i duani leni ti duankaadi po, ke Pieli yaa tagini ki baa pendi, ba o jinjingu n yini bi tianba po.

Hebilunba 12:6

O Diedo tundi wan bua yua leni fala, Ki pua wan nua yua Ke o tie o biga kuli.»